آج سورج خانہ کعبہ کے عین اوپر ہوگا
اشاعت کی تاریخ: 27th, May 2025 GMT
27 مئی کو دوپہر 12:18 بجے مکہ مکرمہ کے آسمان پر سورج عین خانہ کعبہ کے اوپر ہوگا، ماہرین فلکیات کا کہنا ہے کہ یہ منظر دنیا بھر کے مسلمانوں کو قبلہ کی سمت جانچنے کا قدرتی موقع فراہم کرتا ہے۔
فلکیاتی ماہرین نے اعلان کیا ہے کہ آج، منگل 27 مئی 2025 کو، سورج دوپہر 12:18 بجے (مکہ مکرمہ کے وقت کے مطابق) خانہ کعبہ کے عین اوپر ہوگا (یعنی پاکستانی وقت کے مطابق 2 بج کر 18 منٹ پر)۔ اس نایاب فلکیاتی منظر کے دوران سورج عمودی طور پر کعبہ کے اوپر ہوگا، جس سے دنیا بھر کے مسلمان قبلہ کی درست سمت کا تعین با آسانی کر سکتے ہیں۔
سعودی عرب کی فلکیاتی سوسائٹی کے مطابق، یہ منظر سال میں دو بار رونما ہوتا ہے، جب سورج کا زاویہ زمین کے ایسے مقام پر آجاتا ہے کہ وہ خانہ کعبہ کے بالکل اوپر ہوتا ہے۔ اس موقع پر دنیا کے کسی بھی مقام سے اگر سورج کو دیکھا جائے تو وہی سمت قبلہ کی ہوگی۔
فلکیاتی سوسائٹی قصیم ریجن کے صدر، عیسیٰ الغفیلی کا کہنا ہے کہ جدید آلات کے بغیر بھی لوگ اس قدرتی منظر سے فائدہ اٹھا سکتے ہیں اور سورج کی سمت کو دیکھ کر قبلہ کی درست سمت معلوم کر سکتے ہیں۔
یاد رہے کہ رواں سال 2025 میں سورج کے خانہ کعبہ کے عین اوپر آنے کا یہ پہلا واقعہ ہے۔ ماہرین نے لوگوں سے اپیل کی ہے کہ وہ اس موقع سے فائدہ اٹھاتے ہوئے اپنے گھروں، مساجد اور دیگر مقامات پر قبلہ کی درستگی کو یقینی بنائیں۔
Post Views: 2.ذریعہ: Daily Mumtaz
کلیدی لفظ: خانہ کعبہ کے اوپر ہوگا قبلہ کی
پڑھیں:
’بک مون‘ کے ساتھ سرخی مائل چاندنی رات کا نظارہ
جولائی کی مکمل چاندنی رات جسے ’بک مون‘(Buck Moon) کہا جاتا ہے، جمعرات 10 جولائی کو اپنے عروج پر پہنچ گئی۔ امریکی مشرقی وقت کے مطابق چاند نے شام 4:37 پر طلوع کیا، اور سورج غروب ہونے کے بعد رات 8:53 بجے کے بعد واضح طور پر دیکھا جا سکا۔
یہ بھی پڑھیں:دبئی میں ’اسٹرابیری مون‘ کے طلسمی نظار ے نے دیکھنے والوں کو مسحور کردیا
’بک مون‘ کو یہ نام اس موسم کی مناسبت سے دیا گیا ہے جب ہرنوں (bucks) کے سینگ اُگنا شروع ہوتے ہیں۔ اس چاند کا رنگ طلوع کے وقت سنہری یا سرخی مائل ہوتا ہے، جس کی وجہ ریلی اسکیٹرنگ (Rayleigh Scattering) نامی قدرتی مظہر ہے، جو روشنی کو بکھیر کر چاند کو سرخ یا نارنجی روپ دیتا ہے۔
ناسا کے ماہر نواح پیٹرو کے مطابق چاند مکمل ہونے کے قریب ایک دن پہلے اور ایک دن بعد بھی تقریباً مکمل نظر آتا ہے، یعنی اگر آپ 9 یا 11 جولائی کو بھی چاند کو دیکھیں تو وہ تقریباً مکمل چاند جیسا دکھائی دے گا۔
اس چاند کو بعض اوقات ’تھنڈر مون‘ بھی کہا جاتا ہے، کیونکہ جولائی میں گرمی کے طوفانی موسم کے باعث چمکدار بجلی اور گرج چمک عام ہوتی ہے۔
یہ بھی پڑھیں:پاکستان کے افق پر ’گلابی چاند‘ بآسانی کب دیکھا جاسکے گا؟
2025 میں یہ منظر اور بھی شاندار اس لیے تھا کیونکہ ہر 18.6 سال بعد آنے والا فلکی مظہر ’میجر لونر اسٹِل‘اس بار مکمل اثر میں تھا، جس کے تحت سورج کی کششِ ثقل چاند کے مدار کو زمین کے محور کے ساتھ ایک مخصوص زاویے پر جھکا دیتی ہے، جس کی وجہ سے چاند افق کے نسبت بہت نیچے نظر آتا ہے۔
ماہرین کا کہنا ہے کہ ’بک مون‘ کا لطف اٹھانے کے لیے مشرقی افق کی سمت بغیر کسی رکاوٹ کے منظر والا علاقہ سب سے موزوں ہے۔ یہ منظر قدرتی حسن، موسمی کہانیوں اور فلکی مظاہر سے دلچسپی رکھنے والوں کے لیے ایک شاندار تحفہ تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بک مون تھنڈر مون سینگ ہرن
بریڈ پٹ کی فلم ’F1‘ نے دنیا بھر سے کتنے ملین ڈالرز کمالیے؟