بجٹ کی منظوری کے لیے وفاقی کابینہ کا خصوصی اجلاس کل طلب
اشاعت کی تاریخ: 9th, June 2025 GMT
رپورٹ کے مطابق سرکاری ملازمین کی تنخواہوں میں 10 فیصد اضافے کی تجویز دی گئی ہے، جبکہ ریٹائرڈ ملازمین کی پنشن میں 5 سے ساڑھے 7 فیصد تک اضافے کی تجویز زیر غور ہے, دفاعی بجٹ میں 18 فیصد اضافے کا امکان ہے۔ اسلام ٹائمز۔ آئندہ مالی سال کے بجٹ کی منظوری کے لیے وفاقی کابینہ کا خصوصی اجلاس کل طلب کرلیا گیا۔ رپورٹ کے مطابق وفاقی کابینہ آئندہ مالی سال کے لیے بجٹ تجاویز کی منظوری دے گی، کابینہ سے فنانس بل کی منظوری لے کر قومی اسمبلی میں بجٹ پیش کیا جائے گا۔ سرکاری ملازمین کی تنخواہوں اور پینشن میں اضافے سے متعلق تجاویز کی حتمی منظوری وفاقی کابینہ دے گی، وفاقی کابینہ کا اجلاس کل سہ پہر 4 بجے پارلیمنٹ ہاؤس میں ہوگا۔
رپورٹ کے مطابق سرکاری ملازمین کی تنخواہوں میں 10 فیصد اضافے کی تجویز دی گئی ہے، جبکہ ریٹائرڈ ملازمین کی پنشن میں 5 سے ساڑھے 7 فیصد تک اضافے کی تجویز زیر غور ہے, دفاعی بجٹ میں 18 فیصد اضافے کا امکان ہے۔ وفاقی بجٹ کے بعد صوبائی حکومتیں بھی اپنے اپنے بجٹ پیش کریں گی، جس کے ساتھ ہی ملک میں مالی سال 2025-26ء کے لیے معاشی حکمت عملی کا باضابطہ آغاز ہو جائے گا۔
ذریعہ: Islam Times
کلیدی لفظ: اضافے کی تجویز وفاقی کابینہ ملازمین کی فیصد اضافے کی منظوری کے لیے
پڑھیں:
پنجاب ہیومن آرگن ٹرانسپلانٹیشن اتھارٹی کی استعدادکار میں اضافہ کیاجارہاہے‘ خواجہ سلمان رفیق
لاہور (اُردو پوائنٹ اخبارتازہ ترین - این این آئی۔ 24 جولائی2025ء) صوبائی وزیرصحت خواجہ سلمان رفیق کی زیرصدارت محکمہ سپیشلائزڈہیلتھ کئیراینڈمیڈیکل ایجوکیشن میں پنجاب ہیومن آرگن ٹرانسپلانٹیشن اتھارٹی کی مانیٹرنگ اتھارٹی کا 35 واں اجلاس منعقدہوا۔اجلاس میں سپیشل سیکرٹری آپریشنز طارق محمود رحمانی، ایڈیشنل سیکرٹری ٹیکنیکل ڈاکٹرمحمدوسیم،ڈائریکٹر جنرل پی ہوٹا پروفیسرمحمد عامرزمان خان،پاکستان میڈیکل ایسوسی ایشن سے پروفیسر اظہار چوہدری، سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق، محکمہ مال، محکمہ داخلہ و دیگر محکمہ جات کے افسران نے بطور ممبران شرکت کی۔وڈیولنک کے ذریعے سی ای او پنجاب ہیلتھ کئیرکمیشن ڈاکٹر محمد ثاقب عزیز، ڈین پاکستان کڈنی اینڈلیورانسٹی ٹیوٹ پروفیسرفیصل سعودڈار اور ٹرانسپلانٹیشن سوسائٹی سے یاسرخان نے اجلاس میں شرکت کی۔(جاری ہے)
ڈائریکٹر جنرل پی ہوٹا پروفیسرمحمد عامرزمان خان نے اجلاس کے دوران منظوری کیلئے مختلف ایجنڈازپیش کئے۔اجلاس کے دوران مانیٹرنگ اتھارٹی کی34 ویں اجلاس کے فیصلوں کی عملدرآمدرپورٹ بھی پیش کی گئی۔
اجلاس کے دوران مانیٹرنگ اتھارٹی کی34 ویں اجلاس کے منٹس کی منظوری دی گئی۔اجلاس کے دوران پی ہوٹا کو مختلف سرکاری و نجی ہسپتالوں کی گردوں جگر اور آنکھوں کی پتلی کی ٹرانسپلانٹیشن کے لیے رجسٹریشن کرنے کی بھی منظوری دی گئی۔اجلاس کے دوران بیگم اختر رخسانہ میموریل ٹرسٹ آرچرڈ ہسپتال کی لیور ٹرانسپلانٹیشن جبکہ ساہیوال ٹیچنگ ہسپتال، انڈی پینڈنٹ یونیورسٹی ہسپتال فیصل آباد اور مدینہ ٹیچنگ ہسپتال فیصل آباد کی کورنیل ٹرانسپلانٹیشن کیلئے اگلے تین سال کیلئے رجسٹریشن رینوئل کی منظوری دی گئی۔اجلاس کے دوران سٹی ہسپتال ملتان، پی کے ایل آئی اینڈ ریسرچ سنٹر لاہور، نیشنل ہسپتال اینڈ میڈیکل سنٹر لاہور اور عادل ہسپتال لاہور کی رینل ٹرانسپلانٹیشن کیلئے اگلے تین سال کیلئے رجسٹریشن رینوئل کی منظوری دی گئی۔اجلاس کے دوران پنجاب ہیومن آرگن ٹرانسپلانٹیشن اتھارٹی کے بجٹ تخمینہ برائے مالی سال 26-2025 اور ریوائزڈ بجٹ تخمینہ برائے مالی سال 25-2024 کی منظوری دی گئی۔اجلاس کے دوران پی ہوٹا کو ہیومن آرگن اینڈ ٹشو ٹرانسپلانٹیشن ایسینشلز کے موضوع پر 5 روزہ تربیتی ورکشاپ منعقد کروانے کی منظوری دی گئی۔اجلاس کے دوران پنجاب میں بون(ہڈی) بینکنگ اینڈ ٹرانسپلانٹیشن، پینکریاز(لبلبہ) ٹرانسپلانٹیشن کرنے کی منظوری دی گئی ہے اور اس کے علاوہ پنجاب میں بچوں کی گردوں کی پیوندکاری کے لیے ایک کمیٹی تشکیل کرنے کی بھی منظوری دی گئی ہے۔صوبائی وزیرصحت خواجہ سلمان رفیق نے کہاکہ وزیراعلیٰ پنجاب مریم نواز شریف کے ویژن کے مطابق پنجاب ہیومن آرگن ٹرانسپلانٹیشن اتھارٹی کی استعدادکار میں اضافہ کیاجارہاہے۔عوام تک صحت کی بہترین سہولیات کی فراہمی کیلئے کوشاں ہیں۔خواجہ سلمان رفیق نے کہاکہ پنجاب میں انسانی اعضاء کی غیر قانونی پیوندکاری کے خلاف سخت ایکشن لیاجارہاہے۔
کاروباری دنیا میں مفت کچھ نہیں