لبیک اللھم لبیک: مناسک حج کا آغاز، عازمین کی منیٰ روانگی، وقوف عرفہ کل ادا کیا جائے گا
اشاعت کی تاریخ: 4th, June 2025 GMT
لبیک اللھم لبیک: مناسک حج کا آغاز، عازمین کی منیٰ روانگی، وقوف عرفہ کل ادا کیا جائے گا WhatsAppFacebookTwitter 0 4 June, 2025 سب نیوز
مکہ مکرمہ میں مناسک حج کا آغاز ہونے جارہا ہے، پاکستان سمیت دنیا بھر سے لاکھوں عازمین حج کی منیٰ روانگی کا آغاز ہوگیا ہے، حج کا رکن اعظم وقوف عرفہ کل ادا کیا جائے گا۔
عازمین حج آج اپنی رہائشیوں میں 2 رکعت نفل کی ادائیگی کے بعد احرام باندھ کر منیٰ کے لیے روانہ ہورہے ہیں، عازمین کو ظہر سے قبل منیٰ پہنچنا ہے، جہاں ظہر، عصر اور مغرب، عشا کی نمازیں ایک ساتھ ادا کی جائیں گی۔
رات منیٰ میں قیام اور نماز فجر کی ادائیگی کے بعد کل نو ذی الحج کو حج کے رکن اعظم وقوف کےلیے عازمین میدان عرفات روانہ ہوں گے، جہاں وہ حج کا خطبہ سننے کے بعد ظہر اور عصر کی نمازیں ادا کریں گے اور سورج غروب ہونے تک میدان عرفات میں وقوف کریں گے۔
نماز مغرب کی ادائیگی کے بعد حجاج کرام میدان عرفات سے مزدلفہ روانہ ہوں گے اور مزدلفہ میں حجاج کرام مغرب اور عشا کی نمازیں ملا کر پڑھیں گے اور شیطان کو مارنے کے لیے کنکریاں جمع کریں گے۔
حجاج کرام کل مزدلفہ میں کھلے آسمان تلے رات گزاریں گے اور دس ذوالحج کو وقوف مزدلفہ کے بعد رمی کیلیے روانہ ہوں گے، بڑے شیطان کو 7 کنکریاں ماریں گے اور قربانی کریں گے، حجاج کرام حلق کرانے کے بعد احرام کھول دیں گے۔
11 ذوالحج کو حجاج کرام چھوٹے ،درمیانے اور بڑے شیطان کو 7،7 کنکریاں ماریں گے۔ رمی جمرات کے بعد حجاج کرام طواف زیارت کے لیے خانہ کعبہ روانہ ہوں گے، طواف زیارت کے بعد حجاج کرام صفا مروہ کی سعی کریں گے۔
12 ذوالحج کو زوال آفتاب کے بعد تینوں شیطانوں کو کنکریاں ماری جائیں گی، 13 ذوالحجہ کو حجاج کرام رمی جمرات کے بعد منی سے اپنی رہائش گاہ روانہ ہوجائیں گے۔
ریڈیو پاکستان کی رپورٹ کے مطابق تقریباً 89 ہزار پاکستانی سرکاری حج اسکیم کے تحت سعودی عرب پہنچ چکے ہیں جبکہ 23 ہزار 620 سے زائد پاکستانی نجی ٹور آپریٹرز کے ذریعے حج ادا کر رہے ہیں۔
پاکستان کے حج مشن نے دنیا کی سب سے بڑی خیمہ بستی ’منیٰ‘ میں عازمین حج کی منتقلی کے تمام انتظامات مکمل کر لیے ہیں۔
سرکاری نشریاتی ادارے نے منگل کو بتایا کہ حکومتی حج اسکیم کے تحت 88 ہزار سے زائد عازمین آج ظہر سے پہلے 932 بسوں کے ذریعے منیٰ پہنچ جائیں گے۔“
حج ایسا مقدس فریضہ ہے جسے مسلمانوں پر زندگی میں ایک بار پورا کرنا فرض قرار دیا گیا ہے۔
حکام کے مطابق دنیا بھر سے 13 لاکھ سے زائد زائرئن سعودی عرب پہنچ چکے ہیں، جس کے لیے انتظامات کو بہتر بنانے اور مسلسل لوگوں کو سہولیات فراہم کرنے کے لیے 40 مختلف حکومتی ادارے اور 2 لاکھ 50 ہزار سے افسران و اہلکار مخلتف فرائض کے انجام دہی میں مصروف ہیں۔
وزیر حج توفیق ال رابعیہ نے اے ایف پی سے گفتگو کرتے ہوئے بتایا کہ حجاج کے لیے 50 ہزار اسکوائر میٹر کے علاقے کو شیڈز لگا کر گرمی سے بچانے کی کوشش کی گئی ہے، میڈیکل اسٹاف کی بڑی تعداد میں موجودگی کے ساتھ ساتھ دوائیوں کی بروقت دستیابی کو بھی یقینی بنانے کیلیے اقدامات کیے گئے ہیں جبکہ 400 کولنگ یونٹس بھی قائم کر دیئے گئے ہیں۔
وزیرِحج کے مطابق زائرین کی بڑی تعداد یہاں موجود ہے تو اتنی بڑی تعداد میں لوگوں کو نقل و حرکت کو دیکھنے کے لیے ڈرونز اور جدید ٹیکنالوجی کا سہارا لیا گیا ہے۔
فلپائن سے آئے ایک زائر عبدالمجید آتی نے اے ایف پی سے بات کرتے ہوئے کہا کہ ’اللہ کا خاص کرم ہے، ہم یہاں انتہائی اطمینان اور محفوظ محسوس کر رہے ہیں۔
نائیجیریا سے آئے عبدالحامد نے کہا کہ دوسری مرتبہ حج کرنے کا شرف حاصل ہوا، جس پر بہت زیادہ خوش ہوں، یہاں کا موسم بہت زیادہ گرم ہے، باہر نکلتے ہوئے احتیاط برتنی پڑتی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشمالی وزیرستان میں سکیورٹی فورسز کا خفیہ اطلاع پر آپریشن، 14 بھارتی اسپانسرڈ خوارج ہلاک شمالی وزیرستان میں سکیورٹی فورسز کا خفیہ اطلاع پر آپریشن، 14 بھارتی اسپانسرڈ خوارج ہلاک ایف جی آر ایف دعوت اسلامی کے تحت مصر میں غزہ فلسطین مہاجرین کے لیے میڈیکل سینٹر قائم کر دیا گیا عبدالحبیب عطاری پی پی52 سیالکوٹ ضمنی انتخاب پر فافن کی مبصر رپورٹ جاری سی پی این ای نے پریس فریڈم رپورٹ 25-2024جاری کر دی عمران خان سے ملاقات نہ کروانے پر توہین عدالت کی درخواست سماعت کیلئے مقرر نادرا اسمارٹ کارڈ اسکینڈل ، سابق چیئرمین طارق ملک سمیت 12 افسران کیخلاف مقدمہ درج ، ایف آئی آر کی کاپی سب نیوز پرCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: کا ا غاز
پڑھیں:
لاکھوں عازمینِ حج آج میدانِ عرفات میں رکنِ اعظم ’وقوفِ عرفہ‘ کی سعادت حاصل کر رہے ہیں
دنیا بھر سے آئے ہوئے لاکھوں عازمینِ حج آج بروز 9 ذوالحجہ میدانِ عرفات میں جمع ہیں، جہاں وہ حج کے سب سے اہم رکن، وقوفِ عرفہ کی سعادت حاصل کر رہے ہیں۔
دینِ اسلام میں اس دن کو غیر معمولی روحانی اہمیت حاصل ہے، اور یہ موقع انسان کے گناہوں کی معافی اور قربِ الٰہی کے حصول کا ذریعہ سمجھا جاتا ہے۔
حجاج کا جذبہ دیدنی
دنیا بھر سے سے تعلق رکھنے والے عازمینِ حج میدانِ عرفات میں انتہائی جذباتی اور روح پرور کیفیت میں نظر آ رہے ہیں۔ بہت سے حجاج اشک بار آنکھوں سے دعائیں مانگتے ہوئے دکھائی دیے، جن میں ملک کی سلامتی، امتِ مسلمہ کے اتحاد اور ذاتی مغفرت کی دعائیں شامل تھیں۔
مختلف حج مشنز کی جانب سے عرفات میں خیمہ بندی، ٹھنڈے پانی، کھانے اور طبی امداد کے مؤثر انتظامات کیے گئے ہیں۔
متعدد حجاج نے میڈیا اور سوشل میڈیا پر سعودی انتظامیہ اور پاکستانی حج مشن کی کوششوں کو سراہا ہے۔
موسم کی صورتحال اور احتیاطی تدابیرعرفات اور مکہ مکرمہ کے گرد و نواح میں آج درجہ حرارت 40 ڈگری سینٹی گریڈ سے تجاوز کر چکا ہے، تاہم سعودی حکومت کی جانب سے جگہ جگہ پانی کے چھڑکاؤ، سایہ دار راہداریاں، کولنگ سسٹمز اور میڈیکل کیمپس قائم کیے گئے ہیں۔
طبی ماہرین نے حجاج کو زیادہ پانی پینے، چھتری استعمال کرنے اور دھوپ سے بچاؤ کی ہدایت کی ہے۔
خطبۂ حج اور عالمی نشریاتمسجد نمرہ میں امام کعبہ نے خطبۂ حج دینگے، جو دنیا بھر میں لاکھوں ناظرین نے براہِ راست سن سکیں گے۔ اس خطاب کا دنیا کی دیگر زبانوں میں ترجمہ بھی جاری کیا گیا، تاکہ تمام زبانوں کے حجاج اس سے استفادہ کر سکیں۔
غروبِ آفتاب کے بعد مزدلفہ کی روانگیغروب آفتاب کے بعد تمام حجاج میدانِ عرفات سے مزدلفہ کی جانب روانہ ہوں گے، جہاں وہ مغرب اور عشاء کی نمازیں جمع کر کے ادا کریں گے اور رات کھلے آسمان تلے گزاریں گے۔
اگلے روز یعنی 10 ذوالحجہ کو منیٰ میں قربانی، رمیِ جمرات اور دیگر مناسک ادا کیے جائیں گے۔
یہ روحانی اجتماع نہ صرف فرد کی زندگی کو بدلنے کا موقع ہے بلکہ امتِ مسلمہ کے اتحاد، اخوت اور یکجہتی کی ایک عظیم مثال بھی پیش کرتا ہے۔
دنیا بھر کے مسلمان اس وقت حجاج کے لیے دعاگو ہیں کہ اللہ تعالیٰ ان کا حج قبول فرمائے اور انہیں بخیر و عافیت اپنے وطن واپس لوٹائے۔
سوشل میڈیا پر عقیدت و محبت کی فضاوقوفِ عرفہ کے روح پرور لمحات نے سوشل میڈیا پر بھی گہرا اثر ڈالا ہے۔ پاکستانی صارفین نے مختلف پلیٹ فارمز پر مقدس مقامات کی تصاویر اور ویڈیوز شیئر کیں، جن کے ساتھ دعاؤں اور نیک تمناؤں کا اظہار بھی کیا گیا۔
کئی افراد نے اپنے عزیزوں کی طرف سے دعاؤں کی درخواستیں بھی کیں۔ ٹوئٹر پر #ArafatDay، #Hajj2025 اور #پاکستانی_حجاج جیسے ہیش ٹیگز ٹرینڈ کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبر پختونخوا میں کارروائیاں، بھارتی حمایت یافتہ ’’فتنہ الخوارج‘‘ کے 7 دہشتگرد ہلاک، لیفٹیننٹ دانیال اسماعیل سمیت 4 جوان شہید