ڈبل ڈیکر بسیں کب سے چلیں گی؟ بڑی خبر آ گئی
اشاعت کی تاریخ: 2nd, June 2025 GMT
کراچی میں عوام کو درپیش مسائل میں سے ایک عوامی ٹرانسپورٹ کی کمی ہے یہ کمی دور کرنے کیلیے جلد ڈبل ڈیکر بسیں بھی آ رہی ہیں۔
پاکستان کا سب سے بڑا اور تیزی سے ترقی کرتا شہر کراچی جس کا ماضی میں مقابلہ دنیا کے دیگر ترقی یافتہ شہروں سے کیا جاتا تھا۔ پاکستان کے پہلے دارالخلافہ میں کبھی سرکلر ریلوے، ٹرام سروس اور ڈبل ڈیکر بسیں بھی چلتی تھیں۔تاہم وقت کی گرد اور نا قدری کے باعث آہستہ آہستہ ملک کے سب سے بڑے شہر کے عوام سے یہ ٹرانسپورٹ سہولتیں چھین لی گئیں۔ تاہم خوشخبری ہے کہ ڈبل ڈیکر بسیں ایک بار پھر کراچی کی سڑکوں پر دوڑتی نظر آئیں گی۔
سندھ حکومت کے وزیر اطلاعات اور ٹرانسپورٹ شرجیل انعام میمن نے آج پریس کانفرنس کرتے ہوئے کراچی کے عوام کو خوشخبری دی ہے کہ اگلے ماہ کراچی کے لیے ڈبل ڈیکر بسیں آ رہی ہیں۔شرجیل میمن نے کہا کہ سندھ حکومت نے کراچی کے عوام کی سہولت کیلیے بس سروس شروع کی گئی اور ٹرانسپورٹ میں پہلا پراجیکٹ پنک بس کا شروع کیا۔ اب ہم پنک ٹیکسی سروس بھی شروع کرنےجا رہے ہیں۔
.ذریعہ: Daily Ausaf
کلیدی لفظ: ڈبل ڈیکر بسیں
پڑھیں:
آئندہ بجٹ میں تنخواہ دار طبقے کو ریلیف دینے کیلئے کام شروع کر دیا: چیئرمین ایف بی آر
چیئرمین فیڈرل بورڈ آف ریونیو (ایف بی آر) راشد محمود لنگڑیال نے کہا ہے کہ وزیراعظم شہبازشریف نے تنخواہ دار طبقے پر ٹیکس کا ریٹ کم کرنے کی ہدایت جاری کر دی ہے، آئندہ مالی سال کے بجٹ میں تنخواہ دار افراد کی ٹیکس رعایت کیلئے باقاعدہ کام کا آغاز کر دیا گیا ہے۔اسلام آباد میں پاکستان بزنس کونسل کے سیمینار سے خطاب کرتے ہوئے چیئرمین ایف بی آر راشد محمود لنگڑیال کا کہنا تھا کہ وزیراعظم نے بڑی کمپنیوں پر عائد سپر ٹیکس میں کمی کی بھی ہدایت دی ہے، جس پر عمل درآمد کے لئے حکومتی سطح پر مشاورت شروع ہو چکی ہے۔انہوں نے کہا کہ وفاقی حکومت آئندہ مرحلوں میں بڑی کمپنیوں اور کاروبار پر سپر ٹیکس مرحلہ وار کم کرنے اور آخرکار ختم کرنے پر آمادہ ہے۔ان کا کہنا تھا کہ سپر ٹیکس میں ممکنہ کمی اور خاتمے کے حوالے سے آئی ایم ایف سے بات چیت بھی کی جائے گی، سپر ٹیکس ختم کرنے کا مقصد ملک میں سرمایہ کاری کو فروغ دینا ہے۔چیئرمین ایف بی آر نے وضاحت کی کہ ٹیکس ریٹ میں کمی کا براہِ راست انحصار ٹیکس کمپلائنس اور ٹیکس دہندگان کی تعداد میں اضافے پر ہوگا، ملک میں ٹیکس دینے والوں کی تعداد جتنی بڑھے گی، ٹیکس ریٹ اتنا ہی کم کیا جا سکے گا۔ذرائع کے مطابق آئندہ مالی سال کے بجٹ میں سپر ٹیکس میں کمی کا پہلا مرحلہ شروع ہونے کا امکان ہے۔
انتخابات میں ن لیگ کی کامیابی عوام کا اعتماد، وزیراعظم کی کارکردگی کو عالمی سطح پر تسلیم کیا جا رہا ہے: عطا تارڑ