جدہ بک فیئر 2025 کا شاندار آغاز، 24 ممالک کے پبلشرز کی شرکت
اشاعت کی تاریخ: 12th, December 2025 GMT
’جدہ پڑھتا ہے‘ کے عنوان کے ساتھ جدہ سپر ڈوم میں جدہ بک فیئر 2025 کا افتتاح ہو گیا۔ امسال 24 ممالک سے ایک ہزار سے زائد پبلشنگ ہاؤسز کی شرکت نے اسے شہر کا سب سے بڑا ثقافتی اجتماع بنا دیا ہے۔
جدہ میں گزشتہ روز کو ادب، اشاعت اور ترجمہ کمیشن نے ’جدہ پڑھتا ہے‘ کے عنوان کے ساتھ جدہ بک فیئر 2025 کا افتتاح کیا، جو شہر کے نمایاں سالانہ ثقافتی میلوں میں سے ایک ہے۔ میلے میں 24 ممالک سے ایک ہزار سے زائد مقامی و بین الاقوامی پبلشنگ ہاؤسز اور ایجنسیاں 400 سے زیادہ اسٹالز کے ساتھ شریک ہیں، جس سے یہ علاقائی سطح پر تخلیقی تبادلے اور علمی سرگرمیوں کا بڑا مرکز ثابت ہو رہا ہے۔
معرض جدة للكتاب في جدة سوبردوم.
حضور لافت من الزوار، ومشاركة مميزة من دور النشر التي أضافت للمعرض طابعًا ثقافيًا مميز.
أحجز تذكرتك المجانية الآن من منصة وي بوك ????️ https://t.co/ih0TlrBTad
???? من ١١ إلى ٢٠ ديسمبر ٢٠٢٥
⏰ يوميًا من ١٢ ظهرًا إلى ١٢ بعد منتصف الليل.
⏰ يوم الجمعة من… pic.twitter.com/bLcN3UHU0Y
— Jeddah Superdome | جدة سوپردوم (@jeddahsuperdome) December 11, 2025
پبلشنگ جنرل ڈیپارٹمنٹ کے جنرل مینیجر بسام البسام نے بتایا کہ 2021 سے جب سے کمیشن نے سعودی بک فیئرز کی باقاعدہ تنظیم سنبھالی ہے، وزٹرز کی تعداد اور اشاعتی اداروں کی فروخت میں مسلسل اضافہ دیکھا گیا ہے۔ ان کے مطابق کمیشن ملک میں ادب، اشاعت اور ترجمے کے شعبوں کی بہتری کے لیے جامع اصلاحات اور تعاون پر مبنی مختلف پروگرامز پر کام کر رہا ہے، جن کا مقصد معیار کو بہتر بنانا اور شعبے کی مجموعی کارکردگی کو بلند کرنا ہے۔
یہ بھی پڑھیں:فلائی جناح نے کراچی سے جدہ کے لیے روزانہ نان اسٹاپ پرواز کا اعلان کر دیا
انہوں نے کہا کہ کمیشن نہ صرف مقامی قواعد و ضوابط کو جدید بنا رہا ہے بلکہ بین الاقوامی شراکت داریوں کے ذریعے سعودی ثقافت کو عالمی کتاب میلوں میں نمایاں بنانے کے لیے بھی کوشاں ہے۔
–@LPTC_MOC, under the slogan Jeddah Reads, has launched Jeddah Book Fair 2025 at the Jeddah Superdome @SaudiBookFairs https://t.co/ZJeQS3vGke pic.twitter.com/YBGwZCcnSq
— Arab News (@arabnews) December 11, 2025
اس سال پہلی بار میلے میں مقامی فلم پروڈکشن پروگرام بھی شامل کیا گیا ہے، جس کے تحت ’ضو‘ فلم سپورٹ پروگرام کے تحت تیار کی گئی معروف سعودی فلموں کی اسکریننگ ہوگی۔ یہ اقدام سعودی ویژوئل اسٹوری ٹیلنگ کے بڑھتے ہوئے رجحان اور ثقافتی و فنون کے شعبوں کے باہمی امتزاج کو فروغ دیتا ہے۔
میلے میں 170 سے زائد ثقافتی سرگرمیاں، جن میں پینل ڈسکشنز، لیکچرز، مشاعرے، اور ورکشاپس شامل ہیں، اس بات کا ثبوت ہیں کہ جدہ بک فیئر ایک جامع ثقافتی پلیٹ فارم بنتا جا رہا ہے۔ بچوں کے لیے مخصوص سیکشن میں تخلیقی سرگرمیاں اور انٹرایکٹو سیشن ان میں مطالعے کی عادت کو فروغ دینے کے لیے ترتیب دیے گئے ہیں۔
يسعدنا لقاؤكم في #معرض_جدة_الدولي_للكتاب_2025
للاطلاع على خدماتنا الرقمية التي تدعم قطاع النشر.
للتسجيل:https://t.co/I7OqCZwnmG
الهيئة العامة لـ #تنظيم_الإعلام pic.twitter.com/DAAGQh8MsD
— الهيئة العامة لتنظيم الإعلام (@Gmedia_SA) December 11, 2025
2025 کے ’سالِ دستکاری‘ کی مناسبت سے ہنڈی کرافٹس کارنر میں سعودی روایتی دستکاریوں کی نمائش بھی رکھی گئی ہے، جب کہ مینگا و اینیمی زون اور ڈسکاؤنٹ بکس سیکشن نوجوانوں اور کتاب دوستوں کی خصوصی توجہ کا مرکز بنے ہوئے ہیں۔
سعودی بچوں کی کتابوں کی معروف پبلشنگ کمپنی ’قادی و رمادی‘ اپنی 20ویں سالگرہ مناتے ہوئے خصوصی ایڈیشنز کے ساتھ میلے میں شریک ہے۔ اس کی بانی ثریا بطرجی نے کہا کہ بچوں میں مطالعے کی شوق کی بنیاد پانچ ماہ کی عمر سے ہی رکھنی چاہیے، جب والدین کی کہانی سنانے کی سرگرمیاں بچوں کی ذہنی نشونما میں اہم کردار ادا کرتی ہیں۔
في كل زاوية حكاية، وفي كل كتاب عالم جديد ????
عيشوا الأجواء معانا في #معرض_جدة_للكتاب_2025 وبرنامجه الثقافي المتنوع✨
????️ 11 – 20 ديسمبر
????جدة سوبردوم #تقويم_فعاليات_جدة#جدة_غير
احجز تذكرتك المجانية الآن ????️https://t.co/TF5sKCcGq2 pic.twitter.com/LZgT7GW3BG
— Jeddah Season | موسم جدة (@JEDCalendar) December 11, 2025
میلے کے پہلے روز نوجوان زائرین کی بڑی تعداد بھی موجود تھی۔ جدہ سے 16 سالہ سارہ المالکی نے بتایا کہ وہ بچپن سے اس میلے کا حصہ رہی ہیں اور ان کے لیے ہفتے کا آغاز یہاں سے کرنا ایک خاص روایت بن چکا ہے۔ ’’یہ میلہ میرے لیے گھر جیسا ہے، میں ہر سال اس کے ساتھ بڑی ہوتی جا رہی ہوں،‘‘ انہوں نے کہا۔
جدہ بک فیئر 2025 اس سال ایک بار پھر ثابت کر رہا ہے کہ یہ نہ صرف کتابوں کا میلہ ہے بلکہ ایک وسیع تر ثقافتی تہوار ہے جو تخلیق، تعلیم اور فنون کو ایک پلیٹ فارم پر یکجا کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جدہ بک فیئر سپر ڈوم سعودی عرب
ذریعہ
ذریعہ: WE News
کلیدی لفظ: جدہ بک فیئر سپر ڈوم جدہ بک فیئر 2025 میلے میں کے ساتھ رہا ہے کے لیے
پڑھیں:
مسجد اقصیٰ میں اسرائیلی آبادکاروں کی دراندازی: پاکستان سمیت 8 ممالک کا شدید ردعمل، پورا حرم صرف مسلمانوں کی عبادت گاہ قرار
پاکستان، سعودی عرب، مصر، ترکیہ، انڈونیشیا، اردن، قطر اور متحدہ عرب امارات (یو اے ای) کے وزرائے خارجہ نے مسجد اقصیٰ میں انتہا پسند اسرائیلی آبادکاروں کی مسلسل دراندازی، اسرائیلی فورسز کی سرپرستی میں ہونے والی کارروائیوں اور مسجد کے احاطے میں اسرائیلی پرچم لہرانے کی شدید مذمت کی ہے۔
یہ بھی پڑھیں: فلسطینی قیدیوں کو سزائے موت سے متعلق اسرائیلی قانون سازی، پاکستان سمیت 8 اسلامی ممالک کا مذمتی بیان جاری
8 عرب و اسلامی ممالک کے وزرائے خارجہ نے مشترکہ بیان میں کہا کہ انتہا پسند اسرائیلی آبادکاروں کی یہ اشتعال انگیز اور ناقابل قبول کارروائیاں بین الاقوامی قانون، اقوام متحدہ کی متعلقہ قراردادوں اور مقبوضہ مشرقی یروشلم میں مقدس مقامات کی تاریخی و قانونی حیثیت کی کھلی خلاف ورزی ہیں۔
بیان میں اسرائیل کی جانب سے مقبوضہ مشرقی یروشلم کی تاریخی، قانونی اور آبادیاتی حیثیت تبدیل کرنے اور اسلامی و مسیحی مقدس مقامات کے تشخص کو نقصان پہنچانے کے لیے جاری منظم اقدامات اور خلاف ورزیوں کی بھی سخت مذمت کی گئی۔
وزرائے خارجہ نے یروشلم اور اس کے اسلامی و مسیحی مقدس مقامات کی تاریخی و قانونی حیثیت تبدیل کرنے کی ہر کوشش کو مسترد کرتے ہوئے اس کے تحفظ پر زور دیا جبکہ اس حوالے سے ہاشمی سرپرستی کے خصوصی کردار کو بھی تسلیم کیا۔
مشترکہ بیان میں کہا گیا کہ مسجد اقصیٰ/الحرم الشریف کا پورا 144 دونم (تقریباً 35.6 ایکڑ) پر مشتمل رقبہ صرف مسلمانوں کی عبادت گاہ ہے اور اردن کی وزارت اوقاف و اسلامی امور سے وابستہ یروشلم اوقاف و مسجد اقصیٰ امور ڈائریکٹوریٹ ہی اس مقدس مقام کے انتظام و انصرام اور داخلے کے امور کا واحد مجاز ادارہ ہے۔
مزید پڑھیے: پاکستان سمیت 8 اسلامی ممالک کا مشترکہ بیان، غزہ میں امن کے لیے ٹرمپ کی کوششوں کا خیرمقدم
وزرائے خارجہ نے اسرائیلی حکام کو ان اشتعال انگیز اقدامات کے فوری خاتمے کا ذمہ دار قرار دیتے ہوئے خبردار کیا کہ بار بار کی جانے والی ایسی خلاف ورزیاں خطے میں کشیدگی، عدم استحکام اور انتہا پسندی کو فروغ دیتی ہیں امن کی بین الاقوامی کوششوں کو نقصان پہنچاتی ہیں اور بین الاقوامی قانون کے تحت اسرائیل کی ذمہ داریوں کی صریح خلاف ورزی ہیں۔
انہوں نے مطالبہ کیا کہ اسرائیل فوری طور پر ایسی تمام غیر قانونی اور اشتعال انگیز کارروائیاں بند کرے اور مسجد اقصیٰ کی تاریخی و قانونی حیثیت کا مکمل احترام یقینی بنائے۔
????PR No.1️⃣4️⃣0️⃣/2️⃣0️⃣2️⃣6️⃣
Joint Statement by Foreign Ministers of the Group of Eight Arab-Islamic States
????⬇️ pic.twitter.com/qZTmgSZM0n
— Ministry of Foreign Affairs – Pakistan (@ForeignOfficePk) June 2, 2026
آٹھوں ممالک نے فلسطینی عوام کے ساتھ اپنی غیر متزلزل یکجہتی کا اعادہ کرتے ہوئے ان کے جائز اور ناقابل تنسیخ قومی حقوق، بالخصوص حقِ خودارادیت اور 1967 کی سرحدوں پر مشتمل ایک آزاد اور خودمختار فلسطینی ریاست کے قیام کی حمایت کا اعادہ کیا، جس کا دارالحکومت مشرقی یروشلم ہو۔
مزید پڑھیں: غزہ جنگ بندی کی خلاف ورزیاں، پاکستان سمیت 8 اسلامی ممالک اسرائیلی جارحیت پر بول پڑے
بیان میں اسرائیلی قبضے کے خاتمے اور 2 ریاستی حل کی بنیاد پر منصفانہ، دیرپا اور جامع امن کے قیام کے لیے جاری تمام سفارتی کوششوں کی بھی مکمل حمایت کا اظہار کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 اسلامی ممالک اسرائیل کی جارحیت مسجد اقصیٰ میں اسرائیلی آبادکاروں کی دراندازی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ