ایرانی و جرمن وزرائے خارجہ کی ٹیلیفونک گفتگو
اشاعت کی تاریخ: 2nd, June 2025 GMT
جرمنی کے نئے وزیر خارجہ کیساتھ ٹیلیفونک گفتگو میں ایرانی وزیر خارجہ نے دوطرفہ تعلقات میں بہتری کی امید کا اظہار کرتے ہوئے تین یورپی ممالک و یورپی یونین کیساتھ مذاکرات جاری رکھنے پر ایران کی آمادگی کا اعلان کیا ہے اسلام ٹائمز۔ ایرانی و جرمن وزرائے خارجہ نے آج ٹیلیفون پر گفتگو کی ہے جس میں باہمی دلچسپی کے امور کے ساتھ ساتھ ایران و یورپ کے درمیان گفتگو پر بھی بات چیت ہوئی۔ ایرانی خبررساں ایجنسی فارس نیوز کے مطابق اس دوران کہ جو سید عباس عراقچی و جوہان ویڈفول (Johann Wadephul) کے درمیان پہلی گفتگو تھی، دوطرفہ تعلقات و باہمی دلچسپی کے امور پر تبادلہ خیال کیا گیا۔
رپورٹ کے مطابق قاہرہ میں موجود ایرانی وزیر خارجہ نے ایران و جرمنی کے باہمی تعلقات میں بہتری کی امید کا اظہار کرتے ہوئے اس سلسلے میں طے پانے والے معاہدوں کی جانب بھی اشارہ اور اس حوالے سے موثر اقدامات اٹھانے کو ایران کی مکمل تیاری کا اعلان کیا۔ مزید برآں پابندیوں کے خاتمے اور جوہری مسئلے پر ایران و امریکہ کے بالواسطہ مذاکرات کا حوالہ دیتے ہوئے سید عباس عراقچی نے جوہری مسئلے میں یورپ کے تعمیری کردار کی اہمیت پر زور بھی دیا اور یورپی ممالک و یورپی یونین کے ساتھ گفتگو کو جاری رکھنے پر ایران کی آمادگی کا اظہار کیا۔
ادھر جرمن وزیر خارجہ نے بھی اس رابطے پر خوشی اظہار کیا اور ایران کے ساتھ دو طرفہ و کثیرالجہتی مذاکرات جاری رکھنے و اعتماد سازی پر مبنی مزید اقدامات کے لئے جرمنی کی تیاری پر زور دیا۔ اس دوران اس بات پر بھی اتفاق کیا گیا کہ دونوں ممالک کی وزارت ہائے خارجہ کے درمیان سیاسی مذاکرات کی منصوبہ بندی بھی کی جائے گی جس پر مکمل عملدرآمد کا مقصد موجود مسائل کا حل ہو گا۔
ذریعہ
ذریعہ: Islam Times
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار