یمنی فوج کی جانب سے ایک بار پھر بن گوریون ہوائی اڈے پر حملہ
اشاعت کی تاریخ: 3rd, June 2025 GMT
یمنی مسلح افواج کے ترجمان نے کہا کہ یمن غزہ پر حملوں کے بند ہونے اور محاصرے کے خاتمے تک فلسطینی عوام کے ساتھ کھڑا رہے گا اور اگر پوری دنیا بھی ان کا ساتھ چھوڑ دے، تو وہ اپنی حمایت جاری رکھیں گے۔ اسلام ٹائمز۔ یمن کی مسلح افواج نے غزہ کے مظلوم عوام کی حمایت میں اپنی کارروائیوں کے تحت تل ابیب کے بین الاقوامی ہوائی اڈے بن گوریون کو ایک بالسٹک میزائل سے نشانہ بنایا۔ فارس نیوز کے مطابق، یمن کی مسلح افواج کے ترجمان بریگیڈیئر یحییٰ سریع نے کہا کہ یمن فلسطینی عوام اور ان کے مجاہدین کی مدد کے لیے، نسل کشی کے جرائم، غزہ کی جان بوجھ کر قحط سالی، اور مسجد الاقصیٰ کی بے حرمتی کے جواب میں صہیونیوں کے زیر قبضہ تل ابیب کے ہوائی اڈے بن گوریون کو ذوالفقار نامی بالسٹک میزائل سے نشانہ بنایا۔ بریگیڈیئر یحییٰ سریع نے کہا کہ یہ کارروائی خدا کے فضل سے کامیاب رہی اور اس کے نتیجے میں 40 لاکھ صہیونی پناہ گاہوں میں چھپ گئے اور ہوائی اڈے پر پروازیں معطل ہو گئیں۔
انہوں نے کہا کہ یمنی مسلح افواج غزہ کی جنگ کی صورتحال پر نظر رکھے ہوئے ہیں اور آزاد اور مزاحمتی غزہ کے عوام کی جانفشانیوں کی قدر کرتے ہیں، اور قسام بریگیڈ، سرایا القدس اور فلسطینی مزاحمتی گروپوں کے تمام بہادر مجاہدین کو سلام پیش کرتے ہیں جو اس وقت فلسطینی عوام کا دفاع کر رہے ہیں جب دنیا نے انہیں تنہا چھوڑ دیا ہے۔ یمنی مسلح افواج کے ترجمان نے آخر میں کہا کہ یمن غزہ پر حملوں کے بند ہونے اور محاصرے کے خاتمے تک فلسطینی عوام کے ساتھ کھڑا رہے گا اور اگر پوری دنیا بھی ان کا ساتھ چھوڑ دے، تو وہ اپنی حمایت جاری رکھیں گے۔
ذریعہ
ذریعہ: Islam Times
کلیدی لفظ: فلسطینی عوام مسلح افواج کہا کہ یمن ہوائی اڈے نے کہا کہ
پڑھیں:
پیٹرول کی قیمتیں روزانہ بدلنے کا نظام، عوام خوش یا پریشان؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار