غزہ: بھوک کے ستائے لوگوں کا یو این گودام پر حملہ، دو ہلاک جبکہ متعدد زخمی
اشاعت کی تاریخ: 30th, May 2025 GMT
اسلام آباد (اُردو پوائنٹ ۔ UN اردو۔ 30 مئی 2025ء) غزہ میں بھوک سے ستائے لوگوں نے عالمی پروگرام برائے خوراک (ڈبلیو ایف پی) کا گودام لوٹ لیا اور اس دوران بھگدڑ میں دو افراد ہلاک اور متعدد زخمی ہو گئے۔ امدادی اداروں نے خبردار کیا ہے کہ مسلسل جنگ، تباہی اور بھوک سے علاقے میں مزید ابتری پھیلنے کا خدشہ ہے۔
امداد لوٹنے کا واقعہ وسطی غزہ کے علاقے دیرالبلح میں 'ڈبلیو ایف پی' کے الغفاری مرکز پر پیش آیا جہاں محدود مقدار میں آٹا تنوروں کو بھیجنے کے لیے رکھا تھا۔
اطلاعات کے مطابق سیکڑوں لوگوں کا ہجوم خوراک کی تلاش میں گودام پر پل پڑا اور آٹے کی بوریاں لوٹ لیں۔ Tweet URLمشرق وسطیٰ کے لیے 'ڈبلیو ایف پی' کی ریجنل ڈائریکٹر کورنی فلیشر نے کہا ہے کہ یہ نہایت المناک واقعہ ہے جو نہیں ہونا چاہیے تھا۔
(جاری ہے)
انہوں نے مستقبل میں ایسے مزید واقعات سے بچنے کے لیے غزہ میں بلاتاخیر بڑے پیمانے پر انسانی امداد بھیجنے کا مطالبہ کرتے ہوئے کہا ہے کہ جب لوگوں کو علم ہو گا کہ خوراک آ رہی ہے تو مایوسی ختم ہو جائے گی اور وہ پرسکون ہو جائیں گے۔بھوک، تباہی اور پریشانیاقوام متحدہ کے حکام کا کہنا ہے کہ گودام پر حملہ غزہ میں تیزی سے پھیلتی شدید بھوک کی تازہ ترین علامت ہے۔
اگرچہ علاقے میں امداد کی فراہمی بحال ہو گئی ہے لیکن اس کی مقدار اونٹ کے منہ میں زیرے کے برابر ہے۔'ڈبلیو ایف پی' نے کہا ہے کہ اس نے تواتر سے خبردار کیا ہے کہ غزہ میں قحط کے خطرے اور انسانی امداد روکے جانے سے پریشان کن اور تباہ کن حالات جنم لے سکتے ہیں۔ ادارے نے امداد کی محفوظ اور بلارکاوٹ فراہمی اور اسے غزہ بھر میں منظم طریقے سے تقسیم کرنے کے مطالبے کا اعادہ کیا ہے۔
ماہی گیری کا نقصانبحرانوں کے دوران شہری حقوق کو تحفظ دینے کے لیے کام کرنے والے غیرسرکاری اداروں کے اتحاد 'پروٹیکشن کلسٹر' نے خبردار کیا ہے کہ غزہ میں ماہی گیری کا شعبہ تقریباً تباہ ہو چکا ہے۔ یہ اتحاد اقوام متحدہ کے زیرقیادت کام کرتا ہے جس کا کہنا ہے کہ 7 اکتوبر سے پہلے ماہی گیری غزہ کے لوگوں کو خوراک اور روزگار کی فراہمی کا اہم ذریعہ تھا جس کا اب وجود نہیں رہا۔
اقوام متحدہ کے دفتر برائے انسانی حقوق (او ایچ سی ایچ آر) نے بتایا ہے کہ اسرائیل کی فوج غزہ میں ماہی گیری پر متواتر حملے کرتی رہی ہے۔ اس میں مچھلی پکڑنے والی کشتیوں پر اسرائیلی بحریہ کی فائرنگ اور سمندر و ساحلی علاقوں پر ڈرون حملے بھی شامل ہیں۔
اقوام متحدہ کے ادارہ خوراک و زراعت (ایف اے او) کے مطابق، غزہ میں 7.
پروٹیکشن کلسٹر نے ایک رپورٹ میں بتایا ہے کہ ماہی گیری کےنقصان سے علاقے میں غذائی تحفظ، لوگوں کی آمدنی اور استحکام پر نہایت منفی اثرات مرتب ہو رہے ہیں۔
تاریک ترین حالاتمقبوضہ فلسطینی علاقوں میں اقوام متحدہ کی امدادی ٹیم (ایچ سی ٹی) نے خبردار کیا ہے کہ غزہ میں انسانی حالات تاریک ترین حدود کو چھو رہے ہیں۔
علاقے میں مسلسل بمباری اور بڑے پیمانے پر نقل مکانی جاری ہے۔ لوگ بھوک کا شکار ہیں اور انہیں بقا کے لیے درکار ضروری چیزوں تک رسائی ختم ہو گئی ہے۔ امدادی ٹیموں کو محفوظ طریقے سے اور بڑے پیمانے پر مدد پہنچانے کے حالات میسر نہیں رہے۔'ایچ سی ٹی' نے کہا ہے کہ گزشتہ دنوں اس نے امدادی سامان کے 900 ٹرک اسرائیلی حکام کو منظوری کے لیے بھیجے تھے جن میں تقریباً 800 کو منظوری مل گئی لیکن ان میں 500 سے کچھ زیادہ کو ہی کیریم شالوم کی سرحد پر اسرائیل کی سمت میں سامان اتارنے کی اجازت ملی۔
دوسری جانب، غزہ کی سمت میں عدم تحفظ اور رسائی کے مسائل کی وجہ سے صرف 200 ٹرکوں سے ہی سامان اتارا جا سکا۔اسرائیلی حکام نے غذائیت کا سامان، آٹا اور ادویات لانے کی اجازت تو دے دی لیکن ایندھن، کھانا تیار کرنے کے لیے درکار گیس، پناہ کے سامان اور صحت و صفائی کے لیے استعمال ہونے والی اشیا کو روک لیا گیا۔
اسرائیل کی ذمہ داریاقوام متحدہ اور شراکت داروں نے اسرائیل کو بین الاقوامی انسانی قانون کے تحت اس کی ذمہ داریاں یاد دلاتے ہوئے زور دیا ہے کہ وہ شہریوں کے ساتھ انسانی سلوک کرے، انہیں ان کے علاقے سے جبراً منتقل کرنے سے باز رہے اور انسانی امداد کی فراہمی میں سہولت دے۔
'ایچ سی ٹی' نے سیکرٹری جنرل کی بات کو دہراتے ہوئے کہا ہے کہ غزہ میں مستقل جنگ بندی، تمام یرغمالیوں کی فوری اور غیرمشروط رہائی اور انسانی امداد تک مکمل رسائی کی ضرورت ہے۔ ادارہ زندگیوں کو تحفط دینے کے لیے تیار ہے، اسے کام کرنے دیا جائے کیونکہ قحط کو روکنے کا امکان تیزی سے معدوم ہوتا جا رہا ہے۔
ذریعہ
ذریعہ: UrduPoint
کلیدی لفظ: تلاش کیجئے خبردار کیا ہے کہ اقوام متحدہ کے ہے کہ غزہ میں علاقے میں ماہی گیری کے لیے ایچ سی
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ