پنجاب پبلک ٹرانسپورٹ انقلابی فیز میں داخل، جدید بس شیلٹرز کی تعمیر کا فیصلہ
اشاعت کی تاریخ: 29th, November 2025 GMT
پنجاب حکومت نے صوبے کے شہریوں کو باعزت، آرام دہ اور پرسکون سفری سہولت فراہم کرنے کے لیے 19 اضلاع میں 1362 جدید، پائیدار اور خوبصورت بس شیلٹرز تعمیر کرنے کا فیصلہ کیا ہے۔
وزیراعلیٰ پنجاب مریم نواز شریف کی زیر صدارت اجلاس میں منصوبے کی منظوری دی گئی، شیلٹرز کا ڈیزائن منتخب کیا گیا اور تکمیل کی واضح ڈیڈ لائن بھی مقرر کی گئی۔
مزید پڑھیں: وزیراعلیٰ پنجاب مریم نواز شریف سے آسٹریلوی ہائی کمشنر نیل ہاکنز کی الوداعی ملاقات، باہمی تعاون کے فروغ پر اتفاق
وزیراعلیٰ نے ہدایت کی کہ تمام بس شیلٹرز 45 سے 60 دنوں میں ہر صورت مکمل کیے جائیں۔ صوبے میں 588 بس شیلٹرز پر تعمیراتی کام تیزی سے جاری ہے، جبکہ 774 شیلٹرز کے ٹینڈرز بھی جاری کر دیے گئے ہیں۔
مریم نواز شریف نے کہا کہ بزرگ شہری، مائیں اور عام مسافر دھوپ، بارش یا سخت سردی میں کھلے آسمان تلے انتظار کرنے کی تکلیف برداشت نہ کریں، اسی مقصد کے تحت یہ منصوبہ شروع کیا گیا ہے۔
مزید پڑھیں: وزیراعلیٰ پنجاب مریم نواز شریف نے ارکان اسمبلی سے ملاقات میں کیا ہدایات دیں؟
انہوں نے اسے عوامی سہولت کے لیے ایک بڑا قدم قرار دیتے ہوئے کہا کہ پہلی بار پنجاب کے اضلاع پبلک ٹرانسپورٹ کے ایک انقلابی فیز میں داخل ہو رہے ہیں۔
وزیراعلیٰ نے مزید کہا کہ جدید بس شیلٹرز نہ صرف آرام دہ سہولت فراہم کریں گے بلکہ شہروں کی خوبصورتی اور مجموعی شہری منظرنامے میں بھی نمایاں اضافہ کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پبلک ٹرانسپورٹ پنجاب حکومت جدید بس شیلٹرز وزیراعلیٰ پنجاب مریم نواز شریف.ذریعہ: WE News
کلیدی لفظ: پنجاب پبلک ٹرانسپورٹ پنجاب حکومت جدید بس شیلٹرز وزیراعلی پنجاب مریم نواز شریف پنجاب مریم نواز شریف بس شیلٹرز
پڑھیں:
پنجاب میں ٹریفک اصلاحات کا اعلان، لاہور میں چنگ چی رکشوں پر پابندی
پنجاب میں 60 سال پرانے ٹریفک قوانین میں 20 بڑی اصلاحات متعارف کر دی گئیں، جن کے بعد صوبے میں ٹریفک مینجمنٹ کا نیا دور شروع ہونے جا رہا ہے۔
وزیر اعلیٰ مریم نواز شریف کی زیرِ صدارت اجلاس میں ٹریفک کے جدید نظام، روڈ سیفٹی اور شہریوں کے تحفظ کے لیے اہم فیصلے کیے گئے۔ اصلاحات کے مطابق، بار بار چالان ہونے پر گاڑی نیلام کی جا سکے گی اور قانون توڑنے والی سرکاری گاڑیوں پر بھی بھاری جرمانے ہوں گے۔
مزید پڑھیں: بابا گرو نانک کا پیغام محبت، ہمدردی اور بھائی چارے پر مبنی ہے، وزیراعلیٰ پنجاب مریم نواز شریف
صوبے میں ون وے کی خلاف ورزی ختم کرنے کے لیے 30 دن کی مہلت دی گئی ہے جبکہ یوٹرن کی ری ماڈلنگ کے ذریعے ٹریفک کو محفوظ بنانے کا فیصلہ کیا گیا۔
دیت کی فوری ادائیگی پر اتفاق ہوا ہے، اور یہ بھی طے پایا کہ جہاں پارکنگ نہیں ہوگی وہاں میرج ہال کی اجازت نہیں دی جائے گی۔
کم عمر ڈرائیونگ کے خلاف فیصلہ کن کریک ڈاؤن ہوگا، اور انڈر ایج ڈرائیونگ کی صورت میں گاڑی مالک کو 6 ماہ تک قید ہو سکتی ہے۔ صوبے بھر میں بس کی چھت پر سفر پر مکمل پابندی عائد کر دی گئی ہے جبکہ لاہور کی ماڈل سڑکوں پر چنگ چی رکشوں پر پابندی ہوگی۔
مزید پڑھیں: نواز شریف کا پیپلز پارٹی سے تنازع پر وزیراعلیٰ پنجاب مریم نواز کی حمایت کا اعلان
وزیر اعلیٰ مریم نواز شریف نے لاہور میں ٹریفک بہتری کے لیے 30 روز کی ڈیڈ لائن دیتے ہوئے کہا کہ قانون سب کے لیے برابر ہے اور خلاف ورزی پر ہر شخص کو جرمانہ دینا پڑے گا۔
انہوں نے خبردار کیا کہ ٹریفک پولیس کو آخری موقع دیا جا رہا ہے، ناکامی کی صورت میں نیا ڈیپارٹمنٹ بنانا پڑے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹریفک اصلاحات چنگ چی رکشوں پر پابندی لاہور وزیرِ اعلیٰ مریم نواز شریف
مانچسٹر: پاکستانی کمیونٹی کے لیے خوشخبری، نادرا اور پی آئی اے میں سہولیات میں اضافہ