اسرائیل کیخلاف ہمارے حملوں میں اضافہ ہوگا، یمنی عہدیدار
اشاعت کی تاریخ: 29th, May 2025 GMT
اپنے ایک بیان میں محمد الفرح کا کہنا تھا کہ صیہونی دشمن اپنے شراکت داروں کو مقبوضہ سرزمین میں انٹرنیشنل فلائٹ آپریشن کی بحالی کیلئے قائل نہیں کر سکا۔ اسلام ٹائمز۔ یمن کی مقاومتی تحریک "انصار الله" کے پولیٹیکل بیورو "محمد الفرح" نے انتباہ جاری کرتے ہوئے کہا کہ غزہ کے خلاف جارحیت اور محاصرہ باقی رہنے کی صورت میں یمنی افواج، اسرائیل کے خلاف نہ صرف اپنے حملے جاری رکھیں گی بلکہ ان میں شدت بھی آئے گی۔ انہوں نے کہا کہ قابض صیہونی رژیم کی مجرمانہ سرگرمیاں تمام بین الاقوامی قوانین و روایات کی واضح خلاف ورزی کو ظاہر کرتی ہیں۔ محمد الفرح نے گزشتہ روز یمنی حج٘اج، مریضوں اور مسافروں کو لے جانے والے جہاز پر اسرائیلی حملے کو صیہونی رژیم کی واضح اسٹریٹجک ناکامی کا مظہر قرار دیا۔ انہوں نے کہا کہ اس طرح کے حملے ظاہر کرتے ہیں کہ دشمن کے پاس یمن کے چیلنج اور اس کی غزہ کے لئے حمایت سے نمٹنے کے لئے کوئی حکمت عملی نہیں۔ انصار الله کے سینئر رہنماء نے یہ بھی کہا کہ صنعاء ائیرپورٹ پر تازہ ترین صیہونی حملہ، امریکہ اور اس کے مغربی اتحادیوں کی مکمل آشیر باد سے کیا گیا۔
محمد الفرح نے کہا کہ صیہونی رژیم اب تک یمن کے میزائل حملوں کے نتائج، حیفا میں موجود ام الرشراش بندرگاہ اور تل ابیب میں واقع بن گوریان ائیرپورٹ کی معطلی کے نقصان کا ازالہ کر سکنے کے قابل نہیں۔ انہوں نے کہا کہ دشمن اپنے شراکت داروں کو مقبوضہ سرزمین میں انٹرنیشنل فلائٹ آپریشن کی بحالی کے لئے بھی قائل نہیں کر سکا۔ صیہونی رژیم، یمنی افواج کے حملوں کے سامنے مکمل عاجز آ چکی ہے اور اسے یمن و غزہ سمیت ہر دو محاذوں پر شکست کا سامنا ہے۔ انہوں نے کہا کہ یمن کے سول انفراسٹرکچر پر صیہونی حملے جاری رہنے کی صورت میں اسرائیل کے خلاف اپنی کارروائیوں کو وسیع و شدید کریں گے۔ آخر میں محمد الفرح نے اس بات کی وضاحت کی کہ حالات کیسے بھی ہوں ہم غزہ میں اپنے بھائیوں کی مدد کے موقف پر ثابت قدم رہیں گے۔ صیہونی جارحیت ہمیں کمزور نہیں کرتی بلکہ ہمیں مزید حملے کرنے کے لئے پُرعزم بنا دیتی ہے۔ دشمن ہمارے سخت جواب کا انتظار کرے۔
ذریعہ
ذریعہ: Islam Times
کلیدی لفظ: انہوں نے کہا کہ صیہونی رژیم محمد الفرح کے لئے
پڑھیں:
گرمی کی شدت میں اضافہ ہوتے ہی بجلی مزید مہنگی ہونے کا امکان
لاہور ( اُردو پوائنٹ اخبارتازہ ترین۔ 02 جون2026ء ) گرمی کی شدت میں اضافہ ہوتے ہی بجلی مزید مہنگی ہونے کا امکان۔ تفصیلات کے مطابق بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔ سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے، جس کے باعث توانائی کے شعبے کو مختلف چیلنجز کا سامنا رہا۔ سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔(جاری ہے)
حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔ سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ