بھارت میں ناروا سلوک، عالمی مقابلہ حسن کی امیدوار دستبردار
اشاعت کی تاریخ: 26th, May 2025 GMT
عالمی مقابلہ حسن کی امیدوار مس انگلینڈ 2024 ملیا میگی نے بھارت میں خواتین کی تذلیل اور نامناسب سلوک پر احتجاجاً دستبردار ہوگئیں۔
دنیا بھر میں بھارت کے خواتین کے تحفظ، عزت اور آزادی کے جھوٹے دعوے بےنقاب ہوگئے۔ 24 سالہ ملیا نے دعویٰ کیا کہ ہندوستان میں منعقدہ مقابلے کے دوران ان کے ساتھ غیر اخلاقی، غیر انسانی اور تضحیک آمیز رویا روا رکھا گیا۔
میڈیا رپورٹس کے مطابق 7 مئی کو بھارتی شہر حیدرآباد میں ایک پبلسٹی ایونٹ کے دوران ملیا میگی نے انکشاف کیا کہ ہمیں ایسے پیش کیا گیا جیسے ہم کوئی تماشہ دکھانے والے بندر ہوں، تمام شرکاء کو دن بھر بال گاؤنز پہننے پر مجبور کیا گیا، یہاں تک کہ ناشتہ کرتے وقت بھی۔
ملیا کے مطابق انہیں اور دیگر شرکاء کو کاروباری افراد کے ساتھ بیٹھنے کو کہا گیا، جنہوں نے شو میں سرمایہ کاری کی تھی۔
انہوں نے برطانوی اخبار کو بتایا کہ ہمیں ان کاروباری افراد کے ساتھ شام بھر بیٹھنے کو کہا گیا یہ ناقابلِ یقین تھا، مجھے ایسا محسوس ہوا جیسے مجھے نمائشی کھلونا بنا کر پیش کیا جا رہا ہو، میں یہاں کسی کی تفریح کا سامان بننے نہیں آئی تھی۔
ان کا مزید کہنا تھا کہ جب میں اپنے سماجی روابط اور انسانی ہمدردی کے کاموں پر بات کرنا چاہتی تھی تو وہاں بیٹھے مردوں کو کوئی دلچسپی نہیں تھی اور صرف بے تُکی چھوٹی باتیں ہو رہی تھیں۔
ملیا نے یہ بھی انکشاف کیا کہ منتظمین نے مجھے بورنگ کہا اور ایک خاتون نے میرے چہرے کے قریب تالیاں بجا کر مجھے توجہ دلانے کی کوشش کی جو انتہائی توہین آمیز حرکت تھی، ایسا محسوس ہوا جیسے ہم بالغ خواتین نہیں بلکہ اسکول کے بچے ہوں۔
16 مئی کو ملیا نے باضابطہ طور پر مقابلہ چھوڑ دیا اور اپنے آبائی علاقے کارنوال (برطانیہ) واپس چلی گئیں۔ ان کی جگہ اب رنر اپ شارلٹ گرانٹ جو موجودہ مس لیورپول ہیں عالمی مقابلے میں شریک ہوں گی۔
Post Views: 2.
ذریعہ
ذریعہ: Daily Mumtaz
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ