حکومت سندھ دنیا کی سب سے بڑی ہاؤسنگ اسکیم بنا رہی ہے، شرجیل میمن
اشاعت کی تاریخ: 2nd, June 2025 GMT
سندھ کے سینئر وزیر شرجیل انعام میمن نے کہا ہے کہ حکومت سندھ دنیا کی سب سے بڑی ہاؤسنگ اسکیم بنا رہی ہے۔
کراچی میں منعقدہ تقریب سے خطاب کرتے ہوئے انہوں نے کہا کہ حکومت سندھ ہمیشہ خواتین کو خود مختار بناتی ہے، شہید محترمہ بینظیر بھٹو نے پہلا ویمن بینک بنایا۔
ان کا کہنا تھا کہ محترمہ بینظیر بھٹو نے خواتین کو مفت زمینیں دی تھیں، بینظیر انکم سپورٹ بہت بڑا پروگرام ہے۔
سینئر صوبائی وزیر نے کہا کہ پہلے خواتین شناختی کارڈ بھی نہیں بنواتی تھیں، صوبے میں ڈیٹا جمع کر کے خواتین کو پیسے دیے جا رہے ہیں۔
شرجیل میمن نے کہا کہ بلاول بھٹو زرداری نے حالیہ سیلاب کے دوران 21 لاکھ گھر بنانے کا منصوبہ دیا، سندھ حکومت دنیا کی سب سے بڑی ہاؤسنگ اسکیم بنا رہی ہے۔
.ذریعہ: Express News
کلیدی لفظ: نے کہا
پڑھیں:
بھارت کے ساتھ بات چیت کے لیے تیار، دنیا مسئلہ کشمیر کے حل میں مدد کرے، بلاول بھٹو
پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ ہم بھارت کے ساتھ بات چیت کے لیے تیار ہیں، عالمی برادری اس میں اپنا کردار ادا کرے اور مسئلہ کشمیر کے حل میں مدد کرے۔
یہ بھی پڑھیں پاکستانی عوام دہشتگردی کے خلاف، خطے میں امن کے لیے مسئلہ کشمیر کو حل کرنا ہوگا، بلاول بھٹو
نیویارک میں اقوام متحدہ ہیڈکوارٹرز میں چینی میڈیا کو انٹرویو دیتے ہوئے بلاول بھٹو نے کہاکہ بات چیت اور سفارتکاری سے کسی بھی مسئلے کو حل کیا جا سکتا ہے۔
انہوں نے کہاکہ عالمی برادری کے کردار ادا کرنے سے جنوبی ایشیا میں دائمی امن قائم ہو سکتا ہے۔ پاکستان بھارت کے ساتھ بات چیت کے لیے تیار ہے، لیکن دوسری طرف سے انکار کیا جاتا ہے۔
چیئرمین پی پی پی نے کہاکہ ہم مستقل جنگ بندی کے لیے بھی عالمی برادری سے کردار ادا کرنے کی اپیل کرتے ہیں۔
ایک سوال کے جواب میں بلاول بھٹو نے کہاکہ بھارت اپنے عوام سے حقیقت چھپا رہا ہے، کیوں کہ وہ جنگ ہار چکا ہے۔ سوال یہ پیدا ہوتا ہے کہ کون سی حکومت اور کون سا میڈیا پاک بھارت جنگ کے بعد اپنے عوام سے جھوٹ بول رہا ہے۔
بلاول بھٹو نے کہاکہ عالمی برادری کو چاہیے پاکستان اور بھارت کے درمیان پانی کے تنازع کے حل کے لیے اپنا کردار ادا کرے، جبکہ دہشتگردی کے معاملے پر بھی بات چیت کی جائے۔
انہوں نے مزید کہاکہ پاک بھارت جنگ کے دوران ہم نے بھارت کے 6 طیارے تباہ کیے اور انہیں یہ تسلیم کرنے میں ایک مہینے کا وقت لگ گیا۔
واضح رہے کہ چیئرمین پیپلزپارٹی بلاول بھٹو پاکستان کے سفارتی وفد کی سربراہی کررہے ہیں، جو اس وقت نیویارک میں موجود ہے۔
یہ بھی پڑھیں بھارتی جارحیت اور علاقائی امن پر عالمی رائے ہموار کرنے بلاول بھٹو کا وفد نیویارک میں متحرک
پاکستانی وفد نے اقوام متحدہ میں کئی ممالک کے نمائندوں سے ملاقات کرکے پاک بھارت کے جنگ کے دوران کی صورت حال اور اس کے بعد بھارت کی جانب سے کیے جانے والے پروپیگنڈے سے آگاہ کیا اور پاکستان کا مؤقف سامنے رکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلاول بھٹو بھارتی پروپیگنڈا پاکستان کا مؤقف چیئرمین پی پی پی سفارتی وفد عالمی برادری مسئلہ کشمیر نیویارک وی نیوز
دنیا میں 7 نہیں 6 براعظم ہیں، برطانوی ماہر ارضیات کی تحقیق