رمضان پیکج، کوئی خورد برد میں ملوث ہوا تو سزا ملے گی: عظمیٰ بخاری
اشاعت کی تاریخ: 31st, May 2025 GMT
لاہور (نوائے وقت رپورٹ، نیوز رپورٹر) وزیر اطلاعات و ثقافت پنجاب عظمٰی بخاری نے رمضان نگہبان پیکیج 2024 سے متعلق بعض میڈیا رپورٹس پر ردعمل دیتے ہوئے کہا ہے کہ اس حوالے سے وزیراعلیٰ پنجاب کو کسی قسم کی آڈٹ رپورٹ موصول نہیں ہوئی۔ عظمٰی بخاری نے واضح کیا کہ ’’ابھی تک رمضان پیکج سے متعلق کوئی آڈٹ رپورٹ وزیراعلیٰ پنجاب کے علم میں نہیں آئی۔ تاہم اگر کوئی ایسی رپورٹ موجود ہے یا سامنے آتی ہے تو اس کی مکمل اور شفاف تحقیقات کی جائے گی۔ موجودہ حکومت کے قیام کے فوراً بعد، نگہبان رمضان پیکیج کے تحت صارفین کو پہلے سے موجود ڈیٹا کی بنیاد پر امدادی اشیاء فراہم کی گئیں۔ اس پورے عمل کو شفاف اور عوامی مفاد کے مطابق یقینی بنانے کی کوشش کی گئی۔ عظمٰی بخاری نے وزیراعلیٰ پنجاب کے مؤقف کو دہراتے ہوئے کہا کہ وزیراعلیٰ نے واضح طور پر کہا ہے کہ عوام کے ٹیکس کے پیسے کی خورد برد کسی صورت برداشت نہیں کی جائے گی۔ اگر رمضان پیکیج میں کسی قسم کی کرپشن یا بدانتظامی پائی گئی تو ذمہ داروں کو قانون کے مطابق سخت ترین سزا دی جائے گی۔ ابتدائی طور پر ایک انکوائری کمیٹی کی تشکیل کا عمل بھی جاری ہے تاکہ تمام پہلوؤں کا باریک بینی سے جائزہ لیا جا سکے۔
.
ذریعہ
ذریعہ: Nawaiwaqt
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی