خیبرپختونخوا میں گرمی کی شدت برقرار، بعض مقامات پر بارش اور ژالہ باری کا امکان
اشاعت کی تاریخ: 27th, May 2025 GMT
پشاور:
خیبرپختونخوا میں شدید گرمی کی لہر جاری ہے جب کہ محکمہ موسمیات نے بعض مقامات پر بارش اور ژالہ باری کا امکان بھی ظاہر کیا ہے۔
محکمہ موسمیات نے پیش گوئی کی ہے کہ خیبرپختونخوا کے بیشتر میدانی اضلاع میں موسم گرم اور خشک رہنے کا امکان ہے، تاہم بعض بالائی اور قبائلی علاقوں میں آندھی، گرج چمک اور ہلکی بارش کی توقع ہے۔
چترال، دیر بالا و زیریں، سوات، ملاکنڈ، شانگلہ، کرم، اورکزئی، باجوڑ، خیبر اور شمالی وزیرستان میں موسم ابر آلود رہنے کے ساتھ چند مقامات پر گرج چمک کے ساتھ بارش ہو سکتی ہے۔
اسی طرح مانسہرہ، ایبٹ آباد، بٹگرام، تورغر، لکی مروت، ڈیرہ اسماعیل خان، بنوں، ہنگو، مردان، چارسدہ اور صوابی میں بھی چند مقامات پر بارش اور گرج چمک کا امکان ظاہر کیا گیا ہے۔
محکمہ موسمیات کے مطابق ان علاقوں میں ژالہ باری اور گرد آلود ہواؤں کے چلنے کا خدشہ بھی موجود ہے، جس کے باعث شہریوں کو احتیاط برتنے کی ہدایت دی گئی ہے۔
گزشتہ روز ریکارڈ کیے گئے درجہ حرارت کے مطابق پشاور میں پارہ 38 ڈگری سینٹی گریڈ تک جا پہنچا، جب کہ ڈیرہ اسماعیل خان میں سب سے زیادہ 40 ڈگری سینٹی گریڈ ریکارڈ کیا گیا۔
دیگر شہروں میں چترال کا درجہ حرارت 34، دیر 33، سوات (مینگورہ) 35، کالام 27 اور مالم جبہ میں سب سے کم 22 ڈگری سینٹی گریڈ ریکارڈ کیا گیا۔
محکمہ موسمیات کا کہنا ہے کہ آئندہ چند روز تک موسم میں اس قسم کی تبدیلیاں جاری رہ سکتی ہیں، اس لیے عوام خصوصاً پہاڑی اور قبائلی علاقوں میں رہنے والے افراد بارش اور ژالہ باری کے دوران غیر ضروری سفر سے گریز کریں اور احتیاطی تدابیر اختیار کریں۔
.ذریعہ: Express News
کلیدی لفظ: محکمہ موسمیات مقامات پر ژالہ باری بارش اور کا امکان
پڑھیں:
پنجاب میں مون سون بارشوں کا سلسلہ جاری، لاہور میں گرمی اور حبس میں اضافہ
لاہور:پنجاب بھر میں مون سون بارشوں کا سسٹم تاحال موجود ہے، اور صوبے کے مختلف علاقوں میں کہیں ہلکی تو کہیں تیز بارش کا سلسلہ جاری ہے۔
تاہم محکمہ موسمیات کے مطابق لاہور میں آج موسم خشک رہے گا اور بارش کے امکانات کم ہیں۔
محکمہ موسمیات کا کہنا ہے کہ لاہور میں حبس اور گرمی کی شدت میں اضافہ ہو رہا ہے جبکہ درجہ حرارت کم سے کم 29 ڈگری سینٹی گریڈ اور زیادہ سے زیادہ 34 ڈگری سینٹی گریڈ تک جانے کا امکان ہے۔
شہریوں کو شدید گرمی اور نمی کے باعث غیر ضروری طور پر گھروں سے نکلنے سے گریز کرنے کی ہدایت کی گئی ہے۔
دوسری جانب، پنجاب ڈیزاسٹر مینجمنٹ اتھارٹی (PDMA) نے 17 جولائی تک کے لیے الرٹ جاری کر دیا ہے۔ الرٹ کے مطابق، بارش کے ساتھ تیز ہواؤں کا امکان موجود ہے، جس کے باعث نشیبی علاقوں میں پانی جمع ہونے، درختوں کے گرنے اور دیگر حادثات کا خدشہ ہے۔
بھارت کی آبی جارحیت برقرار، پاکستان کو شدید خطرات لاحق