متحدہ مستقل قومی مصیبت ہے‘مجھے چونالگانا نہیں آتا‘میئر
اشاعت کی تاریخ: 10th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) میئر کراچی مرتضیٰ وہاب نے ایم کیو ایم کو مستقل قومی مصیبت قراردے دیا اور کہا کہ شہر کے حال کے ذمے دار وہی لوگ ہیں جن کے 36 ایم پی ایز کراچی سے منتخب ہوئے ہیں، میں ایم کیو ایم والا نہیں مجھے چونا لگانا نہیں آتا ہے۔میئرکراچی کا برنس روڈ پر پریس کانفرنس کرتے ہوئے کہنا تھا کہ شہر سے 37 ہزار ٹن سے زاید کی آلائشیں اٹھائی جا چکی ہیں ان کا کہنا تھا کہ دو روز سے سڑکوں پر موجود ہوں لیکن مخالفین صرف الزامات کی سیاست کر رہے ہیں۔مرتضیٰ وہاب نے ایم کیو ایم اور ن لیگ کو تنقید کا نشانہ بناتے ہوئے کہا کہ پنجاب حکومت نے 30 ارب کے اشتہار دیے میرے پاس اتنے پیسے نہیں ہیں، شہر کے حال کا ذمے دار وہی لوگ ہیں جن کے 36 ایم پی ایز کراچی سے منتخب ہوئے ہیں، میں ایم کیو ایم والا نہیں مجھے چونا لگانا نہیں آتا ہے۔میئر کراچی مرتضیٰ وہاب نے دعویٰ کیا ہے کہ عیدالاضحی کے موقع پر شہر میں صفائی کے بڑے آپریشن کے تحت ہزاروں ٹن آلائشیں مختلف اضلاع سے اٹھائی گئی ہیں۔ ایم کیو ایم والے ہمیشہ منفی باتیں ہی کرتے ہیں۔ میں کہتا ہوں ایم کیو ایم مستقل قومی مصیبت ہے۔انہوں نے سابق میئر کراچی کو یاد کرتے ہوئے کہا ’’وسیم اختر کا گزرا ہوا زمانہ یاد آتا ہے، لیکن ہم کراچی کو ماضی کی سیاست سے نکال کر عملی خدمت کی طرف لے جا رہے ہیں۔پریس کانفرنس کرتے ہو، کام بھی کر لو بھائی، گورنر سندھ کی میئر کراچی پر کڑی تنقیدمیئر کراچی نے مزید کہا ’’چونا لگانا میرا نہیں، سینیٹری ورکرز کا کام ہے۔ میری ترجیح ہے کہ نظام کو شفاف، موثر اور عوامی مفاد میں چلایا جائے۔
.ذریعہ: Jasarat News
کلیدی لفظ: ایم کیو ایم میئر کراچی
پڑھیں:
مدارس کو مشکوک بنانے کی سازشیں ناکام ہوں گی، علامہ راشد سومرو
جلسے سے خطاب کرتے ہوئے رہنما جے یو آئی نے کہا کہ علماء دین کے سپاہی اور ملت کے رہبر ہیں، دولت یا دباؤ سے خریدے نہیں جا سکتے، چند روپیوں کے عوض علماء کے ضمیر خریدنے کا خواب دیکھنے والے خود ذلت و رسوائی کا شکار ہوں گے۔ اسلام ٹائمز۔ جمعیت علمائے اسلام سندھ کے سیکریٹری جنرل علامہ راشد محمود سومرو نے کہا ہے کہ مدارس کو قومی دھارے میں لانے کی بات کرنے والے دراصل خود قومی دھارے سے کٹے ہوئے ہیں کیونکہ دینی مدارس ہی اصل قومی دھارا ہیں جو صدیوں سے ایمان، اخلاق اور خدمت خلق کے فروغ میں مرکزی کردار ادا کر رہے ہیں۔ ان خیالات کا اظہار انہوں نے ایک بڑے جلسے سے خطاب کرتے ہوئے کیا۔ انہوں نے مزید کہا کہ آج کے حکمران مغرب کی خوشنودی کے لیے اپنی تہذیب، مذہب اور نظریاتی اساس سے کٹتے جارہے ہیں، لہٰذا ضرورت اس بات کی ہے کہ وہ خود کو دینی و قومی دھارے میں شامل کریں۔
علامہ راشد محمود سومرو نے کہا کہ مدارس کو مشکوک بنانے کی سازشیں ناکام ہوں گی، قوم کا اعتماد ہمیشہ علمائے کرام اور دینی اداروں پر قائم رہے گا۔ پنجاب میں علماء کرام کو 25 ہزار روپے دینے کے اعلان پر ردعمل دیتے ہوئے انہوں نے کہا کہ حکمران کن قوتوں کے اشارے پر علماء کو خریدنے کی کوشش کر رہے ہیں۔ انہوں نے کہا کہ علماء دین کے سپاہی اور ملت کے رہبر ہیں، دولت یا دباؤ سے خریدے نہیں جا سکتے۔ جے یو آئی رہنما نے کہا کہ چند روپیوں کے عوض علماء کے ضمیر خریدنے کا خواب دیکھنے والے خود ذلت و رسوائی کا شکار ہوں گے۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا