آئی ایم ایف سے مذاکرات کا نیا دور آئندہ دو روز میں متوقع،بجٹ کے خدوخال کو حتمی شکل دی جائے گی
اشاعت کی تاریخ: 2nd, June 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔02 جون ۔2025 )آئندہ مالی سال 2025-26کے وفاقی بجٹ کی تیاری کے سلسلے میں پاکستان اور عالمی مالیاتی فنڈ (آئی ایم ایف) کے درمیان مذاکرات کا نیا دور آئندہ دو روز میں شروع ہو نے کا امکان ہے حکومتی ذرائع کے حوالے رپورٹ میں بتایا گیا ہے کہ بجٹ اہداف، محصولات، سبسڈی، دفاعی اخراجات اور توانائی اصلاحات جیسے اہم امور پر بات چیت کا عمل جاری ہے.
(جاری ہے)
ذرائع کے مطابق حکومت اور آئی ایم ایف کے درمیان ٹیکس وصولی کے نئے ہدف پر گفتگو ہو رہی ہے جبکہ مختلف شعبوں سے متوقع ٹیکس آمدن کے تخمینے پر کام مکمل کیا جا رہا ہے ان مذاکرات میں دفاعی بجٹ اور سبسڈی کے حجم پر بھی تفصیل سے تبادلہ خیال جاری ہے ذرائع کے مطابق تنخواہ دار طبقے کو ریلیف دینے سے متعلق مشاورت آئندہ ہفتے مکمل ہونے کا امکان ہے، جبکہ توانائی کے شعبے میں اصلاحات اور بجلی نرخوں میں ممکنہ ردوبدل پر بھی گفت و شنید جاری ہے. صنعتی اور زرعی شعبے کو ممکنہ ریلیف، درآمدی پالیسی اور کاربن لیوی کے نفاذ پر بھی دونوں فریقین کے درمیان مذاکرات جاری ہیں ذرائع کے مطابق کاربن لیوی عائد کرنے پر اصولی اتفاق ہو چکا ہے تاہم اس کی شرح کا تعین باقی ہے ذرائع کا کہنا ہے کہ مقامی آٹو سیکٹر کے تحفظ کو آئندہ بجٹ میں یقینی بنانے کی کوشش کی جا رہی ہے، تاکہ مقامی صنعت کو فروغ مل سکے ذرائع کے مطابق 30 مئی کو ہونے والے اجلاس میں بجٹ امور پر کوئی حتمی نتیجہ نہیں نکل سکا، اس لیے اب مذاکرات کا نیا دور متوقع ہے، جس کے دوران بجٹ کے خدوخال کو حتمی شکل دی جائے گی.
ذریعہ: UrduPoint
کلیدی لفظ: تلاش کیجئے ذرائع کے مطابق جاری ہے
پڑھیں:
جنہیں سزا ملی وہ بھی بیگناہ: شاہ محمود، قربانی آئندہ نسلوں کیلئے: دیگر رہنما
لاہور (نوائے وقت رپورٹ) لاہور کی انسداد دہشت گردی کی عدالت کی جانب سے 9 مئی جلاؤ گھیراؤ اور توڑ پھوڑ کیس میں سزا پانے والے تحریک انصاف کے رہنماؤں کا ردعمل سامنے آگیا۔ یاسمین راشد نے کہا جو خود آزاد نہ ہو ہمیں کیا آزادی دے گا۔ میں وہیں کھڑی ہوں جہاں آج سے دو سال پہلے تھی اور اپنے مقصد، نظریے یا جدوجہد سے پیچھے نہیں ہٹوں گی۔ سینیٹر اعجاز چوہدری نے کہا کہ ہم ملک میں جمہوریت اور آئین کی بحالی کے لیے قربانی دے رہے ہیں اور ہماری قربانی آئندہ آنے والی نسلوں کے لیے ہے۔ عمر سرفراز چیمہ نے کہا کہ ہم نظریاتی کارکن ہیں، آج بھی اپنے نظریے پر قائم ہیں، یہ سزائیں ہمارا کچھ نہیں بگاڑ سکتیں۔ میاں محمود الرشید نے کہا کہ بانی پی ٹی ائی حق و سچ پر کھڑے ہیں، ہم اس لڑائی میں ان کی شانہ بشانہ ہیں، حکومت کو ہوش کے ناخن لینے چاہیے، اس اقدام سے نفرت مزید بڑھے گی۔ دوسری جانب شاہ محمود قریشی نے کہا کہ عدالت میں قرآن مجید پر حلف دینے کو تیار تھا کہ نو مئی واقعات میں میرا کوئی کردار نہیں ہے۔ عدالتی فیصلے میں رہائی کی خبر سن کر خوشی ہوئی۔ جنہیں سزا ملی وہ بھی میری طرح بیگناہ تھے۔
مصنوعی ذہانت اور ملازمتوں کا مستقبل: خطرہ، تبدیلی یا موقع؟