بھارت کو پانی بطور ہتھیار استعمال کرنے نہیں دیں گے، وزیراعظم
اشاعت کی تاریخ: 31st, May 2025 GMT
کوئٹہ(نیوز ڈیسک)وزیراعظم شہباز شریف نے کمانڈ اینڈ اسٹاف کالج کوئٹہ میں افسران سے خطاب کرتے ہوئے کہا ہے کہ پاکستان کو درپیش خطرات صرف روایتی میدان جنگ تک محدود نہیں، بھارت کو سندھ طاس معاہدہ ختم کرنے کی اجازت نہیں دیں گے، بھارت نے کوئی مہم جوئی کی تو منہ توڑ جواب دیں گے۔ انھوں نے کہا کہ حکومتی اقدامات سے مہنگائی کی شرح سنگل ڈیجٹ پر آ گئی، ٹیکس ٹو جی ڈی پی بڑھا ہے، ترقی کیلئے جی ڈی پی کو 15 فیصد پر لے جانا ہوگا۔
وزیراعظم شہباز شریف نے دورہ کوئٹہ کے دوران کمانڈ اینڈ اسٹاف کالج میں افسران سے خطاب کرتے ہوئے کہا کہ کمانڈ اینڈ اسٹاف کالج نے ہمیشہ شاندار خدمات انجام دی ہیں، مسلح افواج ہماری خود مختاری اور سالمیت کی محافظ ہیں، دوست ممالک سے آئے مہمانوں کا خیرمقدم کرتےہیں۔
وزیراعظم نے کہا کہ آپ کی یہاں موجودگی ہمارے بہترین تعلقات کی عکاس ہے، پہلگام کی آڑ میں بھارتی اقدامات کیخلاف بھر پور دفاع کیا، ہماری مسلح افواج نے بہترین خدمات سرانجام دیں، بھارت کو جارحیت پر منہ توڑ جواب دیا گیا۔
وزیراعظم شہبازشریف نے خطاب میں کہا کہ ایئر فورس نے 7 ہائی ویلیو ٹارگٹ کو نشانہ بنایا، فیلڈ مارشل کی پیشہ ورانہ صلاحیتوں کے باعث تاریخی کامیابی ملی، پاکستان نے بھارت کو پہلگام واقعہ کی تحقیقات کی پیشکش کی، حکومت اورعوام پاک افواج کے شانہ بشانہ ہیں۔
انھوں نے خطاب کرتے ہوئے یہ بھی کہا کہ اللہ نے ہمیں شاندار فتح سے نوازا ہے، بھارت نے جارحیت میں معصوم شہریوں کو نشانہ بنایا، آئندہ بھی کوئی مہم جوئی ہوئی تو منہ توڑ جواب دیں گے، بھارت کو پانی بطور ہتھیاراستعمال کرنے نہیں دیں گے، پاکستان کو درپیش خطرات صرف روایتی میدان جنگ تک محدود نہیں۔
وزیراعظم نے کہا کہ مسلح افواج ہماری خودمختاری و سالمیت کی محافظ ہیں، آئی ایم ایف کے ساتھ کامیاب معاہدے سے معیشت کو استحکام ملا، معاشی استحکام کیلئے بنیادی سطح پر اصلاحات کی ضرورت ہے، پاکستان کا مورال اس وقت بہت زیادہ ہائی ہے۔
وزیراعظم شہباز شریف نے کہا کہ وقت آ گیا ہے کہ اس موقع سے فائدہ اٹھایا جائے، کچھ ایسا کیا جائے جس کی قوم خواہش کر رہی ہے، ایسا حاصل کریں جس کا قائداعظم نے سوچا اور دنیا تعریف کرے۔ اب ہم پر ہے کہ اس موقع سے کیسے فائدہ اٹھاتے ہیں۔
انھوں نے کہا کہ ملک میں سب کچھ ہے، یقین دلاتا ہوں کہ بہت کچھ کر سکتے ہیں، ہمارے پاس قدرتی وسائل موجود ہیں، لوگ عظیم ہیں، ٹیکس ٹو جی ڈی پی بڑھاہے، ترقی کیلئے جی ڈی پی کو 15 فیصد پر لے جانا ہوگا۔
انھوں نے مزید کہا کہ حکومتی اقدامات سے مہنگائی کی شرح سنگل ڈیجٹ پر آ گئی، فیلڈ مارشل کے اقدامات سے ایک سال میں اسمگلنگ میں کمی آئی، اسملنگ ملکی معیشت کیلئے کینسر بن چکی ہے، میں ہر ہفتے ایف بی آر کا اجلاس بلاتا ہوں، ہماری حکومت میں کرپشن کیلئے زیروٹالرنس ہے۔
وزیراعظم کا کہنا تھا کہ قریبی دوست ممالک چاہتے ہیں کہ پاکستانی تجارت بڑھے، سعودی عرب پاکستان کا سب سے قریبی دوست ملک ہے، بہت جلد دہشت گردی کے ناسور کا خاتمہ کر دیں گے۔
مزیدپڑھیں:قومی کرکٹر بابراعظم فینز سے کیوں اُلجھے؟ وجہ سامنے آگئی
ذریعہ: Daily Ausaf
کلیدی لفظ: نے کہا کہ بھارت کو انھوں نے جی ڈی پی دیں گے
پڑھیں:
ملکی سالمیت پر کوئی سمجھوتہ قابل قبول نہیں :اسحاق ڈار
نائب وزیراعظم اسحاق ڈار نے کہا ہےکہ ہمارے پاس مضبوط افواج اور جدید ہتھیار موجود ہیں لہٰذا ہم کسی کو اپنی سالمیت کی خلاف ورزی کی اجازت نہیں دیں گے۔ عرب میڈیا کو انٹرویو دیتے ہوئے اسحاق ڈار نے کہا کہ قطر پر اسرائیلی حملے کے بعد ہم نے صومالیہ کے ساتھ مل کر سلامتی کونسل کے ہنگامی اجلاس کی درخواست کی، او آئی سی فورم سے بھر پور انداز میں اسرائیلی حملے کی مذمت کی گئی، اسرائیل کا لبنان اور شام کے بعد قطر پر حملہ ناقابل قبول ہے، ایک خودمختار ملک پر حملے کا کوئی جواز نہیں۔ انہوں نے کہا کہ اسرائیلی حملوں کی محض مذمت کافی نہیں، اب ہمیں واضح لائحہ عمل اختیار کرنا ہوگا۔نائب وزیراعظم کا کہنا تھا کہ غزہ کے عوام انتہائی مشکلات کا شکار ہیں، وقت آگیا ہے کہ غزہ میں غیر مشروط جنگ بندی یقینی بنائی جائے، دنیا کو اب اسرائیل کا راستہ روکنا ہوگا۔انہوں نے مزید کہاکہ پاکستان کے پاس مضبوط افواج اور جدید ہتھیار موجود ہیں، کسی کو اپنی خودمختاری اور سالمیت کی خلاف ورزی کی اجازت نہیں دیں گے، پاکستان امن پسند ملک ہے اور مذاکرات سے مسائل کا حل چاہتا ہے۔اسحاق ڈار کا کہنا تھا کہ مستقبل کی جنگیں پانی پر ہونی ہیں، سندھ طاس معاہدےکے تحت پاکستان اور بھارت کے درمیان پانی کی تقسیم ہوئی، بھارت یکطرفہ طور پر سندھ طاس معاہدے کو معطل یا ختم نہیں کرسکتا، پاکستان نے واضح کردیا ہےکہ پانی روکنے کے عمل کو اعلان جنگ تصور کیاجائےگا۔ نائب وزیراعظم نے کہا کہ بھارت کے ساتھ کشمیر سمیت تمام مسائل پر مذاکرات کے لیے تیار ہیں، پاکستان نے دہشتگردی کے خلاف سب سے زیادہ قربانیاں دیں،جو ملک دہشتگردی کا سب سے زیادہ شکار ہے بھارت کا اس پر الزام لگانا باعث حیرت ہے۔
سوشل میڈیا پر پابندی مہنگی پڑ گئی، نیپالی وزیراعظم پرتشدد مظاہروں کے بعد مستعٰفی