لینڈ ریفارمز بل پر اسلامی تحریک اور ایم ڈبلیو ایم اندر سے ہمارے ساتھ ملی ہوئی ہیں، پیپلزپارٹی
اشاعت کی تاریخ: 28th, May 2025 GMT
پیپلزپارٹی گلگت بلتستان کے رہنماؤں سعدیہ دانش اور جمیل احمد نے پریس کانفرنس کرتے ہوئے کہا کہ اصل بات یہ ہے کہ لینڈ ریفامز بل بنانے سے لے کر اسمبلی سے پاس کرانے تک مسلم لیگ نون، جے یو آئی، اسلامی تحریک، تحریک انصاف سمیت دیگر سٹیک ہولڈرز نے پیپلز پارٹی کا ساتھ دیا ہے۔ اسلام ٹائمز۔ ڈپٹی اسپیکر جی بی اسمبلی و پیپلزپارٹی کی سیکرٹری اطلاعات سعدیہ دانش، پی پی کے سینئر نائب صدر جمیل احمد نے کہا ہے کہ لینڈ ریفارمز ایکٹ پر ایم ڈبلیو ایم اور اسلامی تحریک اندر سے ہمارے ساتھ ہیں، باہر سے دکھاوے کا احتجاج ہو رہا ہے۔ گلگت میں مشترکہ پریس کانفرنس کرتے ہوئے انہوں نے کہا کہ حق ملکیت و حق حاکمیت پیپلز پارٹی کا نعرہ تھا، گلگت بلتستان کو صوبہ بنانا پیپلز پارٹی کی منزل ہے، صوبے کا خواب بھی جلد پورا ہو گا۔ اسلامی تحریک اور وحدت المسلمین لینڈ ریفامز بل پر سیاست کر کے عوام کو گمراہ کرنے کی کوشش کر رہی ہیں، لینڈ ریفامز بل تمام سٹیک ہولڈرز کے ساتھ ملکر پاس کرایا، متحدہ اپوزیشن ہمارے ساتھ اندر سے ملی ہوئی ہے۔ لینڈ ریفامز بل منظور ہونے سے دریا کے کنارے سے لیکر پہاڑ کی چوٹی تک عوام مالک بن گئے ہیں۔
انہوں نے کہا کہ حق ملکیت و حق حاکمیت پیپلز پارٹی کا نعرہ تھا، حکومت کے ساتھ ملکر خالصہ سرکار کے کالے قانون کو ختم کرنے کے لیے تمام سٹیک ہولڈرز کے ساتھ ملکر لینڈ ریفامز بل اسمبلی سے منظور کرایا مگر بدقسمتی سے بعض مذہبی جماعتیں تحریک اسلامی اور وحدت المسلمین آنے والے الیکشن میں سیاست کرنے کے لئے سیاسی سکورنگ کرنے کی ناکام کوشش کر رہی ہیں۔ اندر سے دونوں جماعتیں لینڈ ریفامز بل منظور کرانے تک حکومت کیساتھ ملی ہوئی تھی، اب عوام کو گمراہ کرنے کے لیے ناکام کوشش کی جا رہی ہے۔ انہوں نے کہا کہ اصل بات یہ ہے کہ لینڈ ریفامز بل بنانے سے لے کر اسمبلی سے پاس کرانے تک مسلم لیگ نون، جے یو آئی، اسلامی تحریک، تحریک انصاف سمیت دیگر سٹیک ہولڈرز نے پیپلز پارٹی کا ساتھ دیا ہے۔
ذریعہ
ذریعہ: Islam Times
کلیدی لفظ: لینڈ ریفامز بل پیپلز پارٹی کا اسلامی تحریک سٹیک ہولڈرز کہا کہ نے کہا
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع