راہول گاندھی نے مودی کی خارجہ پالیسی کو ناکام قرار دے دیا
اشاعت کی تاریخ: 27th, May 2025 GMT
بھارتی اپوزیشن لیڈرراہول گاندھی نے کہا ہےکہ بھارتی خارجہ پالیسی ناکام ہوگئی۔ پاکستان کے خلاف کسی ملک نے بھارت کا ساتھ نہیں دیا۔ راہول گاندھی نے بھارتی وزیرخارجہ جے شنکر سے پھر سوال پوچھ لیا کہ امریکی صدر ڈونلڈ ٹرمپ سے دونوں ممالک کے درمیان ثالثی کرنے کا کس نے کہا؟
بھارتی اپوزیشن لیڈر اور کانگریس کے سینئر رہنما راہول گاندھی نے مودی حکومت کی خارجہ پالیسی کو شدید تنقید کا نشانہ بناتے ہوئے اسے مکمل طور پر ناکام قرار دیا ہے۔
بھارتی میڈیا کے مطابق راہول گاندھی نے پاک، بھارت کشیدگی کے تناظر میں سوشل میڈیا پلیٹ فارم ”ایکس“ (سابقہ ٹوئٹر) پر ایک بیان جاری کیا جس میں انہوں نے وزیر خارجہ ایس جے شنکر سے سخت سوالات اٹھائے۔
راہول گاندھی نے استفسار کیا کہ پاکستان کے خلاف بین الاقوامی سطح پر بھارت کو کسی بھی ملک کی حمایت کیوں حاصل نہیں ہوئی؟
انہوں نے یہ بھی پوچھا کہ کیا وزیر خارجہ قوم کو یہ بتائیں گے کہ امریکی صدر ڈونلڈ ٹرمپ سے پاکستان اور بھارت کے درمیان ثالثی کی پیشکش کس نے کروائی تھی؟
کانگریس رہنما کا کہنا تھا کہ موجودہ حکومت کی خارجہ پالیسی نہ صرف غیر مؤثر ہے بلکہ اس نے بھارت کو عالمی سطح پر تنہا کر دیا ہے۔
ذریعہ: Daily Mumtaz
کلیدی لفظ: راہول گاندھی نے خارجہ پالیسی
پڑھیں:
ہمارے نیوکلیئر اثاثے دفاع کیلیے ہیں، مودی کو خواب میں بھی پاک فوج نظر آتی ہے: خواجہ آصف
وزیر دفاع نے کہا کہ نریندر مودی کیلیے دوسری جنگ بھارت کے اندر نظر آ رہی ہے جہاں ان کے خلاف آوازیں اٹھ رہی ہیں، بھارتی شہری خود کہہ رہے کہ مودی کا رویہ ایسا تھا کہ جنگ تک کی نوبت آگئی.بھارتی وزیر اعظم پر کانگریس سمیت چھوٹی ریاستوں میں بھی شہری تنقید کر رہے ہیں۔’مودی ایسے بیانات دے کر اپنے گھر میں اٹھنے والے طوفان کو روکنے کی کوشش کر رہا ہے۔ بھارتی وزیر اعظم جانے اور ان کے اپنے گھر کے سیاسی افراد جانیں پاکستان کا اس سے کوئی تعلق نہیں۔ پاکستان کی ایٹمی صلاحیتیں اپنے دفاع میں ہیں کسی کو اس سے خطرہ نہیں ہو سکتا۔‘ان کا کہنا تھا کہ سال یا ڈیڑھ سال قبل بھارت کا سیاسی و معاشی طور پر کچھ مقام تھا لیکن مودی کے ہاتھوں بھارت اپنا مقام کھو بیٹھا ہے. بھارت میں مودی کی ناکامی ان کی اپوزیشن کیلیے ایک موقع ہے.اپوزیشن ان کی ناکامیوں سے فائدہ اٹھا رہے ہیں، بھارتی اپوزیشن کو یہ موقع ملا ہے کہ وہ ایک مرتبہ پھر اپنا مقام بنا سکیں۔خواجہ آصف نے مزید کہا کہ بھارتی وزیر اعظم کی قیادت نے بھارت کو اندرونی اور بین الاقوامی سطح پر نقصان پہنچایا. بھارت نے جس طرح دہشتگردی کی پشت پناہی کی بین الاقوامی سطح پر بھی اسے ناکامی ہوئی، کینیڈا اور پاکستان میں دہشتگردی کے واقعات مودی سرکار نے کروائے. اس کے چہرے پر دہشتگردی کا دھبہ لگ چکا ہے۔وزیر دفاع نے کہا کہ پاکستان میں بی ایل اے اور طالبان بھارت کی پراکسیز ہیں .پاکستان کے پاس بھارتی دہشتگردی کے ثبوت ہیں عالمی فورم پر جمع بھی کروائے. اگر اچھے ہمسایوں کی طرح رہا جائے تو برصغیر میں امن ممکن ہے. برصغیر کی عوام معاشی ترقی بھی کر سکتے ہیں۔
مودی اور نیتن یاہو کی پالیسیوں میں تشویشناک مماثلت ہے.عاصم افتخار