اسسٹنٹ پروفیسر کی ہلاکت کی ایف آئی آر تھانہ زمان ٹاؤن میں درج
اشاعت کی تاریخ: 1st, June 2025 GMT
کراچی کے علاقے کورنگی میں فیوچر موڑ پر پیش آنے والے ٹریفک حادثے میں اسسٹنٹ پروفیسر افتخاراحمد کی ہلاکت کی ایف آئی آر تھانہ زمان ٹاؤن میں درج کرلی گئی ہے۔
درج ایف آئی آر میں شکایت کنندہ وقار احمد نے بتایا ہے کہ حادثہ 31 مئی 2025 کی صبح اس وقت پیش آیا جب وہ گاڑی میں تھیں اور ایک ٹرک (نمبر JU-9808) نے انہیں ٹکر ماری۔
یہ بھی پڑھیں: دنیا میں روزانہ کتنے افراد ٹریفک حادثات میں جان گنوا بیٹھتے ہیں؟
پولیس رپورٹ کے مطابق، ٹرک KIA کمپنی کا ہے اور ٹرک ڈرائیور فرا ر ہو گیا۔
مدعی مقدمہ کے مطابق ٹرک ڈرائیور کی غفلت اور تیز رفتاری کے باعث یہ جان لیوا حادثہ پیش آیا، پولیس نے دفعہ 154 کے تحت ایف آئی آر درج کر کے کارروائی شروع کر دی گئی ہے۔
جاں بحق افتخاراحمد کے بھائی کا کہنا تھا کہ افتخاراحمد صبح گھر سےڈیوٹی پرجانے کے لیے نکلےتھے، افتخاراحمد حادثے کے بعد اسپتال منتقلی کےدوران دم توڑ گئے۔
یہ بھی پڑھیں: لورالائی میں ٹریفک حادثہ، 6 افراد جاں بحق جبکہ 10 کے قریب زخمی
افتخار احمد کے 4 بچے ہیں، جو گورنمنٹ ابراہیم حیدری کالج میں اسسٹنٹ پروفیسرتھے، حادثے کے مقام پرموجود لوگوں نےافتخاراحمد سے نمبر لے کرمجھے کال کی،حادثےکےذمےداران کےخلاف سخت کارروائی اور ڈمپرمافیا پرپابندی لگائی جائے۔
پولیس کے مطابق ڈرائیور کی تلاش جاری ہے بہت جلد گرفتار کر کے اسے عدالت میں پیش کیا جائے گا ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افتخار احمد پروفیسر ٹریفک حادثہ فیوچر موڑ کراچی کورنگی.ذریعہ: WE News
کلیدی لفظ: افتخار احمد پروفیسر ٹریفک حادثہ کراچی کورنگی
پڑھیں:
کراچی، میں بوندا باندی کا سلسلہ جاری، ٹریفک پولیس نے احتیاطی تدابیر جاری کر دیں
کراچی:شہر قائد کے مختلف علاقوں میں ہلکی بوندا باندی کا سلسلہ جاری ہے، جس سے موسم خوشگوار ہو گیا ہے تاہم سڑکوں پر پھسلن کے باعث ٹریفک پولیس نے شہریوں کو محتاط ڈرائیونگ کی ہدایت جاری کر دی ہے۔
تفصیلات کے مطابق بوندا باندی کا سلسلہ ایم اے جناح روڈ، آئی آئی چندریگر روڈ، برنس روڈ، اور صدر کے علاقوں میں دیکھا گیا، جبکہ شارع فیصل، ڈیفنس، کورنگی روڈ، قیوم آباد، محمود آباد اور کورنگی میں بھی بوندا باندی جاری ہے۔
مزید برآں ملیر، گلشن اقبال، یونیورسٹی روڈ، ناظم آباد اور نیو کراچی سمیت دیگر علاقوں میں بھی ہلکی بارش کی اطلاعات موصول ہوئی ہیں۔
ترجمان ٹریفک پولیس کے مطابق شہریوں کو ہدایت کی گئی ہے کہ گاڑیوں کی اسپیڈ کم رکھیں اور اگلی گاڑی سے مناسب فاصلہ برقرار رکھیں۔
ٹریفک پولیس کا مزید کہنا تھا کہ اچانک بریک لگانے سے گریز کریں کیونکہ گیلی سڑکوں پر پھسلن کا خطرہ بڑھ جاتا ہے۔
کیکو شاردا نے دی کپل شرما شو چھوڑنے کی خبروں کی تردید کردی