معرکہ حق کی فتح کے بعد پاکستان کی بین الاقوامی اہمیت میں اضافہ ہوا ہے، عطا اللہ تارڑ
اشاعت کی تاریخ: 28th, May 2025 GMT
BAKU:
وفاقی وزیر اطلاعات و نشریات عطا اللہ تارڑ نے کہا ہے کہ معرکہ حق کی فتح کے بعد پاکستان کی بین الاقوامی اہمیت میں اضافہ ہوا ہے۔
سرکاری خبرایجنسی اے پی پی کی رپورٹ کے مطابق دورہ آذربائیجان کے دوران لاچین میں میڈیا سے خصوصی گفتگو کرتے ہوئے وفاقی وزیر اطلاعات نے کہا کہ اللہ تعالی کے فضل و کرم سے معرکہ حق اور آپریشن بنیان مرصوص میں شان دار کامیابی ہوئی جس پر پوری قوم شکر گزار ہے۔
انہوں نے کہا کہ وزیراعظم شہباز شریف، نائب وزیراعظم اور وزیرخارجہ اسحاق ڈار اور فیلڈ مارشل عاصم منیر اس دورے پر موجود ہیں، آذری اور ترک عوام نے ہماری فتح پر بہت خوشیاں منائیں، ہمارے آج سہ فریقی مذاکرات اور بات چیت ہوگی۔
ان کا کہنا تھا کہ دونوں ممالک کے ساتھ ہمارے اسٹریٹجک تعلقات ہیں، اس سے پہلے ہم ترکیہ اور ایران گئے اور آج یہاں آذربائیجان میں موجود ہیں، آج آذربائیجان کا یوم جمہوریہ اور پاکستان کا یوم تکبیر ایک ساتھ منایا جا رہا ہے اور یہاں ایک جشن کا سماں ہے۔
وفاقی وزیر نے کہا کہ وزیراعظم شہباز شریف نے آذربائیجان کے صدر الہام علیوف اورعوام کا بھرپور حمایت پر تہہ دل سے شکریہ ادا کیا ہے، پاکستان کے حوالے سے یہاں بڑا جذبہ پایا جاتا ہے۔
انہوں نے کہا کہ وزیراعظم شہباز شریف کی متحرک سفارت کاری نے پاکستان کو بین الاقوامی سطح پر نئی شناخت دی ہے۔
عطااللہ تارڑ نے واضح کیا کہ معرکہ حق میں پاکستان حق و سچ پر تھا اور دنیا نے پاکستان کے مؤقف کو تسلیم کیا۔
ان کا کہنا تھا کہ آج یوم تکبیر اور یہاں کے یوم جمہوریہ کے موقع پر وزیراعظم شہباز شریف، ترکیہ کے صدر رجب طیب اردوان اور آذربائیجان کے صدر الہام علیوف اکٹھے ہیں۔
انہوں نے کہا کہ ہمارے مشرقی ہمسایہ ملک کا شکست خوردہ وزیراعظم اپنی خفت مٹانے کے لیے غیر ذمہ دارانہ بیانات دے رہا ہے لیکن دنیا پاکستان کو سراہ رہی ہے۔
ایک سوال پر وفاقی وزیر اطلاعات نے کہا کہ وزیراعظم شہباز شریف اور نائب وزیراعظم اسحاق ڈار کی سفارتی کاوشوں کے باعث عالمی سطح پر پاکستان کے تعلقات مستحکم ہو رہے ہیں اور مختلف شعبوں میں تعاون بڑھانے کے لیے جلد وفود کی سطح پر مزید ملاقاتیں ہوں گی۔
انہوں نے کہا کہ آذربائیجان کے صدر دونوں ممالک کے تعلقات کو نئی بلندیوں تک لے جانے کے خواہاں ہیں۔
عطااللہ تارڑ نے کہا کہ ترکیہ، آذربائیجان اور پاکستان کے عوام، حکومتیں اور قیادت آپس میں ہم آہنگ ہیں اور ایک دوسرے کی خوشی میں شریک ہوتے ہیں۔
.ذریعہ: Express News
کلیدی لفظ: نے کہا کہ وزیراعظم شہباز شریف انہوں نے کہا کہ آذربائیجان کے وفاقی وزیر پاکستان کے معرکہ حق کے صدر
پڑھیں:
ٹیکس اصلاحات کے مثبت نتائج آ رہے ہیں، کرپشن کے خاتمے میں مصروف: شہباز شریف، نوازشریف سے ملاقات
اسلام آباد‘ لاہور (اپنے سٹاف رپورٹر سے‘ نوائے وقت رپورٹ) وزیرِ اعظم محمد شہباز شریف نے مالی سال 2025ء میں 59 لاکھ ریکارڈ ٹیکس گوشوارے جمع ہونے پر ایف بی آر حکام کی کارکردگی کی تعریف اور ذمہ داری کا ثبوت دینے پر عوام کا شکریہ ادا کرتے ہوئے کہا ہے کہ 9 لاکھ نئے ٹیکس فائلرز کا ٹیکس نیٹ میں آنا حکومت کی پالیسیوں پر عوام کے اعتماد کا عکاس ہے۔ ہفتے کو وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ اللہ کے فضل و کرم سے ٹیکس نظام کی اصلاحات سے مثبت نتائج سامنے آ رہے ہیں، ایف بی آر میں میرٹ کی بالادستی کو اولین ترجیح دی ہے۔ قابل اور محنتی افسران کی حوصلہ افزائی اور ناقص کارکردگی کی حوصلہ شکنی کے نظام سے ایف بی آر میں پرفارمنس کلچر متعارف کرایا گیا۔ وزیرِ اعظم نے کہا کہ ایف بی آر کی ڈیجیٹائزیشن کی نگرانی بذات خود ہر اجلاس کی ہفتہ وار صدارت میں کی، ٹیکس گوشواروں کو آسان اور سہل بنایا گیا، بندرگاہوں پر خود کار کلیئرنس کے نظام سے کرپشن کے خاتمے اور پرفارمنس کی بہتری کو یقینی بنایا گیا۔ وزیرِ اعظم نے کہا کہ غیر رسمی معیشت کے خاتمے کیلئے پوائنٹ آف سیل کی تعداد میں اضافے سے سیلز ٹیکس کی چوری کو روکا گیا، ٹیکس آمدن میں گزشتہ برس کی نسبت 9 ارب کا اضافہ حکومت کی ایف بی آر اصلاحات کا منہ بولتا ثبوت ہے۔ وزیرِ اعظم نے کہا کہ ایف بی آر کے نظام کی مزید اصلاحات کا سلسلہ تسلسل سے جاری ہے، کرپشن اور غیر رسمی معیشت کے مکمل خاتمے کیلئے دن رات مصروف عمل ہیں۔ وزیر اعظم شہبازشریف نے گلگت بلتستان کے عوام اور پوری قوم کو گلگت بلتستان کے یومِ آزادی کے پرمسرت موقع پر دلی مبارکباد پیش کی ہے۔ وزیر اعظم شہبازشریف نے کہا کہ یکم نومبر 1947 کو گلگت بلتستان کے بہادر عوام نے جرات، اتحاد اور حب الوطنی کا مظاہرہ کرتے ہوئے ڈوگرہ راج سے آزادی حاصل کی اور پاکستان کے ساتھ الحاق کا تاریخی فیصلہ کیا۔ یہ دن اس عظیم قربانی، عزم اور وطن سے محبت کی یاد دلاتا ہے جس نے خطے کی تاریخ بدل دی۔ گلگت بلتستان کے عوام کو ترقی کے تمام مواقع فراہم کیے جائیں گے تاکہ وہ قومی دھارے میں بھرپور کردار ادا کر سکیں۔ آج کا دن ہمیں اس عہد کی تجدید کا پیغام دیتا ہے کہ ہم اپنی آزادی، اتحاد اور ترقی کے سفر کو نئی توانائی اور جذبے کے ساتھ جاری رکھیں گے۔ وزیراعظم نے دعا کی کہ اللہ تعالی گلگت بلتستان اور پاکستان کو امن، ترقی اور خوشحالی سے نوازے۔ وزیراعظم شہباز شریف نے جاتی امرا میں قائد مسلم لیگ ن نواز شریف سے ملاقات کی جس میں ملکی سیاسی‘ معاشی صورتحال اور دیگر اہم امور پر تبادلہ خیال کیا گیا۔ شہباز شریف اور نواز شریف نے پارٹی امور اور حکومتی پالیسیوں پر مشاورت کی۔ وزیراعظم شہباز شریف نے نواز شریف کو حکومتی اقدامات پر بریفنگ دی۔ نواز شریف نے قومی معاملات پر وزیراعظم کو رہنمائی فراہم کی۔
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک