صارفین کیلئے اچھی خبر،ایلون مسک کا ایکس میں بڑ ی تبدیلی کا اعلان
اشاعت کی تاریخ: 2nd, June 2025 GMT
ایکس (ٹوئٹر) میں بہت جلد ایک اور بڑی تبدیلی کی جا رہی ہے۔ایکس کے ڈائریکٹ میسجز (ڈی ایمز) کو تبدیل کیا جا رہا ہے۔ایکس کے مالک ایلون مسک نے ڈائریکٹ میسجز کی جگہ ایکس چیٹ کو متعارف کرانے کا اعلان کیا ہے۔
ایکس چیٹ میں صارفین کو اینڈ ٹو اینڈ انکرپشن، مخصوص وقت کے بعد خودکار طور پر ڈیلیٹ ہو جانے والے میسجز، فائل شیئرنگ اور وائس/ آڈیو کالنگ جیسے فیچرز دستیاب ہوں گے۔ایک ایکس پوسٹ میں ایلون مسک نے ایکس چیٹ کے فیچرز کے بارے میں بتایا۔
ایلون مسک کی جانب سے ایکس چیٹ کے ذریعے ایکس کو واٹس ایپ، ٹیلیگرام اور سگنل جیسے میسجنگ پلیٹ فارمز کے مقابلے پر کھڑا کیا جا رہا ہے۔انہوں نے بتایا کہ نئے میسجنگ سسٹم کے لیے بٹ کوائن جیسے انکرپٹڈ سسٹم کو استعمال کیا جا رہا ہے مگر انہوں تکنیکی تفصیلات بتانے سے گریز کیا۔
ایکس چیٹ پہلے ہی ایکس کو ماہانہ فیس ادا کرنے والے کچھ صارفین کو بیٹا (beta) موڈ میں دستیاب ہے۔اب ایکس چیٹ کا فیچر اس پلیٹ فارم کے مفت صارفین کو دستیاب ہوگا یا نہیں، یہ کہنا ابھی مشکل ہے۔ایلون مسک کا بنیادی مقصد ایکس کو سپر ایپ بنانا ہے جس میں صارفین کو سب کچھ ایک جگہ ہی دستیاب ہوگا۔
وہ میسجنگ، پیمنٹس، میڈیا اور دیگر متعدد چیزوں کو ایکس کا حصہ بنانا چاہتے ہیں۔
.
ذریعہ
ذریعہ: Daily Ausaf
کلیدی لفظ: ایلون مسک صارفین کو ایکس چیٹ
پڑھیں:
اے جی پی آر کا کلیمز جمع کرانے کی آخری تاریخ کا اعلان
تصویر، فیس بکاکاؤنٹنٹ جنرل آف پاکستان ریونیو (اے جی پی آر) نے مالی سال 26-2025 کی ادائیگیوں کے کلیمز جمع کرانے کی آخری تاریخ کا اعلان کردیا۔
اے جی پی آر کے اعلامیے کے مطابق تمام ڈرائینگ اور ڈسبرسنگ آفیسرز کو حالیہ کلیمز 12 جون تک جمع کرانا ہوں گے۔
اعلامیے کے مطابق 12 جون 2026ء تک جاری کردہ ٹوکنز پر تمام غیرمنظور شدہ بلوں کو دوبارہ جمع کرانے کی تاریخ 15 جون ہوگی۔
اعلامیے کے مطابق اے جی پی آر اسلام آباد اور ذیلی دفاتر کےاسائنمنٹ اکاؤنٹس کےلیے ریلیز جمع کرانے کی آخری تاریخ 19 جون ہوگی۔
اے جی پی آر کے اعلامیے کے مطابق 12 جون 2026ء کے بعد اعزازیہ کا کوئی کلیم قبول نہیں کیا جائے گا۔ موجودہ مالی سال سے متعلق تنخواہ کے چیک رواں مالی سال کے اختتام پر زائد المعیاد ہوجائیں گے۔
اے جی پی آر کے اعلامیے کے مطابق 30 جون 2026ء کے بعد موجودہ مالی سال کےلیے کوئی متبادل چیک جاری نہیں کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ