مظفر گڑھ میں جرمن شہری چائلڈ پورنوگرافی کا ریکٹ چلا رہا تھا، طلال چوہدری
اشاعت کی تاریخ: 3rd, June 2025 GMT
وزیر مملکت برائے داخلہ سینیٹر طلال چوہدری نے کہا ہے کہ مظفر گڑھ میں جرمن شہری کی سربراہی میں چائلڈ پورنوگرافی کا ریکٹ چلایا جارہا تھا۔
اسلام آباد میں میڈیا سے گفتگو میں طلال چوہدری نے کہا کہ 23 مئی کو 5 گھنٹے طویل آپریشن کے دوران گینگ میں شامل 2 افراد کو گرفتار اور 10 بچوں کو گینگ کے چنگل سے نکالا گیا ہے۔
انہوں نے کہا کہ یہ گروہ بچوں کے جنسی استحصال کی وڈیوز ڈارک ویب پر ڈال رہا تھا، گینگ کے سرغنہ جرمن شہری تک پہنچنے کے لیے بھی کوششیں کی جارہی ہے۔
وزیر مملکت برائے داخلہ نے ایف آئی اے کرائم سرکل کے بجٹ میں اضافے کی ضرورت پر زور دیا اور کہا کہ ایف آئی آے سائبر کرائم سرکل کا ہر ضلع میں دفتر بنانا ضروری ہوگیا ہے۔
اُن کا کہنا تھا کہ عام تھانوں سے کئی گنا زیادہ درخواستیں سائبر کرائم سرکل میں آرہی ہیں۔
.ذریعہ: Jang News
پڑھیں:
سابق جرمن وزیر خارجہ، اقوام متحدہ کی جنرل اسمبلی کی صدارت کے لیے منتخب
اقوام متحدہ کی جنرل اسمبلی کی صدارت کے لیے سابق جرمن وزیر خارجہ اینالینا بیربوک کو منتخب کرلیا گیا ہے۔ وہ ستمبر 2025 میں کیمرون سے تعلق رکھنے والے موجودہ صدر فیلیمن یانگ کی جگہ یہ منصب سنبھالیں گی۔ جنرل اسمبلی سے خطاب کرتے ہوئے بیربوک نے کہا کہ وہ تمام 193 رکن ممالک کے ساتھ دیانتداری اور اعتماد پر مبنی مکالمے کے ذریعے کام کریں گی۔
خفیہ رائے شماری کے ذریعے ہونے والے انتخاب میں بیربوک نے 188 میں سے 167 ووٹ حاصل کیے، جبکہ 14 ممالک نے ووٹنگ میں حصہ نہیں لیا۔ انہوں نے اعتراف کیا کہ اقوام متحدہ اس وقت سیاسی اور مالی دباؤ کا سامنا کر رہا ہے اور دنیا میں جاری 120 سے زائد مسلح تنازعات یہ ثابت کرتے ہیں کہ تنظیم کا بنیادی مقصد دنیا کو جنگ سے بچانا تاحال مکمل نہیں ہوا۔
مزید پڑھیں: جرمنی میں خود کو بادشاہ قرار دینے والا شخص گرفتار، ‘سلطنت’ پر پابندی عائد
انہوں نے پائیدار ترقی کے اہداف حاصل کرنے کے لیے جرات مندانہ، منصفانہ اور انقلابی اقدامات کی ضرورت پر زور دیا۔ اقوام متحدہ کے سیکریٹری جنرل انتونیو گوتریش نے ان کے انتخاب کو تاریخی قرار دیا اور کہا کہ بیربوک کا نعرہ ’بیٹر ٹوگیدر‘ آج کے بکھرے ہوئے عالمی منظرنامے میں امید کی کرن ہے۔
اینالینا بیربوک جنرل اسمبلی کی صدارت سنبھالنے والی صرف 5ویں خاتون ہوں گی۔ وہ 1980 میں جرمنی کے شہر ہینوور میں پیدا ہوئیں، سیاسیات میں گریجویشن کے بعد لندن اسکول آف اکنامکس سے قانون میں ماسٹرز کیا، اور 2013 سے جرمن پارلیمنٹ کی رکن ہیں۔
2021 سے 2025 تک انہوں نے وفاقی وزیر خارجہ کی حیثیت سے خدمات انجام دیں۔ اقوام متحدہ کے سیکریٹری جنرل نے امید ظاہر کی ہے کہ بیربوک کی قیادت میں جنرل اسمبلی اتحاد، یکجہتی اور مشترکہ حل کی راہ ہموار کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ اقوام متحدہ کی جنرل اسمبلی اینالینا بیربوک سابق جرمن وزیر خارجہ اینالینا بیربوک سیکریٹری جنرل انتونیو گوتریش
عمران خان کہہ چکے کسی ڈیل کی صورت میں باہر نہیں آؤں گا: بیرسٹر گوہر