بھارت کی قیادت کا غرور تین روز کی جنگ نے ملیا میٹ کر دیا ہے، احسن اقبال
اشاعت کی تاریخ: 31st, May 2025 GMT
لاہور:
وفاقی وزیر منصوبہ بندی احسن اقبال نے فوج کو وسائل فراہم کرنے کی ضرورت پر زور دیتے ہوئے کہا ہے کہ بھارت کی قیادت کا غرور تین روز کی جنگ نے ملیا میٹ کر دیا ہے اور تین روز میں ہماری افواج نے بتا دیا کہ ہم پر میلی نگاہ ڈالنے کی جرات نہ کرنا۔
وفاقی وزیر برائے منصوبہ بندی احسن اقبال نے پاکستان انسٹی ٹیوٹ آف فیشن ڈیزائزنگ لاہور میں نمائش اور مختلف اسٹالز کا دورہ کیا اور نمائش کا باقاعدہ افتتاح کیا اور میڈیا سے گفتگو کرتے ہوئے کہا کہ نوجوان نسل کو ڈیجیٹل اسکلز سے لیس کرنا ہے۔
انہوں نے کہا کہ مرغی اور انڈے بیچنا نہیں سکھائیں گے، ہمارے نوجوان مستقبل کے چیلنجز پر پورا اتر رہے ہیں، نوجوانوں کو فنی تعلیم اور لیپ ٹاپ دے رہے ہیں۔
ان کا کہنا تھا کہ اڑان پاکستان منصوبے میں تعلیم کو اہمیت دی گئی ہے، دنیا اب پاکستان کو انتہائی سنجیدہ طریقے سے لے رہی ہے، گزشتہ دور میں ہم کشکول لے کر پھر رہے تھے۔
احسن اقبال نے کہا کہ پاکستان اب قابل عزت مقام پر کھڑا ہے، ملکی معاشی کارکردگی کی آئی ایم ایف نے بھی تعریف کی ہے۔
وفاقی وزیرمنصوبہ بندی نے کہا کہ 10 مئی کے بعد ایک مضبوط اور توانا پاکستان ابھر کر سامنے آیا ہے۔
احسن اقبال نے کہا کہ بھارت کی فوج کے سربراہ نے بھی جہاز گرائے جانے کا اعتراف کر لیا ہے، بھارت کی قیادت کا غرور تین روز کی جنگ نے ملیا میٹ کر دیا ہے، تین روز میں ہماری افواج نے بتا دیا کہ ہم پر میلی نگاہ ڈالنے کی جرات نہ کرنا۔
انہوں نے کہا کہ ٹیکس اکٹھا نہیں ہو گا تو حکومت ترقیاتی کاموں کے لیے ادھار لے گی، ٹیکس کی آمدنی کو بڑھانا ہو گا، آپریشن بنیان مرصوص جیسی کامیابی معاشی میدان میں بھی حاصل کریں گے ۔
ان کا کہنا تھا کہ ٹیکس چوری کے خلاف قوم جہاد کرے، ٹیکس چوری پر قابو نہ پایا تو ٹیکس دینے والوں پر بوجھ بڑھتا جائے گا، تاجر برادری سے اپیل ہے 400 ارب تنخواہ دار طبقہ ٹیکس ادا کر رہا ہے۔
ٹیکس وصولی پر بات کرتے انہوں نے کہا کہ تاجر برادری سے جب بھی ٹیکس کی بات کی وہ احتجاج کرتے ہیں، تاجر برادری سے اپیل ہے کہ ٹیکس کلچر رائج کریں، ترقیاتی منصوبوں کے لیے ٹیکس محصولات میں اصافہ ضروری ہے۔
انہوں نے کہا کہ معیشت کا پیٹرول ٹیکس کی آمدنی ہے، حکومت نے ٹیکس چوری روکنے کے لیئے ڈیجٹلائزیشن کا عمل شروع کیا ہے، ٹیکس چوری کے خلاف بھرپور مہم چلانا ہو گی۔
احسن اقبال نے کہا کہ طلبہ کے کام کو دیکھ کر بہت خوشی ہوئی، پاکستان کا نوجوانوں پر انحصار ہے، طالب علم کے کام کو اگر پیرس اور نیو یارک میں شو کیس کی جائے تو ترقی کی اگلی منزل پر جائیں گے۔
ان کا کہنا تھا کہ فیشن ڈیزائن کے طالب علم ملک کے بہترین سفیر ہوں گے، وزارت خزانہ کا آئی ایم ایف کے ساتھ رابطہ ہے، حالات بہتری کی طرف جانا شروع ہو گئے ہیں، 10 مئی کے بعد ہم طاقت ور قوم بن کر سامنے آئے ہیں۔
انہوں نے کہا کہ 10 مئی نے ہمارے دشمنوں کے دلوں میں ڈر پیدا کیا ہے، اب ضروری ہے کہ ہم اپنی فوج کو وسائل مہیا کرے، ہم سب کو ٹیکس دینا ہے اور اپنی ذمہ داری ادا کرنی ہے۔
وفاقی وزیر منصوبہ بندی کا کہنا تھا کہ ٹیکس ادا کرنے سے ہی معیشت بہتر ہو گی، ٹیکس چوری کو روکنا ہو گا۔
.
ذریعہ
ذریعہ: Express News
کلیدی لفظ: انہوں نے کہا کہ کا کہنا تھا کہ احسن اقبال نے ٹیکس چوری بھارت کی کہ ٹیکس تین روز
پڑھیں:
بعض حکمران عناصر بینظر انکم سپورٹ پروگرام کو ختم کرنا چاہتے ہیں، تاہم پیپلز پارٹی ایسا نہیں ہونے دے دی، بلاول بھٹو
چیئرمین پاکستان پیپلز پارٹی بلاول بھٹو زرداری نے کہا ہے کہ ایران میں جاری جنگ کے اثرات کے باعث معاشی بحران نے جنم لیا ہے اور موجودہ معاشی چیلنجز سے نمٹنے کی صلاحیت صرف پیپلز پارٹی کے پاس ہے، گلگت بلتستان کے عوام 7 جون کو تیر پر مہر لگائیں۔
اسکردو میں جلسے سے خطاب کرتے ہوئے انہوں نے پاکستان کی جانب سے امن کے قیام کے لیے کی جانے والی کوششوں کو قابل فخر قرار دیتے ہوئے امید ظاہر کی کہ جنگ بندی کے لیے کی جانے والی کاوشیں کامیاب ہوں گی۔
مزید پڑھیں: کسی پر تنقید کرکے نہیں بلکہ کارکردگی پر ووٹ مانگتا ہوں، نواز شریف کا گلگت میں خطاب
چیئرمین پیپلز پارٹی نے کہاکہ ان کی جماعت ملک کے پسماندہ اور محروم طبقات کی حقیقی نمائندہ ہے۔ ایسی ترقی اور معاشی پالیسی کا کیا فائدہ جس میں امیر مزید امیر اور غریب مزید مشکلات کا شکار ہو جائے۔
ان کا کہنا تھا کہ بینظیر انکم سپورٹ پروگرام ملک کا واحد ایسا ادارہ ہے جو براہ راست مستحق خاندانوں تک پہنچتا ہے اور اس پروگرام کے خلاف ہونے والی سیاسی سازشیں ناکام ہوں گی۔
بدقسمتی اس ملک کی ہے کہ ہمارے سیاست دان ایسے ہیں کہ جب معاشی حالات خراب ہوتے ہیں تو وہ یہ نہیں سوچتے کہ ہم اپنے امیر دوستوں کی سبسڈی کیسے ختم کریں، وہ یہ نہیں سوچتے کہ کاروباری طبقہ کتنا ٹیکس دے رہا ہے، وہ سیدھا اس پر پہنچتے ہیں کہ بینظیر انکم سپورٹ پروگرام کو ختم کرو، مگر ہم یہ… pic.twitter.com/ioZikOPLZU
— WE News (@WENewsPk) June 2, 2026
انہوں نے دعویٰ کیا کہ بعض حکمران عناصر اس پروگرام کو ختم کرنا چاہتے ہیں، تاہم پیپلز پارٹی اسے بچانے کے لیے ہر ممکن اقدام کرے گی اور آئندہ بجٹ میں اس کے فنڈز میں اضافے کے لیے وزیراعظم سے بات کی جائے گی۔
بلاول بھٹو زرداری نے کہا کہ پاکستان کو ایٹمی طاقت بنانے کی بنیاد شہید ذوالفقار علی بھٹو نے رکھی جبکہ میزائل ٹیکنالوجی کے فروغ میں شہید محترمہ بینظیر بھٹو کا کردار نمایاں رہا۔
انہوں نے کہا کہ ماضی میں گلگت بلتستان کو شمالی علاقہ جات کہا جاتا تھا لیکن اس خطے کو موجودہ شناخت صدر آصف علی زرداری نے دی۔ ذوالفقار علی بھٹو نے بلتستان کی سرزمین سے پاکستان کو ایٹمی قوت بنانے کا اعلان کیا تھا۔
انہوں نے کہاکہ اگر 18ویں آئینی ترمیم کے تحت صوبوں کو دیے گئے اختیارات گلگت بلتستان کو بھی منتقل کر دیے جائیں تو خطے کے متعدد مسائل حل ہو سکتے ہیں۔
بلاول بھٹو نے کہاکہ حق حاکمیت کے بعد عوام کو حق ملکیت بھی ملنا چاہیے اور اسلام آباد کو تسلیم کرنا ہوگا کہ گلگت بلتستان کے وسائل پر سب سے پہلا حق مقامی آبادی کا ہے۔
انہوں نے کہا کہ جب تک اس حقیقت کو تسلیم نہیں کیا جاتا، نہ گلگت بلتستان اور نہ ہی پاکستان حقیقی ترقی کر سکتا ہے۔
پیپلز پارٹی کے چیئرمین نے سندھ حکومت کی کارکردگی کا حوالہ دیتے ہوئے کہا کہ سیلاب سے متاثرہ خاندانوں کو گھر فراہم کیے گئے اور یہی عوامی خدمت پیپلز پارٹی کی سیاست کا بنیادی محور ہے۔
ان کے مطابق پارٹی ہمیشہ عام آدمی، مزدور اور محروم طبقات کے حقوق کی سیاست کرتی آئی ہے۔
انہوں نے کہا کہ صدر آصف علی زرداری نے روٹی، کپڑا اور مکان کے نعرے کو بینظیر کارڈ کے ذریعے عملی شکل دی، جبکہ بینظیر انکم سپورٹ پروگرام کو دنیا کے کئی ممالک نے قابل تقلید ماڈل قرار دیا۔
بلاول بھٹو زرداری نے کہا کہ مسلم دنیا میں ایٹمی صلاحیت رکھنے والا واحد ملک پاکستان ہے اور اس صلاحیت کا سہرا شہید ذوالفقار علی بھٹو کے سر جاتا ہے۔
انہوں نے کہاکہ آج بھی گڑھی خدا بخش سے پاکستان کے دفاع کی روایت جڑی ہوئی ہے۔ جنرل مشرف کے دور میں غیر ملکی ممالک کو پاکستان میں اڈے حاصل تھے، تاہم سلالہ واقعے کے بعد صدر آصف علی زرداری نے ان اڈوں کو بند کروا دیا۔
انہوں نے سی پیک کے تحت تھرکول منصوبے کو سب سے کامیاب منصوبہ قرار دیتے ہوئے کہا کہ وہاں 80 فیصد ملازمتیں مقامی افراد کو فراہم کی گئیں۔
ان کا کہنا تھا کہ پیپلز پارٹی کی کوشش ہوتی ہے کہ زیادہ سے زیادہ روزگار کے مواقع پیدا کیے جائیں، جبکہ دیگر سیاسی قوتیں لوگوں کو بے روزگار کرنے کی پالیسی اپناتی ہیں۔
انہوں نے کہا کہ ان کی جماعت غریب نوجوانوں کو روزگار فراہم کرکے معاشی طور پر مضبوط بنانا چاہتی ہے۔
مزید پڑھیں: کسی بھی نئی آئینی ترمیم میں گلگت بلتستان کے عوامی حقوق کا تحفظ یقینی بنانا چاہیے، بلاول بھٹو
چیئرمین پیپلز پارٹی نے سندھ میں سیلاب کے بعد بحالی کے اقدامات کا ذکر کرتے ہوئے کہا کہ ایسا محسوس ہوتا تھا جیسے پورا صوبہ پانی میں ڈوب گیا ہو، تاہم حکومت 20 لاکھ متاثرہ گھروں کی تعمیر کر رہی ہے اور اتنے ہی خاندانوں کو مالکانہ حقوق کے ساتھ رہائش فراہم کی جا رہی ہے۔
بلاول بھٹو نے کہاکہ فیصلہ کیا گیا تھا کہ سڑکوں کی تعمیر سے پہلے متاثرین کو گھر دیے جائیں۔ اس منصوبے کے نتیجے میں قریباً 10 لاکھ افراد کو روزگار ملا۔
انہوں نے گلگت بلتستان کے عوام سے اپیل کی کہ 7 جون کو تیر کے انتخابی نشان پر مہر لگائیں، پیپلز پارٹی یہاں بھی سندھ طرز کے عوامی فلاحی منصوبے متعارف کرائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو چیئرمین پیپلز پارٹی گلگت بلتستان الیکشن وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ