ملک بھر میں انسداد اسمگلنگ آپریشنز؛ کروڑوں روپے مالیت کی منشیات پکڑی گئی
اشاعت کی تاریخ: 30th, May 2025 GMT
راولپنڈی:
اے این ایف نے ملک بھر میں انسداد اسمگلنگ آپریشنز کے دوران کروڑوں روپے مالیت کی منشیات برآمد کرلی۔
ترجمان کے مطابق اینٹی نارکوٹکس فورس (اے این ایف) نے ملک کے مختلف شہروں میں منشیات اسمگلنگ کے خلاف کامیاب کارروائیاں کرتے ہوئے کروڑوں روپے مالیت کی منشیات برآمد کر لی۔
6 مختلف کارروائیوں میں مجموعی طور پر 60.
منشیات کے خلاف یہ کریک ڈاؤن خصوصی طور پر تعلیمی اداروں کے اطراف اور حساس مقامات پر کیا گیا۔
کوئٹہ کے علاقے بلیلی روڈ پر واقع ایک یونیورسٹی کے قریب کارروائی کے دوران ایک مشتبہ ملزم کے قبضے سے 2 کلوگرام چرس برآمد ہوئی۔ ابتدائی تفتیش میں گرفتار ملزم نے انکشاف کیا ہے کہ وہ تعلیمی ادارے کے طلبا کو منشیات فروخت کرتا تھا ۔
اے این ایف کی دیگر کارروائیاں بھی انتہائی مؤثر رہیں۔ لاہور میں کالا شاہ کاکو ٹول پلازہ، شیخوپورہ کے قریب ایک گاڑی سے 24 کلوگرام چرس برآمد کی گئی اور ملزم کو گرفتار کر لیا گیا۔ حیدرآباد میں گیڈو چوک کے قریب ایک مسافر بس میں سوار ملزم کے قبضے سے 3.6 کلوگرام چرس برآمد ہوئی جب کہ اسی شہر میں ایک اور کارروائی میں بھی اتنی ہی مقدار میں چرس برآمد کی گئی۔
علاوہ ازیں لاہور کے ایک کارگو آفس میں کراچی بھیجے جانے والے پارسل کی تلاشی کے دوران 17 گرام کوکین اور 12 گرام وزنی 20 ایکسٹیسی گولیاں برآمد ہوئیں۔
اُدھر بلوچستان کے علاقے سونمیانی، ضلع حب میں جھاڑیوں کے درمیان اسمگلنگ کے لیے چھپائی گئی 27 کلوگرام ہیروئن بھی برآمد کی گئی۔
اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔ منشیات فروشوں کے خلاف کارروائیاں بلا امتیاز جاری رہیں گی، خصوصاً تعلیمی اداروں کو نشانہ بنانے والے عناصر کے خلاف سخت کارروائی عمل میں لائی جائے گی۔
ذریعہ: Express News
کلیدی لفظ: اے این ایف کے خلاف کی گئی
پڑھیں:
ایف بی آر کا اسمگل شدہ اشیاء کی معلومات دینے پر 5 لاکھ روپے انعام کا اعلان
اسلام آباد:ایف بی آر نے اسمگل شدہ اشیاء کے بارے میں معلومات فراہم کرنے والوں کو 5 لاکھ روپے تک انعام دینے کا اعلان کردیا۔
اس حوالے سے فیڈرل بورڈ آف ریونیو (ایف بی آر) نے کسٹمز کمانڈ فنڈ قائم کرنے کا باضابطہ طور پر نوٹی فکیشن جاری کر دیا ہے۔ ایف بی آر کے مطابق کسٹمز کمانڈ فنڈ سے اسمگلنگ روکنے کیلئے معلومات فراہم کرنے والوں کو پیشگی ادائیگی کی جائے گی، اسمگل شدہ اشیاء کے بارے میں معلومات فراہم کرنے والے کو 5 لاکھ روپے تک معاوضہ فراہم کیا جا سکے گا۔
نوٹی فکیشن کے مطابق فنڈ کو انسداد اسمگلنگ کارروائی کے اخراجات کیلئے استعمال میں لایا جا سکے گا، فنڈ سے کسٹمز افسران کو انسداد اسمگلنگ کارروائیوں پر خصوصی انعامات کیلئے استعمال کیا جا سکے گا۔ اسمگلنگ کے خلاف کارروائی کرنے والے کسٹمز افسران کو بھی فنڈ سے انعامی رقم فراہم کی جائے گی۔
کوئٹہ، بی ایف اے کی کارروائی، مضر صحت سبزیوں کو تلف کر دیا گیا