وزیراعظم شہباز شریف تین ملکوں کے دورے کے بعد دوشنبے پہنچ گئے
اشاعت کی تاریخ: 29th, May 2025 GMT
DUSHANBE:
وزیراعظم شہباز شریف ترکیہ، ایران اور آذربائیجان کے کامیاب دورے کے بعد تاجکستان کے دارالحکومت دوشنبے پہنچ گئے ہیں جہاں وہ گلیشیئرز کے تحفظ سے متعلق اعلیٰ سطح کی بین الاقوامی کانفرنس میں شرکت کریں گے۔
وزیراعظم آفس سے جاری بیان کے مطابق وزیراعظم شہباز جب تاجکستان کے دارالحکومت دوشنبے پہنچے تو تاجک وزیراعظم قاہر رسول زادہ، تاجک نائب وزیر خارجہ شریف زادہ فرخ حمدین، تاجکستان میں پاکستان کے سفیر محمد سعید سرور اور دیگر اعلیٰ حکام نے پرتپاک استقبال کیا۔
وزیراعظم شہباز شریف نے اس کے بعد تاجکستان کے صدر امام علی رحمان سے ملاقات کی اور دونوں رہنماؤں نے دو طرفہ تعلقات، علاقائی صورت حال اور عالمی امور پر تفصیلی گفتگو کی۔
انہوں نے جولائی 2024 میں طے پانے والے اسٹریٹجک شراکت داری معاہدے کو یاد کیا اور تعاون کو مزید وسعت دینے پر اتفاق کیا۔
ملاقات میں دونوں رہنماؤں نے CASA-1000 منصوبے کی جلد تکمیل کے عزم کا اعادہ کیا، دہشت گردی، سرحد پار جرائم اور منشیات اسمگلنگ کے خلاف تعاون پر بھی بات چیت کی گئی۔
دوشنبہے میں بین الاقوامی کانفرنس میں وزیراعظم شہباز شریف گلیشیئرز کے تحفظ پر ہونے والی کانفرنس میں پاکستان کے مؤقف اور ماحولیاتی تبدیلیوں کے اثرات پر روشنی ڈالیں گے۔
تاجکستان کے صدر امام علی رحمان نے وزیراعظم کے اعزاز میں عشائیہ دیا، ملاقات میں وزیراعظم نے جنوبی ایشیا میں بھارتی جارحیت پر تشویش کا اظہار کیا اور عالمی برادری سے ذمہ داری کا مظاہرہ کرنے کا مطالبہ کیا۔
بیان میں کہا گیا کہ وزیراعظم شہباز شریف کا یہ دورہ نہ صرف پاکستان اور تاجکستان کے تعلقات کو مزید مستحکم کرے گا بلکہ خطے میں امن، تعاون اور ترقی کے نئے امکانات بھی پیدا کرے گا۔
قبل ازیں وزیراعظم شبہاز شریف نے آذربائیجان میں صدر الہام علییوف سے ملاقات کی اور سہ فریقی سربراہی کانفرنس میں شرکت کی اور آذربائیجان کے یوم آزادی کی تقریب میں بھی شریک ہوئے۔
آذربائیجان سے روانگی پر وزیراعظم کو الوداع کہنے کے لیے اعلیٰ حکام اور پاکستانی سفیر موجود تھے۔
.
ذریعہ
ذریعہ: Express News
کلیدی لفظ: وزیراعظم شہباز شریف تاجکستان کے کانفرنس میں
پڑھیں:
آزاد کشمیر الیکشن، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق
مظفر آباد(ڈیلی پاکستان آن لائن)آزاد کشمیر قانون اسمبلی کے انتخابات کے حوالے سے بڑی سیاسی پیشرفت سامنے آئی ہے، استحکام پاکستان پارٹی اور مسلم کانفرنس کے درمیان انتخابی اتحاد پر اتفاق ہو گیا۔
صدر استحکام پاکستان پارٹی آزاد کشمیر سردار تنویر الیاس اور مسلم کانفرنس کے صدر سردارعتیق کی ملاقات میں اہم پیشرفت سامنے آئی ہے۔ آزاد کشمیر کے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کےبعد بھی مشترکہ حکمت عملی کےتحت آگےبڑھنے پر اتفاق کیا ہے۔ طے پایا کہ دونوں جماعتوں کی مشترکہ رابطہ کمیٹی امیدواروں کی حمایت کا حتمی اعلان جلدکرے گی۔
لومئیربرادرز اپنی ایجاد پر بہت مسرور تھے، وہ جہاں بھی اپنا سینما لے کر جاتے لوگ ششدر رہ جاتے ، وہ یہ کھیل تماشہ لے کر ہندوستان بھی آئے تھے
دونوں قائدین نے مسلح افواج اوراداروں کی مسئلہ کشمیر اجاگر کرنے کی کوششوں کی تعریف کی۔ ملاقات میں آئی پی پی کی جانب سے سردار امتیاز،سردارافتخار رشید اور سردارمنظور ایڈووکیٹ موجود تھے۔ سردارمحمود خان، سردار شجاع منگول، شبدیزصابر سمیت دیگر آئی پی پی رہنما بھی شریک ہوئے۔ جبکہ مسلم کانفرنس کے سردارعثمان عتیق،ڈاکٹرعرفان اشرف،سردارعفان عتیق،راجاعبدالجبار اور دیگر نے شرکت کی۔
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی