کیا پیٹرول پمپوں پر کیش ادائیگی کی صورت میں اضافی رقم دینا ہوگی؟
اشاعت کی تاریخ: 2nd, June 2025 GMT
حکومت کی جانب سے ہر سال بجٹ میں ایسے اقدامات کیے جاتے ہیں جس سے ٹیکس وصولی میں اضافہ ہو سکے۔ کوشش کی جاتی ہے کہ یہ معلوم ہو سکے کون کہاں، کتنی رقم کیسے خرچ کر رہا ہے۔ آئندہ مالی سال کے بجٹ کی تیاریاں ابھی سے جاری ہیں اور ایک نئی تجویز سامنے آرہی ہے جس کے مطابق پیٹرول پمپس پر ڈیجیٹل ادائیگیوں کے ذریعے تو مقررہ رقم وصول کی جائے گی مگر کیش ادائیگی کی صورت میں ڈیڑھ سے 3 روپے اضافی رقم ادا کرنا ہوں گے۔ اس وقت یہ طرز ریسٹورنٹ میں لاگو ہے، کھانے کے بل میں کیش میں ادائیگی پر 16 فیصد سیلز ٹیکس جبکہ بینک کارڈ کے ذریعے ڈیجیٹل ادائیگی کرنے پر صرف 5 فیصد جنرل سیلز ٹیکس وصول کیا جاتا ہے۔ اس طرح مجموعی بل پر 11 فیصد بچت حاصل ہو جاتی ہے۔
آئندہ مالی سال کے بجٹ کے لیے ان ڈیجیٹل پے منٹس کو مزید فروغ دینے کے لیے مختلف تجاویز زیر غور ہیں۔
یہ بھی پڑھیں خاتون 7 مہینوں تک مفت پیٹرول بھرتی رہی، اسٹیشن کو 79 لاکھ کا ٹیکہ
سینیئر صحافی خلیق کیانی کی خبر کے مطابق ایک تجویز یہ سامنے آئی ہے کہ پیٹرول پمپ پر کیش کے ذریعے ادائیگی کرنے پر پیٹرول کی مقررہ قیمت سے 2 سے 3 روپے فی لیٹر تک اضافی وصول کیے جانے فیصلہ کیا جا سکتا ہے اور اس تجویز کو بجٹ میں پیش ہونے والے فائنانس بل کا حصہ بنائے جانے کا امکان ہے۔
وی نیوز سے گفتگو کرتے ہوئے صحافی خلیق کیانی نے بتایا کہ یہ تجویز پاکستان بینکرز ایسوسی ایشن کے ایک سیمینار میں وزارت پٹرولیم، بینکرز ایسوسی ایشن اور ایف بی آر کے نمائندوں کی وزیر خزانہ محمد اورنگزیب کے ساتھ ملاقات میں زیر بحث آئی جس پر بینکرز اور وزارت پیٹرولیم نے کہاکہ وہ اس تجویز پر عمل کرنے کے لیے تیار ہیں، اس تجویز کا مقصد یہ ہے کہ معلوم ہو سکے کون کہاں کتنا پیٹرول خرید رہا ہے۔
خلیق کیانی نے کہاکہ اس تجویز کا مقصد کسی بھی قسم کا ریونیو ٹارگٹ نہیں ہے۔ جب یہ تجویز پیش کی گئی تو اس میں بتایا گیا کہ اضافی ادائیگیوں کی صورت میں جو اضافی رقم وصول کی جائے گی اس رقم سے تمام صارفین کے لیے پیٹرول کی قیمت میں ریلیف دیا جائے گا اس طریقہ کار پر بھی کام ابھی جاری ہے۔
انہوں نے بتایا کہ وزارت پیٹرولیم کیش کی صورت میں اضافی جمع کی گئی رقم کو آئندہ ماہ پیٹرول کی قیمت میں کمی کے لیے استعمال کر سکے گی، اس وقت تک کوئی فیصلہ نہیں کیا گیا صرف یہ تجویز ہے جسے بجٹ میں پیش کیا جا سکتا ہے۔
یہ بھی پڑھیں تیل کمپنیوں اور ڈیلرز کے مارجن میں اضافہ ، پیٹرولیم مصنوعات مزید مہنگی ہونے کا امکان
انہوں نے کہاکہ تجویز پر اتفاق رائے کی صورت میں اس کا نفاذ پورے ملک پر ہوگا، ہو سکتا ہے کہ ڈیڑھ سے 3 روپے کے درمیان اضافی رقم وصول کرنے کا فیصلہ بجٹ میں ہو جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیٹرول پمپ خلیق کیانی کیش ادائیگی وزارت خزانہ وفاقی بجٹ وی نیوز.ذریعہ: WE News
کلیدی لفظ: پیٹرول پمپ خلیق کیانی کیش ادائیگی وفاقی بجٹ وی نیوز کی صورت میں خلیق کیانی اضافی رقم اس تجویز وصول کی کے لیے
پڑھیں:
بہار کے وزیراعلٰی کو اپنے 20 سالہ دور اقتدار کا حساب دینا چاہیئے، اشوک گہلوت
راجستھان کے سابق وزیراعلٰی نے کہا کہ نریندر مودی نے 2015ء سے بہار کیلئے 50,000 کروڑ روپے سے لیکر 1.25 لاکھ کروڑ روپے تک کے پیکجوں کا اعلان کیا ہے۔ اسلام ٹائمز۔ کانگریس نے بہار اسمبلی انتخابات کے لئے این ڈی اے کے منشور کو "جھوٹ کا پلندہ قرار دیتے ہوئے پارٹی کے سینیئر لیڈر اور راجستھان کے سابق وزیراعلٰی اشوک گہلوت نے ہفتہ کو بہار کے وزیراعلٰی نتیش کمار کے 20 سالہ دور حکومت کا حساب مانگا۔ اشوک گہلوت نے پٹنہ میں ایک پریس کانفرنس میں کہا کہ این ڈی اے کا منشور جاری کرنا خود ایک واقعہ بن گیا ہے۔ انہوں نے کہا کہ تاریخ میں یہ پہلا موقع ہے کہ کسی پارٹی کی جانب سے صرف 26 سیکنڈ کے اندر منشور جاری کیا گیا۔ اشوک گہلوت نے کہا کہ این ڈی اے کے لیڈر میڈیا سے ڈرتے ہیں۔ انہوں نے کہا کہ ملک اور سماج کو یہ سمجھنا چاہیئے کہ بی جے پی اور این ڈی اے "جمہوریت کا نقاب" پہن کر مذہب کے نام پر حکومتیں بنا رہے ہیں۔
اشوک گہلوت نے کہا کہ وزیراعظم نریندر مودی نے 2015ء سے بہار کے لئے 50,000 کروڑ روپے سے لے کر 1.25 لاکھ کروڑ روپے تک کے پیکجوں کا اعلان کیا ہے۔ انہوں نے کہا کہ وزیراعظم نے موتیہاری میں شوگر مل کا وعدہ کیا تھا۔ تاہم پچھلے 20 سالوں میں ایسے تمام وعدے پورے نہیں کئے گئے۔ راجستھان کے سابق وزیراعلیٰ نے کہا کہ نتیش کمار نے اب تک جتنے بھی وعدے کئے ہیں ان میں سے ایک بھی پورا نہیں کیا ہے۔ انڈیا بلاک کے منشور کا حوالہ دیتے ہوئے اشوک گہلوت نے کہا کہ ہمارا منشور الیکشن جیتنے کے بعد کابینہ کے سامنے پیش کیا جائے گا، جہاں بھی کانگریس حکومت برسر اقتدار رہی ہے، اس نے اپنے منشور میں کئے گئے وعدوں کو پورا کیا ہے، بہار میں بھی ایسا ہی کیا جائے گا۔ پریس کانفرنس سے خطاب کرتے ہوئے سینیئر کانگریس لیڈر اور ممبر پارلیمنٹ اکھلیش پرساد سنگھ نے این ڈی اے کے منشور کو "فوٹو شوٹ" قرار دیا۔
پرساد سنگھ نے کہا کہ بھارتیہ جنتا پارٹی اپنے ہی وزیراعلٰی کو آگے بڑھانے اور نتیش کمار کو سائیڈ لائن کرنے کی کوشش کر رہی ہے۔ انہوں نے کہا کہ بہار میں کانگریس کی حکومت کے دوران ملک میں کل چینی کی پیداوار کا 27 فیصد ریاست میں ہوتا تھا۔ انہوں نے کہاکہ آج یہ دو فیصد سے نیچے گر گیا ہے، اسی طرح عوامی شعبے کی سرمایہ کاری میں بہار ملک کی ریاستوں میں 28ویں نمبر پر آ گیا ہے۔ پرساد سنگھ نے مزید الزام لگایا کہ وزیر اعظم بہار کی زمین اپنے دوستوں میں بانٹ رہے ہیں۔ انہوں نے الزام لگایا کہ ریاست میں زمین کی کمی ہے اس کے باوجود وزیر اعظم کے دوستوں کو ایک روپے میں 1000 ایکڑ زمین دی جارہی ہے۔ پرساد سنگھ نے کہا کہ نتیش کے دور حکومت میں ریاست میں امن و امان کی صورتحال خراب ہوئی ہے۔
سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان