محمد شہباز شریف سے ایم کیو ایم وفد کی ملاقات، ترقیاتی منصوبوں کیلئے 20 ارب مانگ لئے
اشاعت کی تاریخ: 4th, June 2025 GMT
وزیراعظم سے متحدہ قومی موومنٹ کے اعلیٰ سطح وفد کی ملاقات میں ایم کیو ایم نے کراچی کے ترقیاتی منصوبوں کیلئے وفاق سے 20 ارب روپے مانگ لئے، حیدرآباد کے ترقیاتی بجٹ کیلئے 10 ارب روپے کا مطالبہ کیا گیا ہے۔ اسلام ٹائمز۔ وزیراعظم میاں محمد شہباز شریف سے ڈاکٹر خالد مقبول صدیقی کی قیادت میں متحدہ قومی موومنٹ کے اعلیٰ سطح وفد کی ملاقات ہوئی۔ملاقات میں مصطفیٰ کمال، ڈاکٹر فاروق ستار، سید امین الحق اور جاوید حنیف شریک تھے، ایم کیو ایم نے کراچی کے ترقیاتی منصوبوں کیلئے وفاق سے 20 ارب روپے مانگ لئے، حیدرآباد کے ترقیاتی بجٹ کیلئے 10 ارب روپے کا مطالبہ کیا گیا ہے۔ ذرائع کے مطابق ملاقات میں کراچی کے شہریوں کیلئے پانی سپلائی کے اہم منصوبے کے فور کی جلد از جلد تکمیل کا مطالبہ کیا گیا، شہر میں ٹرانسپورٹ سسٹم کیلئے گرین لائن منصوبے کی مد میں فوری اقدامات کی بھی مانگ کر دی گئی۔
ایم کیو ایم کے مطالبات پر وزیراعظم شہباز شریف نے مسائل حل کرنے کی یقین دہانی کروا دی۔ ایم کیو ایم وفد کا کہنا تھا کہ کراچی اور حیدرآباد کے مکین بنیادی سہولیات سے محروم ہیں، کوئی پرسانِ حال نہیں، شہری مسائل کے حل کیلئے متحدہ قومی موومنٹ کی جانب دیکھ رہے ہیں۔ وفد نے کہا کہ ترقیاتی منصوبوں کیلئے فنڈز متحدہ ارکان اسمبلی کے ذریعے خرچ کئے جائیں گے، وزیراعظم کی خصوصی توجہ سے مسائل کے حل میں مدد ملے گی۔
ذریعہ
ذریعہ: Islam Times
کلیدی لفظ: ترقیاتی منصوبوں کیلئے ایم کیو ایم کے ترقیاتی ارب روپے
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا