آئی پی ایل میں نئی تاریخ رقم، کوہلی کی رائل چیلنجرز بنگلورو پہلی مرتبہ چیمپیئن بن گئی
اشاعت کی تاریخ: 3rd, June 2025 GMT
رائل چیلنجرز بینگلورو (آر سی بی) نے وراٹ کوہلی کا انڈین پریمیئر لیگ جیتنے کا خواب بالآخر پورا کرتے ہوئے چیمپئن شپ کے فائنل میں پنجاب کنگز کو 6 رنز سے ہرکار کر ٹرافی اپنے نام کرلیا۔
فائنل میں کوہلی کی ٹیم کی جانب سے دیے گئے 191 رنز کے ہدف کے تعاقب میں پنجاب کنگز 7 وکٹوں پر 184 رنز بنا سکی۔
پنجاب کنگز کے لیے بھی یہ موقع تھا کہ وہ پہلی بار فائنل جیتنے کا اعزاز حاصل کرسکے لیکن وہ ناکام رہی۔ اسے آخری اوور میں جیتنے کے لیے 29 رنز درکار تھے مگر وہ 3 چھکوں اور ایک چوکا لگانے کے باوجود مطلوبہ ہدف حاصل نہ کرسکی۔
اس طرح رائل چیلنجرز 18 سال بعد پہلی مرتبہ آئی پی ایل ٹرافی جیت گئی۔ یہ جیت کوہلی کے لیے اس لیے بھی اہم ہے کیونکہ انہوں نے 18 سال اسی فرنچائز سے کھیلا اور کپتانی بھی کی مگر کبھی فائنل جیت نہیں پائے تاہم اس مرتبہ ٹرافی جیتنے کی ان کی دیرینہ خواہش پوری ہوگئی۔
آر سی بی نے ٹاس ہار کر پہلے کھیلنے کی دعوت ملنے پر مقررہ 20 اوورز میں 190 رنز بنائے تھے اور اس کے 9 کھلاڑی آؤٹ ہوئے تھے۔ کوہلی سب سے نمایاں بلے باز رہے جنہوں نے 35 گیندوں پر 43 رنز بنائے۔
پنجاب کنگز کی جانب سے ارشدیپ سنگھ اور کیل جیمسن نے 3،3 وکٹیں حاصل کیں۔
جواب میں پنجاب کنگز7 وکٹوں کے نقصان پر 184 رنز بناسکی۔ ششانک سنگھ نے 30 گیندوں پر 61 رنز بنائے اور آخر تک کریز پر رہے۔
آر سی بی کی جانب سے کرونال پانڈے اور بھاونیشور کمار نے 2،2 کھلاڑی آؤٹ کیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل آر سی بی وراٹ کوہلی.ذریعہ: WE News
کلیدی لفظ: ا ئی پی ایل وراٹ کوہلی کے لیے
پڑھیں:
پی ٹی آئی رہنماؤں کو سزا، پنجاب کی پارلیمانی پارٹی کا اہم اجلاس آج طلب کر لیا گیا
لاہور:پاکستان تحریک انصاف (پی ٹی آئی) پنجاب کی پارلیمانی پارٹی کا اہم اجلاس آج سہ پہر ڈھائی بجے پنجاب اسمبلی میں طلب کر لیا گیا ہے۔
اجلاس میں انسداد دہشت گردی عدالتوں کی جانب سے پی ٹی آئی رہنماؤں کو سنائی گئی سزاؤں کے بعد کی صورتحال پر مشاورت کی جائے گی۔
ذرائع کے مطابق اجلاس کی صدارت ڈپٹی اپوزیشن لیڈر معین قریشی کریں گے، جس میں لاہور اور سرگودھا کی انسداد دہشتگردی عدالتوں کے حالیہ فیصلوں پر غور کیا جائے گا۔
عدالتوں نے پی ٹی آئی کے اہم رہنماؤں جن میں اپوزیشن لیڈر جناب احمد خان بھچر، ڈاکٹر یاسمین راشد، سینیٹر اعجاز چوہدری، میاں محمود الرشید اور سابق گورنر پنجاب عمر سرفراز چیمہ شامل ہیں، کو 9 مئی کے واقعات کے مقدمات میں دس دس سال قید کی سزا سنائی ہے۔
اجلاس میں عدالتی فیصلوں کے خلاف ممکنہ قانونی راستے، بالخصوص اعلیٰ عدالتوں میں اپیل دائر کرنے کے آپشنز پر مشاورت کی جائے گی۔ اس کے علاوہ پارٹی رہنماؤں کے ساتھ اظہار یکجہتی اور آئندہ لائحہ عمل بھی زیر غور آئے گا۔
پارٹی ذرائع کے مطابق اجلاس کے بعد تین بجے پی ٹی آئی رہنما پنجاب اسمبلی میں ایک پریس کانفرنس سے خطاب کریں گے، جس میں عدالتی فیصلے، آئندہ سیاسی حکمت عملی اور قانونی چارہ جوئی کے حوالے سے تفصیلات سے آگاہ کیا جائے گا۔
خیبر پختونخوا میں ’خیبر پاس‘ کے نام سے ڈیجیٹل شناختی نظام کا اجراء