صوبہ بچاؤ تحریک کا دائرہ کار خیبر پی کے کی گلی گلی، کوچے کوچے تک پھیلے گا: بلاول
اشاعت کی تاریخ: 28th, May 2025 GMT
اسلام آباد (نمائندہ خصوصی)چیئرمین پاکستان پیپلز پارٹی بلاول بھٹو زرداری نے پشاور میں احتجاج کرنے والے جیالوں پر تشدد کی شدید الفاظ میں مذمت کرتے ہوئے خبردار کیا ہے کہ اب صوبہ بچاؤ تحریک کا دائرہ کار خیبر پی کے کی گلی گلی اور کوچے کوچے تک پھیلے گا اور پی ٹی آئی کی غنڈہ سرکار اسے روک نہیں سکے گی۔ بلاول بھٹو نے پاکستان پیپلز پارٹی خیبر پی کے کے صدر محمد علی شاہ باچا سے ٹیلی فونک رابطہ کیا، اور پیپلزپارٹی کی ریلی میں شریک کارکنان پر تشدد سے متعلق دریافت کیا اور ریلی کے انعقاد پر شاباش دی۔چیئرمین پیپلزپارٹی نے کہا کہ پیپلزپارٹی کے پرامن احتجاج سے گھبرا کر خیبر پی کیحکومت نے آنسوگیس کی شیلنگ کی، خیبر پی کے کی صوبائی حکومت کو عوام سے براہ راست ٹکراؤ کی حکمت عملی مہنگی پڑے گی۔انہوں نے کہا کہ خیبر پی کے حکومت کی جانب سے کرپشن، لاقانونیت اور بے روزگاری سے تنگ آئے عوام پر تشدد قابل مذمت ہے‘ اب صوبہ بچاؤ تحریک کا دائرہ کار خیبر پی کے کے گلی گلی اور کوچے کوچے تک پھیلایا جائے گا۔
.ذریعہ: Nawaiwaqt
کلیدی لفظ: خیبر پی کے
پڑھیں:
خیبر پختونخوا میں گورنر راج کی چال چلی جارہی ہے، شوکت یوسفزئی
ایک نجی ٹی وی چینل کے پروگرام میں گفتگو کرتے ہوئے راہنما تحریک انصاف کا کہنا تھا کہ ملک کو اس وقت یکجہتی کی ضرورت ہے، بانی پی ٹی آئی نے کہا ہے جن کے پاس اختیار ہے ان کے ساتھ مذاکرات کرنے کو تیار ہوں۔ انہوں نے کہا کہ حکومت ہر وہ عمل کر رہی ہے جس سے یکجہتی ختم ہو۔ اسلام ٹائمز۔ راہنما تحریک انصاف شوکت یوسفزئی نے کہا ہے کہ خیبر پختونخوا میں گورنر راج لگانے کی چال چلی جارہی ہے۔ ایک نجی ٹی وی چینل کے پروگرام میں گفتگو کرتے ہوئے شوکت یوسفزئی کا کہنا تھا کہ ملک کو اس وقت یکجہتی کی ضرورت ہے، بانی پی ٹی آئی نے کہا ہے جن کے پاس اختیار ہے ان کے ساتھ مذاکرات کرنے کو تیار ہوں۔ انہوں نے کہا کہ حکومت ہر وہ عمل کر رہی ہے جس سے یکجہتی ختم ہو، پیپلزپارٹی کا کرپشن کے خلاف مظاہرہ قیامت کی نشانی ہے، اس معاملے کی تہہ تک جانا چاہیے۔
راہنما تحریک انصاف کا کہنا تھا کہ یہ ملک کے خلاف سازش ہو رہی ہے، کیا خیبرپختونخوا میں گورنر راج لگانے کی چال چلی جارہی ہے۔؟ حکومت یہی چاہتی ہے کہ فوج اور تحریک انصاف کے درمیان اختلاف رہے، پیپلز پارٹی کا گورنر صوبے میں بیٹھا ہوا ہے۔ شوکت یوسفزئی نے کہا کہ بیرسٹر گوہر انتہائی شریف آدمی ہیں، وہ پنجاب، سندھ بھی جائیں اور ورکرز کو مایوس ہونے سے بچائیں، ورکرز کے اندر لاوا پک رہا ہے، ورکرز پوچھ رہا ہے بانی کی رہائی کے لیے کیا کیا۔؟ ان کا مزید کہنا تھا کہ بیرسٹر گوہر فیوچر کی حکمت عملی بتائیں، یہ بدقسمتی ہے پارٹی میں ڈسپلن نظر نہیں آرہا ہے۔
دہشت گردوں کی قیادت دہلی میں علاج کرواتی یا رہتی ہے: خواجہ آصف