ٹک ٹاکر ثنا یوسف قتل کیس:مقتولہ کی پھوپھی نے اندر کی بات بتادی
اشاعت کی تاریخ: 3rd, June 2025 GMT
ویب ڈیسک: اسلام آباد میں نوعمر ٹک ٹاکر ثنا یوسف کے لرزہ خیز قتل کی مزید تفصیلات سامنے آ گئی ہیں جس کے مطابق ملزم عمر حیات عرف کاکا، جو خود بھی ٹک ٹاکر ہے، اُس نے گھریلو تنازع پر گھر میں گھس کر فائرنگ کرکے قتل کر دیا۔
ذرائع کے مطابق واقعہ اس وقت پیش آیا جب ثنا یوسف کے گھر والے گھر پر موجود نہیں تھے۔ والدہ بازار، والد اور بھائی غیر حاضر تھے، صرف مقتولہ کی پھوپھو گھر میں موجود تھیں۔ رپورٹ کے مطابق دونوں کے درمیان کسی بات پر تلخ کلامی ہوئی جس پر ثنا نے غصہ نہ کرنے کو کہا اور پانی لانے کی بات کی۔
نوجوان پر تشدد، وکلا اور عوام نے ملزم سلمان فاروقی کی عدالت میں پیشی پر دھلائی کر دی
ثنا نے ملزم کو سی سی ٹی وی کیمروں کی موجودگی کا بھی بتایا اور کہا کہ اگر کچھ ہوا تو تم ذمہ دار ہو گے۔ اس پر ملزم نے غصے میں آکر دو گولیاں چلائیں جو ثنا کو لگیں وہ موقع پر ہی دم توڑ گئی۔
پولیس کے مطابق ملزم عمر کاکا واردات کے بعد فرار ہوکر فیصل آباد چلا گیا جہاں سے اسے جدید ٹیکنالوجی اور سی سی ٹی وی فوٹیج کی مدد سے گرفتار کر لیا گیا۔ ملزم نے گرفتاری کے بعد قتل کا اعتراف بھی کر لیا ہے۔
ماہرہ خان نے ہمایوں سعید کو بچہ قرار دے دیا
مزید انکشافات کے مطابق ملزم نے قتل کے بعد اپنا ٹک ٹاک یوزر آئی ڈی بھی تبدیل کر لیا تھا تاکہ خود کو شناخت سے بچا سکے۔پولیس کا کہنا ہے کہ ملزم کو اب اسلام آباد منتقل کیا جا رہا ہے اور اس کے خلاف مزید قانونی کارروائی جاری ہے۔
ذریعہ
ذریعہ: City 42
کلیدی لفظ: کے مطابق
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ