ہوائی کے جزیرے سے ’بوتل بند پیغام‘ 8 سال بعد فلوریڈا کے ساحل پر مل گیا
اشاعت کی تاریخ: 4th, June 2025 GMT
امریکا کے شہر فلوریڈا میں اپنے خاندان کے ہمراہ تعطیلات گزارنے والی مشی گن کی رہائشی ایک لڑکی کو ایک بوتل میں ایک پیغام ملا جسے 8 سال قبل ہوائی میں مبینہ طور پر سمندر میں پھینک دیا گیا تھا۔
فلوریڈا کے انا ماریا جزیرے پر تفریح کرتی 11 سالہ جوزی لا نے جب اس نے بوتل کو سمندر کی لہروں کے ساتھ ساحل سے ٹکراتے دیکھا۔
یہ بھی پڑھیں: بوتل کو لفافہ، سمندر کو پوسٹ بکس بنانے والے حساس افراد کے خوبصورت پیغامات
جوزی لا نے میڈیا کو بتایا کہ وہ ساحل پر چہل قدمی کررہی تھی اور لہریں اٹھتے ہوئے ساحل پر سر پٹخ رہی تھیں، لہریں ایک دوسرے سے ٹکراتے ہوئے ساحل پر مڈہم ہوکر لوٹ جاتی تھیں۔ ’یکدم میں نے بوتل کو لہروں پر سرف کرتے دیکھا اور اسے بہت تیزی سے پکڑ لیا اور اپنی ماں کو دکھایا۔‘
میڈیا رپورتس کے مطابق بوتل میں ایک چھوٹا سا نوٹ تھا، جس میں لکھا تھا: “ہیلو، جن لوگوں کو یہ ملی ہے، آپ خوش ہوں گے کہ آپ نے یہ پایا، کیوں؟ کیونکہ آپ میرے بارے میں اس نمبر کے ذریعے جان سکتے ہیں۔”
جوزی لا کی ماں پیرس ہوزنگٹن نے بوتل میں ملنے والے اس نوٹ میں درج فون نمبر پر ایک ٹیکسٹ پیغام بھیجا اور انہیں جلد ہی ایک 21 سالہ ہوائی خاتون کی طرف سے جواب موصول ہوا، جس میں انہوں نے بتایا کہ اس نے اور اس کے بھائی نے 8 سال قبل جزیرہ او واہو کے قریب سمندر میں بوتل پھینکی تھی۔
’میں نے کہا کہ تم مذاق کر رہی ہو، اس نے بتایا کہ انہوں نے یہ اس وقت کیا جب وہ 13 اور 8 سال کے تھے، یہ ایک طرح کی تفریح تھی جس کا انہوں نے مزہ لیا،کیونکہ انہیں 2018 میں اپنا پیغام بوتل میں بند کرنے سے قبل اسی طرح کا ایک بوتل بند پیغام مل چکا تھا۔‘
مزید پڑھیں: ’بوتل بند پیغام‘ بھیجنے والے کی تلاش کیوں شروع کر دی گئی؟
پیرس ہوزنگٹن کے مطابق ہوائی کی رہائشی اس خاتون نے اپنی شناخت ظاہر نہ کرنے کا کہا ہے، تاہم انہیں یہ جان کر بہت مزہ آیا کہ ان کی بوتل کا سفر فلوریڈا میں جوزی لا کے ہاتھ لگنے کے بعد پوری طرح اختتام پذیر ہوگیا ہے، جس کی انہیں توقع نہیں تھی۔
میڈیا رپورٹس کے مطابق چیف میٹرولوجسٹ بوبی ڈیسکنز کا کہنا تھا کہ اگرچہ ایسا نہیں لگتا ہے کہ مذکورہ بوتل ہوائی سے فلوریڈا تک پوری طرح تیرتی رہی ہوگی لیکن ایسا تکنیکی طور پر ممکن ہے۔
جوزی لا کی ماں پیرس ہوزنگٹن کا کہنا تھا کہ بوتل کے اس سفر کے بارے میں ہر ایک کے اپنے نظریات ہوسکتے ہیں۔ ’لیکن یہ صرف فطرت ہی ہے جسے شمار کیا جاسکتا ہے کیونکہ اس کے بغیر مجھے نہیں لگتا کہ اس نے اتنا سفر طے کیا ہوتا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بوتل پیرس ہوزنگٹن پیغام جزیرہ جوزی لا سرف فلوریڈا مشی گن ہوائی.
ذریعہ
ذریعہ: WE News
کلیدی لفظ: امریکا بوتل پیرس ہوزنگٹن پیغام جوزی لا فلوریڈا ہوائی بوتل میں جوزی لا
پڑھیں:
امریکی صدر ڈونلڈ ٹرمپ اسرائیلی حملوں پر برہم، نیتن یاہو کو سخت پیغام
امریکی صدر ڈونلڈ ٹرمپ نے لبنان میں اسرائیلی فوجی کارروائیوں میں اضافے پر اسرائیلی وزیراعظم بنجمن نیتن یاہو کو سخت تنبیہ کرتے ہوئے خبردار کیا ہے کہ مزید حملے نہ صرف خطے میں کشیدگی بڑھا سکتے ہیں بلکہ اسرائیل کو عالمی سطح پر مزید تنہائی کا شکار بھی کر سکتے ہیں۔
یہ بھی پڑھیں: لبنان جنگ بندی پراتفاق ہونے کے بعد امریکا، ایران مذاکرات دوبارہ تیز رفتاری سے شروع ہو گئے ہیں، ڈونلڈ ٹرمپ کا اعلان
امریکی میڈیا رپورٹس کے مطابق پیر کو دونوں رہنماؤں کے درمیان ہونے والی ٹیلیفونک گفتگو خاصی کشیدہ رہی جس میں ٹرمپ نے لبنان میں جاری اسرائیلی کارروائیوں اور بیروت میں ممکنہ حملوں کے منصوبوں پر شدید تحفظات کا اظہار کیا۔
امریکی صدر نے نیتن یاہو کو باور کرایا کہ بیروت پر حملہ خطے میں حالات کو مزید خراب کر سکتا ہے، اسرائیل کی بین الاقوامی ساکھ کو نقصان پہنچا سکتا ہے اور ایران کے ساتھ جاری سفارتی مذاکرات کو بھی پیچیدگیوں سے دوچار کر سکتا ہے۔
یہ گفتگو ایسے وقت میں ہوئی جب ایران نے لبنان میں اسرائیلی کارروائیوں پر تشویش ظاہر کرتے ہوئے امریکا کے ساتھ جاری مذاکرات سے دستبرداری کا عندیہ دیا ہے۔ ٹرمپ کے قریبی ذرائع کے مطابق امریکی صدر کو خدشہ ہے کہ اگر تنازع مزید پھیلا تو خطے میں استحکام کے لیے جاری سفارتی کوششیں متاثر ہو سکتی ہیں۔
اطلاعات کے مطابق ٹرمپ نے اسرائیل کے دفاع کے حق کو تسلیم کرتے ہوئے کہا کہ حزب اللہ کی جانب سے حملوں کا جواب دینا اسرائیل کا حق ہے تاہم انہوں نے یہ بھی واضح کیا کہ موجودہ فوجی ردعمل ضرورت سے زیادہ ہے اور اس کے نتیجے میں شہری ہلاکتوں اور تباہی میں اضافہ ہو رہا ہے۔
مزید پڑھیے: امریکا کی 250ویں سالگرہ کی تقریبات تنازع کا شکار، فنکاروں کی علیحدگی پر صدر ٹرمپ برہم
رپورٹس کے مطابق امریکی صدر نے خاص طور پر ان کارروائیوں پر اعتراض کیا جن میں حزب اللہ کے کمانڈروں کو نشانہ بنانے کے لیے رہائشی عمارتوں پر وسیع بمباری کی جاتی ہے۔ ان کا مؤقف تھا کہ اس طرزِ عمل سے اسرائیل کے خلاف عالمی تنقید میں اضافہ ہو رہا ہے۔
حکام کے مطابق گفتگو کے دوران ٹرمپ نے نیتن یاہو کو خبردار کیا کہ بیروت پر حملے کی منظوری اسرائیل کو مزید عالمی تنہائی کی طرف دھکیل سکتی ہے اور اتحادی ممالک میں بھی تشویش پیدا کر سکتی ہے۔
ذرائع کا کہنا ہے کہ اس سخت مؤقف کے بعد اسرائیل نے بیروت میں بعض اہداف پر مجوزہ حملوں کا منصوبہ مؤخر کر دیا۔ بعد ازاں ایک اسرائیلی عہدیدار نے بھی اشارہ دیا کہ فی الحال بیروت پر حملے کا کوئی فوری منصوبہ نہیں تاہم جنوبی لبنان میں فوجی کارروائیاں جاری رہیں گی۔
ٹرمپ سے گفتگو کے بعد جاری بیان میں نیتن یاہو نے کہا کہ اگر حزب اللہ کی جانب سے حملے جاری رہے تو بیروت میں اہداف کو نشانہ بنانے کا آپشن بدستور موجود ہے۔ انہوں نے کہا کہ اسرائیل اپنی سلامتی کے خلاف خطرات کے خاتمے کے لیے کارروائیاں جاری رکھے گا۔
مزید پڑھیں: امریکی صدر ٹرمپ کا طبی معائنہ: کام کے لیے ِفٹ قرار، صحت بہترین، وزن کم کرنے کا مشورہ
تجزیہ کاروں کے مطابق اگرچہ ٹرمپ اور نیتن یاہو ایران سمیت کئی علاقائی معاملات پر قریبی رابطے میں رہے ہیں تاہم لبنان کے معاملے پر حالیہ اختلافات دونوں رہنماؤں کے درمیان بڑھتے ہوئے مؤقف کے فرق کی نشاندہی کرتے ہیں۔
صدر ٹرمپ کی تشویش کی ایک بڑی وجہ ایران کے ساتھ جاری مذاکرات ہیں جنہیں امریکی انتظامیہ خطے میں کشیدگی کم کرنے کی وسیع تر حکمت عملی کا حصہ سمجھتی ہے۔
ٹیلیفونک گفتگو کے کچھ ہی دیر بعد ٹرمپ نے سوشل میڈیا پر کہا کہ ایران کے ساتھ مذاکرات تیزی سے آگے بڑھ رہے ہیں تاہم امریکی حکام کا ماننا ہے کہ لبنان کی صورتحال ان مذاکرات کے مستقبل پر براہِ راست اثر انداز ہو سکتی ہے۔
ماہرین کے مطابق یہ صورتحال امریکا کے لیے ایک نازک توازن کی عکاسی کرتی ہے جہاں ایک جانب واشنگٹن اسرائیل کی سلامتی کی حمایت جاری رکھنا چاہتا ہے جبکہ دوسری جانب وہ خطے میں وسیع جنگ کے خدشات کو کم کرنے کے لیے سفارتی کوششوں کو بھی آگے بڑھا رہا ہے۔
یہ بھی پڑھیے: امریکا ایران ممکنہ معاہدہ: نیتن یاہو کی برسوں پر محیط ایران پالیسی کو بڑا دھچکا لگنے کا خدشہ
جنوبی لبنان میں جاری کشیدگی اور ایران کے ساتھ مذاکرات کے تناظر میں آنے والے ہفتے مشرقِ وسطیٰ کی سلامتی اور علاقائی سفارت کاری کے لیے انتہائی اہم قرار دیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی وزیراعظم بنجمن نیتن یاہو امریکی صدر ڈونلڈ ٹرمپ ٹرمپ نیتن یاہو پر برہم لبنان پر اسرائیل کے حملے لبنان جنگ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ