پاکستانی سوشل میڈیا صارفین کیلئے وارننگ، اکاؤنٹس کے پاس ورڈز فوری تبدیل کریں ورنہ !!! ایڈوائزری جاری
اشاعت کی تاریخ: 26th, May 2025 GMT
اسلام آباد – پاکستان میں سائبر سیکیورٹی خدشات کے پیش نظر سوشل میڈیا صارفین کو فوری طور پر اپنے اکاؤنٹس کے پاس ورڈز تبدیل کرنے کی ہدایت کی گئی ہے۔ متعلقہ اداروں کی جانب سے جاری کردہ ایڈوائزری میں ممکنہ سائبر حملوں اور ڈیٹا چوری کے خدشات ظاہر کیے گئے ہیں۔
ایڈوائزری کے مطابق، پاکستانی شہریوں اور اداروں کو سائبر سیکیورٹی کو سنجیدگی سے لینے کی ضرورت ہے کیونکہ حالیہ رپورٹس میں آن لائن پلیٹ فارمز پر غیر معمولی سرگرمیوں کا انکشاف ہوا ہے۔
ایڈوائزری میں درج اہم ہدایات درج ذیل ہیں:
اپنے تمام سوشل میڈیا اکاؤنٹس کے پاس ورڈ فوری طور پر تبدیل کریں۔
اینٹی وائرس اور دیگر سیکیورٹی سافٹ ویئر کو اپ ڈیٹ رکھیں۔
اکاؤنٹس پر ہونے والی غیر معمولی لاگ ان سرگرمیوں پر کڑی نظر رکھیں۔
حکومتی اور حساس اداروں کے ڈیجیٹل نظام بھی ممکنہ خطرے میں ہیں۔
ماہرین کا کہنا ہے کہ سائبر حملے نہ صرف انفرادی صارفین بلکہ سرکاری اداروں کے لیے بھی سنگین خطرہ بن سکتے ہیں، جن کے ذریعے حساس معلومات چوری یا متاثر ہو سکتی ہیں۔
حکام نے صارفین کو مشورہ دیا ہے کہ وہ دوہری توثیق (Two-Factor Authentication) جیسی جدید حفاظتی تدابیر اپنائیں اور کسی بھی مشکوک پیغام، ای میل یا لنک پر کلک کرنے سے گریز کریں۔
.
ذریعہ
ذریعہ: Daily Ausaf
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار