حکومت کا کراچی میں سندھ کا پہلا اسپیشل ٹیکنالوجی زون قائم کرنے کا اعلان
اشاعت کی تاریخ: 3rd, June 2025 GMT
کراچی:
وزیر اعلیٰ سندھ کے معاون خصوصی برائے سرمایہ کاری اور پبلک پرائیویٹ پارٹنر شپ قاسم نوید قمر نے کہا ہے کہ سلیکون ویلی کے طرز پر سندھ کا پہلا اسپیشل ٹیکنالوجی زون 500 ایکڑ اراضی پر گڈاپ میں کراچی ایجوکیشن سٹی میں تعمیر کرنے کی منظوری حاصل کرلی گئی ہے اور اس سلسلے میں پاکستان اسپیشل ٹیکنالوجی زون اتھارٹی نے نوٹیفیکیشن بھی جاری کردیا ہے۔
معاون خصوصی قاسم نوید قمر نے کہا کہ یہ اسپیشل ٹیکنالوجی زون اکیڈیمیا اور انڈسٹری کے الحاق کا بہترین سنگم ثابت ہوگا۔
انہوں نے کہا کہ اس اسپیشل ٹیکنالوجی زون کی اہمیت کا اندازہ اس بات سے لگایا جاسکتا ہے کہ 8 سے زائد بڑے ملکی و غیر ملکی سرمایہ کار اداروں نے اس زون میں کام کرنے کے لیے گہری دلچسپی ظاہر کردی ہے۔
سید قاسم نوید قمر نے کہا کہ یہ اسپیشل ٹیکنالوجی زون سلیکون ویلی کے طرز پر تعمیر کیا جائے گا اور یہ زون اسمارٹ مینوفیکچرنگ کا ایک ایسا مرکز ہوگا جس میں آٹو میشن، ایڈوانس مینو فیکچرنگ، کلاؤڈ اینڈ ایج کمپیوٹنگ، سائبرسیکیورٹی، ہیلتھ ٹیکنالوجی ، ایگری ٹیکنالوجی، بلاک چین، فائیو جی ہائپراسپیڈ، کلین انرجی اور دیگر جدید ترین ٹیکنالوجی کے ادارے قائم ہوں گے۔
انہوں نے کہا کہ اس اسپشل ٹیکنالوجی زون سے صوبے میں جدید ترین ٹیکنالوجی اور تعلیم کو فروغ ملے گا اور نوجوانوں کے لیے تعلیم اور روزگار کے حصول کے وسیع مواقع پیدا ہوں گے۔
قاسم نوید قمر نے کہا کہ اسپیشل ٹیکنالوجی زون کے قیام کے لیے روڈ میپ پر مبنی ماسٹر پلان پر ترقیاتی کام تیزی سے جاری ہے اور یہ زون جلد ہی فعال ہوکر صوبے میں تعلیم، جدید ترین ٹیکنالوجی اور روزگار حاصل کرنے کے مواقع کا سبب بنے گا۔
.
ذریعہ
ذریعہ: Express News
کلیدی لفظ: اسپیشل ٹیکنالوجی زون قاسم نوید قمر نے کہا نے کہا کہ
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ