کراچی میں آج پارہ 40 ڈگری تک جانے کا امکان
اشاعت کی تاریخ: 25th, May 2025 GMT
کراچی میں آج سے گرمی کی شدت میں مزید اضافے کا امکان ظاہر کیا جا رہا ہے۔محکمہ موسمیات کی جانب سے بتایا گیا ہے کہ 24 گھنٹوں کے دوران کراچی کا موسم انتہائی گرم اور مرطوب رہنےکا امکان ہے، شہر میں آج زیادہ سے زیادہ درجہ حرارت 40 ڈگری سینٹی گریڈ تک جاسکتا ہے۔محکمہ موسمیات نے بتایا کہ دن کے اوقات میں تیز دھوپ کے ساتھ سمندری ہوائیں بند رہنے کا امکان ہے جس کے باعث سمندر کے قریبی علاقوں میں درجہ حرارت 45 ڈگری تک محسوس ہو سکتا ہے۔محکمہ موسمیات نے مزید بتایا کہ مغربی سمت سے 17 کلو میٹر فی گھنٹہ کی رفتار سے ہوا چل رہی ہے اور اس وقت ہوا میں نمی کا تناسب 74 فیصد ہے۔دوسری جانب موسمیاتی تجزیہ کار نے بحیرہ عرب میں ہونے والی سرگرمی کے حوالے سے بتایا کہ ہوا کا کم دباؤ اس وقت بھارت کی ریاست مہا اشٹرا پر ہے، اس سسٹم سے سندھ میں بارش کا کوئی امکان نہیں ہے۔موسمیاتی تجزیہ کار نے مزید بتایا کہ شہر میں پورے ہفتے گرمی برقرار رہنے کا امکان ہے، بدھ سے جمعہ تک درجہ حرارت 40 سے 41 ڈگری سینٹی گریڈ تک رہ سکتا ہے۔
.ذریعہ: Nawaiwaqt
پڑھیں:
کراچی کے موسم سے متعلق محکمہ موسمیات کی نئی پیش گوئی
data-id="863a0a8" data-element_type="widget" data-widget_type="theme-post-content.default">
کراچی کے موسم کے حوالے سے محکمہ موسمیات نے نئی پیشگوئی جاری کی ہے۔
محکمہ موسمیات کے مطابق شہر کا مطلع آئندہ دنوں میں بھی جزوی طور پر ابر آلود رہنے کا امکان ہے۔ آج صبح بھی شہر کے مختلف علاقوں میں ہلکی بارش اور بوندا باندی کے بعد موسم خوشگوار ہوگیا۔
موسمیاتی ماہرین کا کہنا ہے کہ سمندر کے نچلی سطح کے بادل شہر کے اوپر چھائے رہیں گے، جس کے باعث رات اور صبح کے اوقات میں ہلکی بارش یا پھوار کا سلسلہ وقفے وقفے سے جاری رہ سکتا ہے۔
موسم کی اس تبدیلی نے شہریوں کو گزشتہ 2 دنوں کی گرمی سے وقتی ریلیف دیا ہے۔
محکمہ موسمیات نے بتایا کہ آج صبح کراچی میں نمی کا تناسب 92 فیصد ریکارڈ کیا گیا جبکہ کم سے کم درجہ حرارت 26 ڈگری سینٹی گریڈ رہا۔ درجہ حرارت میں مزید اضافے یا نمایاں کمی کا امکان نہیں ہے تاہم ہلکی بارش اور بادلوں کے سبب فضا خوشگوار بنی رہنے کی توقع ہے۔
یاد رہے کہ پیر کی صبح شہر قائد کا موسم اچانک تبدیل ہوا تھا جب مطلع ابر آلود ہونے کے ساتھ ہلکی بارش ہوئی تھی، جس کے بعد شہریوں نے نسبتاً بہتر اور خوشگوار موسم کا لطف اٹھایا۔
ہمالیہ ایئرلائنز کی پرواز منسوخ، بیمان کی پرواز واپس موڑ دی گئی