فیلڈ مارشل، پی ایل17 اور ’’بلف گیم‘‘
اشاعت کی تاریخ: 30th, May 2025 GMT
(گزشتہ سے پیوستہ)
چین کی طرف سے پی ایل 17کو اگرچہ بنیادی طور پر J-20جیسے بڑے طیارے کے لیے ڈیزائن کیا گیا ہے، لیکن ماہرین کا ماننا ہے کہ کچھ سافٹ ویئر اور ساختی تبدیلیوں کے ساتھ اسے J-10C اور JF-17 Block III جیسے پلیٹ فارمز پر بھی استعمال کیا جا سکتا ہے۔ البتہ اس کے لیے پاکستانی طیاروں میں جدید ریڈارز کا نصب ہونا ضروری ہو گا جو اس میزائل کو مکمل سپورٹ دے سکیں۔ مثال کے طور پر J-10Cمیں موجود KLJ-10A AESA ریڈار کو اپ گریڈ کرنا ہو گا تاکہ وہ PL-17 کو طویل فاصلے سے ہدف کی نشاندہی اور رہنمائی فراہم کر سکے، اگر پاکستان PL-17 حاصل کر لیتا ہے تو بھارت کے پاس دو راستے ہوں گے: یا تو وہ اپنے فضائی اثاثوں کو اپ گریڈ کرے یا بیرونی شراکت داروں کے ساتھ مل کر نئے میزائل پروگرامز پر ہنگامی بنیادوں پر تیزی سے کام کرے۔ اطلاعات یہ ہیں کہ بھارت پہلے ہی Astra Mk3 پر کام کر رہا ہے، جو ممکنہ طور پر 350 کلومیٹر تک جا سکتا ہے۔ اسی طرح مودی سرکار کی طرف سے امریکہ، اسرائیل، فرانس اور روس کے ساتھ دفاعی تعاون کو بھی مزید وسعت دی جا سکتی ہے۔ بھارت اس حوالے سے اسرائیل اور بھارت کے ساتھ کئی خفیہ پروگراموں پر کام کر بھی رہا ہے اور آئی ایس آئی سمیت پاکستان کے انٹیلی جنس اداروں کی ان ڈیویلپمنٹس پر کڑی نگاہ ہے، فضا سے فضا میں دور تک مار کرنے والے ان میزائلوں کی دوڑ کا ایک اور پہلو بھارت کی ایواکس (AWACS)، ری فیولنگ ٹینکرز، اور ISR طیاروں کی سلامتی سے بھی جڑا ہے۔
PL-17 جیسے میزائل خاص طور پر ایسے ہائی ویلیو اہداف کے خلاف ڈیزائن کیے گئے ہیں، جو کسی بھی فضائی جنگ میں ’’فورس ملٹی پلائر‘‘کا کردار ادا کرتے ہیں۔ اگر پاکستان انہیں دور ہی سے تباہ کرنے کی صلاحیت حاصل کر لیتا ہے تو بھارتی فضائیہ کا کمانڈ اینڈ کنٹرول نیٹ ورک بری طرح متاثر ہو جائیگا اور اسے اپنی فضائیہ کا بنیادی ڈھانچہ پاک فضائیہ کی رینج سے باہر منتقل کرنے کیلئے مزید پیچھے لے جانا پڑے گا اور اسے ازسر نو استوار کرنا ہو گا۔ پی ایل 17 کی پاک فضائیہ کو ممکنہ فروخت چین اور پاکستان کے درمیان بڑھتے ہوئے دفاعی تعاون کا بھی ثبوت ہو گی۔ چین پہلے ہی پاکستان کو JF-17، J-10C، PL-15، اور مختلف ریڈار و ایویونکس نظام فراہم کر چکا ہے۔ PL-17کی فروخت چین کی پاکستان کو “air denial” صلاحیت فراہم کرنے کی حکمت عملی کا حصہ ہو سکتی ہے، اس پالیسی سے چین کو خطے میں اپنے اثر و رسوخ کو بڑھانے میں مدد ملے گی، خاص طور پر بھارت-امریکا دفاعی اتحاد کے مقابلے میں یا کواڈ کے پردے میں ایشیائی نیٹو کی تشکیل جیسے معاملات میں یہ ایک ہنگامی نوعیت کی نئی رکاوٹ کھڑی ہو جائے گی۔ پی ایل 17 کو اگر ہنگامی بنیادوں پر پاکستان کے J-10C یا JF-17 Block III طیاروں پر نصب کر دیا جاتا ہے تو کسی بھی ممکنہ کشیدگی کے دوران پاکستان مقبوضہ جموں و کشمیر پر بھارتی فضائی تسلط کے خاتمے کیلئے لائن آف کنٹرول پار کیے بغیر بھارتی طیاروں یا ایواکس کو نشانہ بنا سکے گا۔ یہ “stand-off kill” صلاحیت بھارت کے سیاسی و عسکری ردعمل کو پیچیدہ بنا دے گی کیونکہ پاکستان کی طرف سے ’’حملہ‘‘سرحد پار کیے بغیر کیا گیا ہو گا۔پی ایل 17 کی پاکستان کے فضائی بیڑے میں ممکنہ شمولیت نہ صرف جنوبی ایشیا میں فضائی طاقت کے توازن کو یکسر بدل دے گی بلکہ یہ خطے میں ہتھیاروں کی ایک نئی دوڑ کا آغاز بھی ہو گا۔ یہ دوڑ صرف طیاروں یا پلیٹ فارمز تک محدود نہیں رہے گی بلکہ ان کے ساتھ نصب میزائلوں کی رینج، درستگی اور ہدف کو تباہ کرنے کی صلاحیت ہی اصل مقابلہ بنے گی۔ ایسے میں ضروری ہے کہ پاکستان صرف ہتھیاروں کے حصول پر انحصار نہ کرے بلکہ مقامی سطح پر تحقیق، ترقی اور پیداوار کو بھی فروغ دے تاکہ قومی دفاع صرف خریداریوں پر مبنی نہ رہے بلکہ حقیقی خود انحصاری کی راہ پر گامزن ہو، ذرائع کا دعوی ہے کہ فیلڈ مارشل جنرل عاصم منیر اس حوالے سے بھی ایک خفیہ دفاعی پروگرام شروع کروا چکے ہیں اور پی ایل 15 سے پی ایل 17 جیسے کئی جدید دور مار میزائلوں کی پاکستان میں تیاری کے کم از کم 3 حساس پراجیکٹس پر کام تیزی سے جاری ہے۔
ذریعہ
ذریعہ: Daily Ausaf
کلیدی لفظ: پاکستان کے پی ایل 17 کے ساتھ کرنے کی
پڑھیں:
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی
امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی WhatsAppFacebookX 0 23 July, 2026 سب نیوز
لندن (آئی پی ایس )امریکا کی جانب سے ایران پر بمباری کے لیے برطانوی ائیربیس کے استعمال پر ایرانی پاسداران انقلاب نے برطانیہ کو سخت ردعمل کی دھمکی دی ہے۔برطانوی میڈیا کے مطابق نئے وزیراعظم اینڈی برنہم کے عہدہ سنبھالنیکے بعد امریکی فوج نے گلوسیسٹرشائر میں واقع رائل ائیر فورس کے آر اے ایف فیئرفورڈ فضائی اڈے سے ایران کے خلاف B-1 اسٹریٹجک بمبار طیاروں سے بمباری کی۔
ایرانی میڈیا کے مطابق اس حملے میں امریکی طیاروں نے ایران عراق سرحدی علاقے شلمچہ بارڈرکراسنگ کو نشانہ بنایا جس میں 2 افراد شہید اور 11 زخمی ہوئے۔ ایران نے اس کے جواب میں آنکھ کے بدلے آنکھ کی بنیاد پر جوابی کارروائیوں کی دھمکی دی۔
ایرانی وزیر خارجہ عباس عراقچی نیکہا کہ ہماری دفاعی پالیسی واضح ہے، آنکھ کے بدلے آنکھ۔ جو لوگ کسی بھی قسم کی مدد کے ذریعے ایران کیخلاف جارحیت میں شریک ہوں گے، انہیں بھی جائز ہدف سمجھا جائیگا۔اب ایرانی پاسداران انقلاب نے امریکی طیاروں کے برطانوی فضائی اڈوں کے استعمال پر برطانیہ کو خبردار کیا ہے۔
پاسداران انقلاب کا کہنا ہیکہ حالیہ کارروائیوں میں امریکی افواج نے ابتدا میں بحر ہند میں موجود بحری جہازوں سے کروز میزائل داغے اور جب ان کے ذخائر کم ہوگئے تو برطانیہ کے آر اے ایف فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔پاسداران انقلاب نے خبردار کیا ہیکہ ایران کے خلاف کسی بھی جارحیت میں استعمال ہونے والا ہر فوجی اڈہ ایک جائز فوجی ہدف سمجھا جائے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرجدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیا اگلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار