پارٹی قوائد کی خلاف ورزی پر بی این پی کے ایم پی اے جہانزیب مینگل کو شوکاز نوٹس جاری
اشاعت کی تاریخ: 3rd, June 2025 GMT
نوٹس کے مطابق جہانزیب مینگل نے اسمبلی میں موثر آواز نہیں اٹھائی، پارٹی اجلاسوں سے غیر حاضر رہیں، جبکہ حکومتی شخصیات سے ملاقاتیں کرتے رہیں۔ اسلام ٹائمز۔ بلوچستان نیشنل پارٹی نے بلوچستان اسمبلی کے رکن جہانزیب مینگل کو پارٹی قوائد کی خلاف ورزی پر شوکاز نوٹس جاری کرتے ہوئے 15 دنوں میں جواب طلب کر لیا۔ بی این پی کے مرکزی ڈپٹی سیکرٹری ملک نصیر شاہوانی کی جانب سے جاری ہونے والے شوکاز نوٹس میں کہا گیا کہ جہانزیب مینگل نے بی این پی کے رکن اسمبلی کی حیثیت سے صوبائی اسمبلی میں موثر آواز بلند نہیں کیا۔ پارٹی کے اجلاسوں میں غیر حاضر رہیں، جبکہ پارٹی سے مشاورت کے بغیر حکومتی شخصیات سے ملاقاتیں کیں۔ نوٹس کے مطابق 15 یوم کے اندر تحریری جواب ارسال نہ کرنے کی صورت میں جہانزیب مینگل کے خلاف یکطرفہ کارروائی ہوگی۔ واضح رہے کہ گزشتہ دنوں کوئٹہ میں منعقد ہونے والے حکومتی جرگے میں جہانزیب مینگل بھی شریک ہوئے تھے، جس کے باعث بی این پی کو تنقید کا نشانہ بنایا جا رہا ہے۔
.ذریعہ: Islam Times
کلیدی لفظ: جہانزیب مینگل بی این پی
پڑھیں:
بابر اعظم کو آئی سی سی کوڈ آف کنڈکٹ کی خلاف ورزی پر جرمانہ
پاکستان کے مایہ ناز بیٹر بابر اعظم کو سری لنکا کے خلاف تیسرے ون ڈے انٹرنیشنل کے دوران آئی سی سی کوڈ آف کنڈکٹ کی خلاف ورزی کا مرتکب قرار دیتے ہوئے میچ فیس کا 10 فیصد جرمانہ عائد کردیا گیا ہے۔
آئی سی سی کے مطابق 31 سالہ بابر اعظم نے کھلاڑیوں اور معاون اسٹاف کے لیے مقرر کردہ ضابطہ اخلاق کی شق 2.2 کی خلاف ورزی کی۔ واضح رہے کہ یہ شق میچ کے دوران کرکٹ ساز و سامان، کپڑوں، گراؤنڈ کے آلات یا فکسچر کو نقصان پہنچانے سے متعلق ہے۔
مزید پڑھیں: 2 سال بعد سینچری اسکور کرکے بابر اعظم نے مخالفین کو کیا پیغام دیا؟
واقعہ سری لنکا کے خلاف تیسرے ایک روزہ میچ کے دوران پاکستان کی اننگز کے 21ویں اوور میں پیش آیا، جب آؤٹ ہونے کے بعد بابر اعظم غصے میں پویلین لوٹتے ہوئے اپنا بیٹ اسٹمپس کو لگا بیٹھے۔
خلاف ورزی ثابت ہونے پر بابر اعظم کو ایک ڈی میرٹ پوائنٹ بھی دے دیا گیا ہے، جو گزشتہ 24 ماہ میں ان کا پہلا ڈی میرٹ پوائنٹ ہے۔
آن فیلڈ امپائرز الیکس وارف اور رشید ریاض، تھرڈ امپائر شرف الدولہ ابن شاہد اور فورتھ امپائر فیصل آفریدی نے بابر اعظم پر الزام عائد کیا، جبکہ علی نقوی (ایمرٹس آئی سی سی انٹرنیشنل پینل آف میچ ریفریز) نے سزا تجویز کی۔
پاکستانی بیٹر نے اپنی غلطی تسلیم کرتے ہوئے سزا قبول کرلی، جس کے بعد باضابطہ سماعت کی ضرورت پیش نہ آئی۔
مزید پڑھیں: بابر اعظم کا ایک اور سنگ میل، پاکستان کے جانب سے سب سے زیادہ ون ڈے سینچریوں کا ریکارڈ برابر کردیا
آئی سی سی کے مطابق لیول 1 کی خلاف ورزی پر کم سے کم سرزنش اور زیادہ سے زیادہ 50 فیصد میچ فیس تک جرمانہ ہوسکتا ہے، جبکہ ایک یا 2 ڈی میرٹ پوائنٹس بھی دیے جا سکتے ہیں۔
یاد رہے کہ پاکستان نے سری لنکا کے خلاف سیریز میں وائٹ واش کیا جبکہ بابر اعظم نے شاندار کارکردگی دکھاتے ہوئے 165 رنز اسکور کیے، جن میں ان کی ریکارڈ 20ویں ون ڈے سنچری بھی شامل تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا کے آسمان پر روشنیوں اور رنگینیوں کا رقص