سوئٹزرلینڈ کے پہاڑی علاقے میں 5 اسکیئرز ہلاک
اشاعت کی تاریخ: 26th, May 2025 GMT
ZURICH:
سوئٹزرلینڈ کے علاقے زیرمیٹ کی پہاڑی میں واقع مہنگے اسکی ریزورٹ میں 5 اسکیئرز ہلاک ہوگئے۔
خبرایجنسی رائٹرز کی رپورٹ کے مطابق کینٹن ویلائس میں پراسیکیوٹر آفس نے بتایا کہ ایمرجنسی سروس کو 4 ہزار میٹر بلند اسکی ریزوٹ میں اسکیئرز کے پھنس جانے کی اطلاع پر امدادی کارروائی شروع کی تاہم پانچوں کی لاشیں برآمد ہوئیں۔
رپورٹ کے مطابق اسکیئرز نے ہفتے کو حکام کو آگاہ کیا تھا کہ وہ زیرمیٹ کے مشرق اور ساس فی گاؤں کے جنوب میں پہاڑی ریمپفشورن میں ڈھلوان میں موجود ہیں۔
پراسیکیوٹر آفس نے بتایا کہ امدادی کارکنوں کو ایڈلیرگلیٹسچر گلیشئر کے پاس اسکیئرز کی لاشیں ملی، یہ علاقے اٹلی کی سرحد کے قریب سوئٹزرلینڈ کے جنوب مغرب میں واقع ہے۔
مقامی ایئرلائن ایئرزیرمیٹ نے بتایا کہ تین لاشیں جہاں اسکیئرز کی نشان دہی کی گئی تھی وہاں سے چند میٹر نیچے برفانی تودے کے ملبے سےملیں اور مزید دو لاشیں 4 ہزار 199 میٹر اونچے پہاڑی علاقے میں ملیں۔
حکام نے بتایا کہ ہلاک ہونے والے اسکیئرز کی شناخت تاحال نہیں ہوسکی ہے اور حادثے کی وجوہات معلوم کرنے کے لیے تفتیش شروع کردی گئی ہے۔
.ذریعہ: Express News
کلیدی لفظ: نے بتایا کہ
پڑھیں:
لاہور میں تقریباً 8 گھنٹے بارش کا تاریخی اسپیل، نیا ریکارڈ بن گیا
لاہور میں تقریباً 8 گھنٹے بارش کے تاریخی اسپیل میں اوسطاً 136 ملی میٹر کا نیا ریکارڈ بن گیا۔
رپورٹ کے مطابق اس دوران واسا اور دیگرمتعلقہ ادارے پوری طرح متحرک اور سرگرم عمل رہے جب کہ وزیراعلیٰ مریم نوازشریف نے نکاسی آب کی مسلسل مانیٹرنگ کی اور علامہ اقبال ٹاؤن اور نشتر ٹاؤن سے ہنگامی بنیادوں پر نکاسی کا انتظام کرنے کی ہدایت کی۔
صبح 5بجے سے جاری موسلادھار بارش سے زیر آب آنے والے علاقوں سے پانی کا نکاس جاری ہے جب کہ واسا کی ٹیمیں اور افسران فیلڈ میں موجود، بجلی کی بار بار بندش سے نکاسی آب میں آنے والی رکاوٹ دور کرنے کے لئے کوشاں ہیں۔
وزیراعلیٰ مریم نواز شریف نے شہر بھر میں ٹریفک کی روانی کے لئے وارڈن اور افسران کو فیلڈ میں موجود رہنے کی ہدایت کی اور بارش کے باوجود کسی بھی روڈ پر ٹریفک بحال رکھنے کے لئے اقدامات کا حکم دیا۔
نشتر ٹاؤن میں سب سے زیادہ 178 ملی میٹر، اقبال ٹاؤن ڈویژن اور پانی والا تالاب کے علاقوں میں 175 ملی میٹر بارش ریکارڈ کی گئی جب کہ شہر میں اوسطاً 136 ملی میٹر کا نیا ریکارڈ بن گیا۔
چیئرمین سی ڈی اے محمد علی رندھاوا کی زیر صدارت اجلاس ، سیکٹرز ڈویلپمنٹ کے کام کو مزید تیز کرنے کی ہدایت