وزیرِ اعلیٰ سندھ کا ملیر جیل واقعے پر سخت نوٹس، آئی جی جیل کی چھٹی
اشاعت کی تاریخ: 3rd, June 2025 GMT
وزیرِ اعلیٰ سندھ سید مراد علی شاہ—فائل فوٹو
وزیرِ اعلیٰ سندھ سید مراد علی شاہ نے ملیر جیل واقعے کا سخت نوٹس لیتے ہوئے انسپکٹر جنرل (آئی جی) جیل خانہ جات کو عہدے سے ہٹا دیا، جب کہ ڈپٹی انسپکٹر جنرل (ڈی آئی جی) جیلز اور سپرنٹنڈنٹ ملیر جیل کو فوری طور پر معطل کر دیا۔
وزیرِ اعلیٰ سندھ کے میڈیا کنسلٹنٹ عبدالرشید چنا کے مطابق وزیرِ اعلیٰ سندھ مراد علی شاہ نے یہ احکامات وزیرِ اعلیٰ ہاؤس میں ملیر جیل واقعے سے متعلق ایک ہنگامی اجلاس کی صدارت کرتے ہوئے جاری کیے۔
اجلاس میں سینئر وزیرِ اطلاعات و ٹرانسپورٹ شرجیل انعام میمن، وزیرِ داخلہ ضیاء الحسن لنجار، چیف سیکریٹری آصف حیدر شاہ، پرنسپل سیکریٹری برائے وزیرِ اعلیٰ آغا واصف اور سیکریٹری داخلہ محمد اقبال نے شرکت کی۔
وزیرِ اعلیٰ سندھ مراد علی شاہ نے اس واقعے کو ’مکمل طور پر ناقابلِ قبول‘ قرار دیتے ہوئے کہا ہے کہ یہ جیل انتظامیہ کی شدید غفلت اور نااہلی کا مظہر ہے، ذمے داروں کو ہر صورت جواب دہ بنایا جائے گا۔
انہوں نے محکمۂ داخلہ سندھ کو ہدایت کی کہ وہ ناصرف ملیر جیل بلکہ صوبے کی تمام جیلوں کا جامع سیکیورٹی آڈٹ کرے۔
وزیر داخلہ سندھ ضیا الحسن لنجار نے کہا ہے کہ 129 قیدی اب تک فرار ہیں جن کی تلاش کی جا رہی ہے۔
وزیرِ اعلیٰ سندھ مراد علی شاہ نے چیف سیکریٹری آصف حیدر شاہ کو ہدایت کی کہ وہ کمشنر کراچی حسن نقوی اور کراچی پولیس چیف جاوید عالم اوڈھو کی مدد سے ملیر جیل واقعے کی مکمل اور غیر جانبدار تحقیقات کرائیں، تحقیقات کی شرائط واضح ہونی چاہئیں تاکہ غفلت برتنے والوں کی نشاندہی اور ان کے خلاف کارروائی ممکن ہو سکے۔
اجلاس کو بریفنگ میں بتایا گیا کہ زلزلے کے جھٹکوں کے دوران پیدا ہونے والی افراتفری کے دوران 216 قیدی ملیر جیل سے فرار ہو گئے، اب تک 83 فراری قیدیوں کو دوبارہ گرفتار کیا جا چکا ہے جبکہ باقی کی گرفتاری کے لیے سرچ آپریشن جاری ہے، فرار ہونے والے قیدی معمولی نوعیت کے جرائم میں ملوث تھے اور کوئی بھی سنگین مقدمات کا سامنا نہیں کر رہا تھا۔
وزیرِ اعلیٰ سندھ نے فرار ہونے والے قیدیوں سے خود کو رضاکارانہ طور پر حکام کے حوالے کرنے کی اپیل کی اور خبردار کیا کہ اگر وہ خود کو پیش نہیں کریں گے تو ان کے خلاف انسدادِ دہشت گردی ایکٹ کے تحت مقدمات درج کیے جائیں گے اور انہیں 7 سال تک قید کی سزا ہو سکتی ہے۔
مراد علی شاہ نے کہا کہ جیل حکام کو چاہیے تھا کہ فوری طور پر ضلعی انتظامیہ اور قانون نافذ کرنے والے اداروں سے رابطہ کرتے لیکن ایسا نہیں کیا گیا، یہ مواصلاتی نظام اور تیاری میں مکمل ناکامی کا ثبوت ہے۔
وزیرِ اعلیٰ سندھ نے چیف سیکریٹری کو ہدایت کی کہ وہ نئے آئی جی جیل خانہ جات، ڈی آئی جی اور سپرنٹنڈنٹ جیل کی تعیناتی کا نوٹیفکیشن جاری کریں اور انہیں رپورٹ پیش کریں۔
بعد ازاں بچوں کی جسمانی اور نیوروڈیولپمنٹل بحالی کے مرکز کی افتتاحی تقریب کے دوران میڈیا سے گفتگو کرتے ہوئے وزیرِ اعلیٰ سندھ مراد علی شاہ نے کہا کہ واقعے کی غیر جانبدار اور مکمل تحقیقات جاری ہیں، ہم اپنی جیلوں کے نظام میں موجود خامیاں دور کریں گے اور ذمے داروں کو سزا دیں گے۔
.ذریعہ: Jang News
کلیدی لفظ: سندھ مراد علی شاہ نے ملیر جیل واقعے
پڑھیں:
نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز
نواز شریف کی بیٹی ہوں کسی کے آگے ہاتھ نہیں پھیلائوں گی، مریم نواز WhatsAppFacebookTwitter 0 15 September, 2025 سب نیوز
میانوالی (سب نیوز)وزیر اعلی پنجاب مریم نواز کا کہنا ہے کہ پنجاب کے پیسے عوام پر خرچ کروں گی، نواز شریف کی بیٹی ہوں کسی کے آگے ہاتھ نہیں پھیلاوں گی۔
میانوالی میں تقریب سے خطاب کرتے ہوئے وزیر اعلی مریم نواز نے کہا کہ وزرا کو کہا ہے جب تک متاثرین کو ریلیف نہیں ملتا فیلڈ سے واپس نہیں آنا، پہلی بار سن رہے ہیں کہ تنقید کی جارہی ہے وزیر اعلی کام کیوں کررہی ہے۔مریم نواز نے کہا کہ کشتی میں بیٹھی تو تنقید کی گئی کہ وزیر اعلی کشتی میں کیوں بیٹھ گئیں، انہیں کام کرنے کے علاوہ سب کچھ آتا ہے۔
انہوں نے کہا کہ سیلاب میں سب سے زیادہ خراب صورت حال گجرات میں ہے، وہاں 26 ارب روپے سے نیا سیوریج سسٹم ڈال رہے ہیں۔وزیر اعلی نے کہا کہ تنقید اور دعوے کرنا آسان ہوتا ہے، کام کرنے کے لیے بستروں سے نکل کر تیار ہوکر میدان میں آنا ہوتا ہے، وزیر اعلی باہر نکلے تو سب کو کام کرنا پڑتا ہے، باقی صوبوں میں سی ایم کام کرتا ہے نہ سسٹم کام کرتا ہے۔مریم نواز نے مزید کہا کہ 2022 میں سیلاب آتا تو اس وقت کے وزیراعظم نے فضائی دورہ کیا، وزیراعظم نے عینک ٹھیک کی اور کہا او ہو بہت نقصان ہوا ہے، تنقید کرنا آسان لیکن محنت کرنا مشکل ہے کام کرنا پڑتا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل چیف جسٹس اسلام آباد ہائیکورٹ کی منظوری کے بعد ہراسمنٹ کمیٹی کا سربراہ تبدیل خیبرپختونخوا کی تاریخ میں پہلی بار خاتون ایس ایس پی تعینات خیبر پختونخوا، 1351انتہائی مطلوب دہشت گردوں کے سروں کی قیمت مقرر عرب اسلامی سربراہی اجلاس،قطر پر اسرائیلی حملے کا جواب واضح اور فیصلہ کن ہونا چاہیے، مسلم ممالک کی تجویز اسرائیل کے انسانیت کیخلاف جرائم کو روکنے کیلئے عرب ٹاسک فورس تشکیل دی جائے، وزیراعظم کا عرب اتحاد ہنگامی اجلاس سے خطاب کھیل میں سیاست کو گھسیٹنا اصل روح کے منافی ہے، محسن نقوی کا بھارتی رویے پر سخت ردعملCopyright © 2025, All Rights Reserved
رابطہ کریں ہماری ٹیم
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام