بلوچستان اسمبلی: خضدار میں دہشتگرد حملے کے خلاف مذمتی قرارداد منظور
اشاعت کی تاریخ: 26th, May 2025 GMT
بلوچستان اسمبلی کے اجلاس میں خضدار کے آرمی پبلک اسکول کی بس پر ہونے والے خودکش حملے کے خلاف مذمتی قرارداد منظور کرلی گئی۔
بلوچستان اسمبلی کا اجلاس ڈپٹی اسپیکر غزالہ گولہ کی زیرصدارت ہوا، جس میں نیشنل پارٹی سے تعلق رکھنے والے رکن اسمبلی رحمت صالح بلوچ نے قرارداد پیش کی اور کہاکہ خودکش حملے میں 8 نہتے اور معصوم طلبا و طالبات سمیت کئی بے گناہ افراد شہید جبکہ متعدد زخمی ہوئے۔
یہ بھی پڑھیں خضدار: اسکول بس پر حملے میں زخمی مزید 2 طالبات دم توڑ گئیں، شہدا کی تعداد 8 ہوگئی
ایوان نے اس حملے کو علم، امن اور پاکستان کے روشن مستقبل پر حملہ قرار دیتے ہوئے کہاکہ یہ واقعہ ملک کی سالمیت اور امن دشمن عناصر کی گھناؤنی سازش ہے۔
قرارداد میں حکومت سے مطالبہ کیا گیا کہ دہشتگردی کے اس سفاک حملے میں ملوث عناصر اور ان کے سہولت کاروں کو فی الفور کیفر کردار تک پہنچایا جائے۔ اسمبلی اجلاس میں حزب اختلاف اور حکومتی اراکین نے واقعے پر شدید ردعمل کا اظہار کیا۔
اپوزیشن لیڈر نے واقعے پر ہر آنکھ کے اشکبار ہونے کا ذکر کرتے ہوئے کہاکہ بزدل دہشتگردوں نے بچوں کو نشانہ بنایا، جس پر انہیں شرم آنی چاہیے۔
رکن اسمبلی یونس عزیز زہری نے کہاکہ اگر لڑنا ہے تو افواج پاکستان سے لڑیں، معصوم بچوں کو نشانہ بنانا بزدلی ہے۔
زمرک خان اچکزئی نے نیشنل ایکشن پلان پر عملدرآمد نہ ہونے پر تشویش ظاہر کی اور کہاکہ جب تک عوام کو اعتماد میں نہیں لیا جائے گا، دہشتگردی ختم نہیں ہوگی۔
مینہ مجید نے کہاکہ ہم اتنے گرے ہوئے نہیں کہ بچوں پر حملے کریں، بھارت کا مکروہ چہرہ سب کے سامنے آ چکا ہے۔
صوبائی وزیر میر ظہور احمد بلیدی نے کہاکہ بھارت کے تمام عزائم کو خاک میں ملا دیں گے، وہ بلوچستان میں اپنے سہولت کاروں کے ذریعے حملے کروا رہا ہے۔
زرک مندوخیل نے کہاکہ دشمن بچوں کو نشانہ بنا کر بلوچستان کو عدم استحکام کا شکار بنانا چاہتا ہے، لیکن ابھی تک ہم نے جنگ شروع ہی نہیں کی۔
میر سلیم کھوسہ نے کہاکہ بلوچستان کے عوام نے بے پناہ قربانیاں دی ہیں، دہشتگردوں کا کوئی مذہب یا رشتہ نہیں ہوتا۔
مولانا ہدایت الرحمان نے سوال اٹھایا کہ پھول جیسے بچوں کی حفاظت کی ذمہ داری کس پر عائد ہوتی ہے، جبکہ راحیلہ حمید درانی نے کہاکہ بلوچستان کو دانستہ طور پر نشانہ بنایا جا رہا ہے۔
صوبائی وزیر صحت نے بلوچستان کو جنگ کی کیفیت سے دوچار قرار دیا جبکہ بخت محمد کاکڑ نے پاک فوج کی قربانیوں کو خراج تحسین پیش کرتے ہوئے کہاکہ شہدا کی بدولت آج ہم سکون سے جی رہے ہیں۔
یہ بھی پڑھیں بلوچستان میں دہشتگردی کی بھارتی سرپرستی کے شواہد منظر عام پر
آخر میں علی مدد جتک نے بھارت کو مخاطب کرتے ہوئے کہاکہ معصوم بچوں کو نشانہ بنانے والے سن لیں، ہم ڈرنے والے نہیں، بلوچستان میں امن ہوگا تو ترقی بھی ہوگی، جس کے بعد مذمتی قرارداد منظور کرلی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آرمی پبلک سکول بلوچستان اسمبلی دہشتگرد واقعہ دہشتگردی وی نیوز.
ذریعہ
ذریعہ: WE News
کلیدی لفظ: ا رمی پبلک سکول بلوچستان اسمبلی دہشتگرد واقعہ دہشتگردی وی نیوز بلوچستان اسمبلی بچوں کو نشانہ ہوئے کہاکہ نے کہاکہ
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ