190 ملین پاؤنڈ بھونڈا کیس، عمران خان ناحق جیل میں قید ہیں: پی ٹی آئی
اشاعت کی تاریخ: 3rd, June 2025 GMT
پاکستان تحریک انصاف (پی ٹی آئی) نے کہا ہے کہ اس وقت ملک میں انصاف اور قانون نام کی کوئی چیز موجود نہیں، عمران خان 2 سال سے جیل میں ناحق قید ہیں، اور انہیں وہ سہولیات بھی میسر نہیں جو عام قیدی کو ہوتی ہیں۔
اپوزیشن لیڈر عمر ایوب، سیکریٹری اطلاعات پی ٹی آئی شیخ وقاص اکرم اور شبلی فراز نے کے پی ہاؤس اسلام آباد میں پریس کانفرنس کرتے ہوئے اہم سوالات اٹھا دیے۔
یہ بھی پڑھیں احتجاجی تحریک سے قبل عمران خان کو پی ٹی آئی میں نیا عہدہ مل گیا
اپوزیشن لیڈر عمر ایوب نے کہاکہ ہمارے جن لوگوں کو ڈیجیٹل دہشتگرد کہا جاتا تھا وہ بھارت کے خلاف جنگ میں فرنٹ لائن پر تھے، افواج پاکستان نے بھارت کے خلاف جو فتح حاصل کی اس پر مبارکباد پیش کرتے ہیں۔
انہوں نے کہاکہ پاکستان نے اللہ کے بھروسے، ایئرفورس اور آرٹلری فورس کی وجہ سے کامیابی حاصل کی، بھارت کو 7 مئی کو ہی جواب ملنا چاہیے تھا، لیکن وزیراعظم کی نااہلی کی وجہ سے معاملہ 10 مئی تک گیا۔
انہوں نے کہاکہ ہمارے چترال سے ایم این اے عبداللطیف کے ساتھ ظلم کیا جارہا ہے، جس کی مذمت کرتے ہیں۔ اس سے قبل پارلیمنٹ میں گھس کر ارکان اسمبلی کو گرفتار کیا گیا لیکن اسپیکر ایاز صادق خاموش رہے۔ آج عبداللطیف کو سزا ملنے پر بھی وہ خاموش ہیں۔
اس موقع پر شیخ وقاص اکرم نے کہاکہ پارلیمنٹ ہاؤس میں داخل ہو کر پارلمینٹرینز کو گرفتار کرنے پر قانون خاموش کیوں ہے۔ اگر اسپیکر کچھ نہیں کر سکتے تو استعفیٰ دے دیں۔
انہوں نے کہاکہ ہمارے سوشل میڈیا کے لوگوں پر ظلم کیا جا رہا ہے، اور مقدمے قائم کیے جارہے ہیں۔
شیخ وقاص اکرم نے کہاکہ شاہ محمود قریشی وہیل چیئر پر عدالت پہنچتے ہیں تو کہا جاتا ہے کہ ہم نے تو بلایا ہی نہیں۔
پریس کانفرنس میں سینیٹر شبلی فراز نے کہاکہ عمران خان کو جیل میں فیملی سے ملاقات کی اجازت نہیں دی جاتی، حکومت اپنی مرضی سے جج تعینات کررہی ہے۔
انہوں نے کہاکہ یہ سب اپنے مخالفین کو انصاف سے محروم رکھنے کے لیے کیا جارہا ہے۔ القادر ٹرسٹ بھونڈا کیس ہے جس میں عمران خان کو سزا سنائی گئی۔
انہوں نے کہاکہ اس کیس سے یہ ظاہر کیا جا رہا ہے جیسے 190 ملین پاؤنڈ عمران خان اور ان کے خاندان کے اکاؤنٹ میں منتقل ہوگئے، جبکہ حقیقت میں ایسا نہیں۔
انہوں نے کہاکہ چیف الیکشن کمشنر ریٹائر ہونے باوجود سیٹ پر براجمان ہیں اور فریق بنے ہوئے ہیں، خبیر پختونخوا میں سینیٹ کے الیکشن نہیں ہوئے پورے ملک میں ہوگئے۔
یہ بھی پڑھیں عمران خان کی رہائی کب تک ممکن ہے؟ ٹرمپ کے سابق مشیر نے بڑا دعویٰ کردیا
انہوں نے کہاکہ حکومت بجٹ پیش کرنے جارہی ہے لیکن اس میں عوام کے لیے کچھ نہیں ہوگا۔ ہماری پارٹی کا مؤقف ہے کہ ملک میں آئین و قانون کی پاسداری ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھونڈا کیس پاکستان تحریک انصاف پی ٹی آئی شبلی فراز شیخ وقاص اکرم عمر ایوب عمران خان وی نیوز.
ذریعہ
ذریعہ: WE News
کلیدی لفظ: بھونڈا کیس پاکستان تحریک انصاف پی ٹی ا ئی شبلی فراز شیخ وقاص اکرم عمر ایوب وی نیوز انہوں نے کہاکہ شیخ وقاص اکرم پی ٹی ا ئی
پڑھیں:
ایس سی او اجلاس: اسحاق ڈار کا علاقائی امن اور تعاون کے فروغ کے عزم کا اعادہ
نائب وزیراعظم و وزیر خارجہ سینیٹر محمد اسحاق ڈار نے کرغز جمہوریہ کے خوبصورت شہر چولپون آتا میں شنگھائی تعاون تنظیم (ایس سی او) کی کونسل برائے وزرائے خارجہ کے اجلاس میں شرکت کرتے ہوئے علاقائی امن، استحکام، رابطہ کاری اور مشترکہ ترقی کے لیے پاکستان کے غیر متزلزل عزم کا اعادہ کیا۔
دفتر خارجہ کے مطابق سینیٹر اسحاق ڈار نے اجلاس کی میزبانی پر کرغز قیادت اور وزیر خارجہ ژین بیک کولوبایف کا شکریہ ادا کرتے ہوئے شاندار انتظامات کو سراہا۔
https://x.com/ForeignOfficePk/status/2080577745026007042
اپنے خطاب میں نائب وزیراعظم نے شنگھائی تعاون تنظیم کے قیام کی 25ویں سالگرہ پر رکن ممالک کو مبارکباد پیش کی اور کہا کہ ایس سی او گزشتہ پچیس برس کے دوران خطے میں امن، سلامتی، خوشحالی اور پائیدار ترقی کے فروغ کے لیے اہم کردار ادا کر رہی ہے۔ انہوں نے کہا کہ پاکستان ’شنگھائی اسپرٹ‘ کے اصولوں پر مکمل یقین رکھتا ہے اور رکن ممالک کے درمیان تعاون، روابط اور مشترکہ ترقی کے فروغ کے لیے اپنی بھرپور حمایت جاری رکھے گا۔
اسحاق ڈار نے علاقائی امن کے لیے پاکستان کی سفارتی کوششوں کا بھی ذکر کیا، جن میں اسلام آباد مذاکرات اور اس کے نتیجے میں طے پانے والا اسلام آباد مفاہمتی یادداشت شامل ہیں۔ انہوں نے کہا کہ یہ اقدامات پاکستان کے مذاکرات اور سفارت کاری کے ذریعے تنازعات کے حل پر یقین کی عکاسی کرتے ہیں۔
یہ بھی پڑھیںمسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے اجلاس میں شریک وزرائے خارجہ کا شکریہ ادا کیا، جنہوں نے خطے اور اس سے باہر امن و استحکام کے فروغ کے لیے پاکستان کی مخلصانہ کوششوں کو سراہا۔
وزیر خارجہ نے اس موقع پر اعلان کیا کہ پاکستان ستمبر 2026 میں شنگھائی تعاون تنظیم کی کونسل آف ہیڈز آف اسٹیٹ کی سربراہی سنبھالنے کے لیے تیار ہے۔ انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہی اجلاس میں شرکت کی دعوت بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع