شوہر زندہ ہے، مودی سندور دینے والا کون ہوتا ہے؟ بھارتی خاتون
اشاعت کی تاریخ: 31st, May 2025 GMT
بھارتی وزیراعظم نریندر مودی کا آپریشن سندور بھارت میں بھی مذاق بن کر رہ گیا۔
بھارتی وزیراعظم نریندر مودی نے پہلگام حملے کے بعد ہلاک افراد کے لواحقین سے ملنے کے بجائے گھر گھر سندور بھیج کر اپنا ہی مذاق بنوا لیا۔
بھارتی خواتین نے مودی کو سندور کے بیان پر آڑے ہاتھوں لے لیا۔
ایک خاتون نے کہا کہ شوہر زندہ ہے مودی سندور دینے والا کون ہوتا ہے؟ ہندو مذہب میں خاتون صرف اپنے شوہر کا دیا ہوا سندور لگاتی ہے کسی غیر مرد کا نہیں۔
انہوں نے کہا کہ شرم آتی ہے وزیراعظم اتنی گری ہوئی باتیں کررہا ہے۔
خاتون نے کہا کہ آپ کون ہو کہ کبھی آپ نے سنا ہے کہ کسی کے گھر میں دوسرا آدمی سندور لے کر آرہا ہے، آپ ہو کون جو دوسرے کے گھروں میں سندور لے کر گھس رہے ہو۔
ایک اور خاتون نے کہا کہ آپ سندور لے کر پہنچو تو ہم آپ کی کیا حالت کرتے ہیں یہ آپ دیکھیں گے۔
ذریعہ
ذریعہ: Daily Mumtaz
کلیدی لفظ: نے کہا کہ
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار