یورپی کارکنوں پر مشتمل "فریڈم فلوٹیلا" اتوار کے روز غزہ کا محاصرہ توڑنے کی کوشش کریگا
اشاعت کی تاریخ: 31st, May 2025 GMT
اس انسانی مشن میں مختلف کارکن شریک ہوں گے، جن میں ماحولیاتی تحفظ کے میدان میں معروف سویڈش کارکن گریٹا تھنبرگ بھی شامل ہیں۔ اسلام ٹائمز۔ یورپی کارکنوں پر مشتمل فریڈم فلوٹیلا کل اتوار کے روز غزہ کا محاصرہ توڑنے کی ایک اور کوشش کریگا۔ فرانسیسی فلسطینی رکن یورپی پارلیمنٹ، رِیم حسن کے مطابق "فریڈم فلوٹیلا" کل اتوار کے روز غزہ کی پٹی کا محاصرہ توڑنے کے مشن پر روانہ ہونے والا ہے۔ اس انسانی مشن میں مختلف کارکن شریک ہوں گے، جن میں ماحولیاتی تحفظ کے میدان میں معروف سویڈش کارکن گریٹا تھنبرگ بھی شامل ہیں۔ فرانسیسی فلسطینی رکن پارلیمنٹ نے اعلان کیا ہے کہ گریٹا تھنبرگ کل اتوار کو دیگر کارکنوں کے ساتھ غزہ کی جانب ایک انسانی امدادی جہاز کے ذریعے روانہ ہوں گی، جو اسرائیل کی غزہ پر جاری جنگ کے خلاف احتجاج کا اظہار ہے۔ یہ سفر "فریڈم فلوٹیلا" کے تحت ترتیب دیا گیا ہے، جو کہ مختلف گروہوں کا اتحاد ہے جو اس محاصرے کی مخالفت کرتے ہیں، جو اسرائیل نے 2 مارچ کو جنگ بندی کے مختصر عرصے بعد غزہ پر دوبارہ حملوں کے آغاز کے ساتھ نافذ کیا تھا۔
یورپی پارلیمنٹ کی رکن رِیم حسن، جو خود بھی اس مشن میں شریک ہیں، نے کہا کہ اس کارروائی کے کئی مقاصد ہیں: انسانی محاصرے اور جاری نسل کشی کی مذمت، اسرائیل کو حاصل استثنیٰ کا خاتمہ، اور بین الاقوامی سطح پر شعور اجاگر کرنا۔ یہ امر قابل ذکر ہے کہ رِیم حسن، بائیں بازو کی فرانسیسی سیاسی جماعت (France Insoumise) کی نمایاں رکن ہیں، اور انہوں نے مشرقِ وسطیٰ سے متعلق اپنے بیانات کی وجہ سے ماضی میں کافی بحث و مباحثے کو جنم دیا ہے۔ رِیم حسن کو فروری میں یورپی پارلیمنٹ کے ایک وفد کے ساتھ مقبوضہ فلسطینی علاقوں کا دورہ کرنا تھا، مگر ان کا کہنا ہے کہ انہیں "اسرائیل میں داخلے سے روک دیا گیا"۔ گریٹا تھنبرگ، جنہوں نے سویڈن میں نوجوانوں کی ماحولیاتی تحریکوں کی قیادت کر کے عالمی شہرت حاصل کی، نے رواں ماہ کے آغاز میں غزہ جانے والے اس مشن میں شامل ہونے کا اعلان کیا تھا، تاہم اس وقت جس کشتی پر وہ سفر کرنے والی تھیں، وہ اسرائیلی حملے اور تخریب کاری کا شکار ہو گئی تھی۔
ذریعہ: Islam Times
کلیدی لفظ: گریٹا تھنبرگ
پڑھیں:
سعودی وزیر خارجہ اتوار کو مغربی کنارے کا دورہ کریں گے
خبر ایجنسی کے مطابق سعودی وزیر خارجہ کے دورہ کا انکشاف ایسے وقت میں سامنے آیا ہے، جب اسرائیلی وزیر دفاع نے مغربی کنارے کو یہودی ریاست بنانے کا بیان دیا ہے۔ اسلام ٹائمز۔ سعودی وزیر خارجہ شہزادہ فیصل بن فرحان اتوار کو مغربی کنارے کا دورہ کریں گے۔ خبر ایجنسی کے مطابق اسرائیل کے 1967ء میں فلسطینی سرزمین پر قبضے کے بعد کسی سعودی وزیر خارجہ کا مغربی کنارے کا یہ پہلا دورہ ہوگا۔ خبر ایجنسی کے مطابق سعودی وزیر خارجہ کی قیادت میں ایک وزارتی وفد اتوار کو رام اللّٰہ جائے گا۔ سعودی وزیر خارجہ کے دورہ کا انکشاف ایسے وقت میں سامنے آیا ہے، جب اسرائیلی وزیر دفاع نے مغربی کنارے کو یہودی ریاست بنانے کا بیان دیا ہے۔
پشاور: تاجر برادری نے مائنز اینڈ منرلز بل اور بجلی بلوں پر ایک ہزار فکس ٹیکس کو مسترد کردیا