ریٹائرڈ ٹیچرز ایسوسی ایشن کا اجلاس، ضلعی صدور وجنرل سیکریٹریز کی شرکت
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر ) گورنمنٹ ریٹائرڈ ٹیچرز ایسوسی ایشن سندھ کی مرکزی ورکنگ کمیٹی کا اجلاس مرکزی صدر ضمیر خان کی زیر صدارت منعقد ہوا اجلاس میں سندھ کے ضلعی صدر و جنرل سیکریٹری سمیت مرکزی عہدیداران نے شرکت کی اجلاس سے پر مرکزی جنرل سیکریٹری رشید کھوسو، نائب صدر مسعود بھٹی، فنانس سیکریٹری عبدالحق میمن، جوائنٹ سیکریٹری نگہت عباس، ضلع سکھر کے صدر محمد بخش مہر، ضلع شکار پور کے صدر عبدالحمید بھرچوند، ضلع تھر پارکر کے صدر محمد نواز خاصخیلی، جنرل سیکریٹری محمد ابراہیم، ضلع حیدرآباد کے صدر شیف اللہ خاصخیلی، ضلع جامشورو کے صدر گل حسن اور ضلع جیکب آباد کے آرگنائزر ابرار احمد قریشی نے خطاب کیا۔اجلاس سے مرکزی صدر ضمیر خان نے خطاب کرتے ہوئے گورنمنٹ ریٹائرڈ ٹیچرز کے دیرینہ مسئلہ بینویل فنڈ ریٹائرڈ ملازمین کو نہ دینے پر سندھ حکومت کے اس رویے کی سخت مذمت کی انہوں نے کہا کہ ریٹائرڈ ملازمین اپنے جائز حق کے لیے اب تحریک چلائی جائے گی،اس سلسلے میں اجلاس فیصلہ کیا گیا کہ پورے سندھ میں 16جون 2025ء کو تعلقہ کی سطح پرجبکہ 25جون کو تمام اضلاع میں احتجاجی مظاہرے کیے جائیں گے اس کے بعد کراچی میں ایک بڑا احتجاجی دھرنہ دیا جائے گا، مرکزی صدر ضمیر خان نے کہا کہ سندھ حکومت کے ریٹائرڈ ملازمین کے دیرینہ مطالبات پورے کرنے میں ٹال مٹول سے کام لے رہی ہے جو اب ناقابل برداشت ہوچکا ہے اس لیے اب گورنمنٹ ریٹائرڈ ملازمین پورے سندھ میں احتجاجی مظاہروں کے بعد کراچی میں ایک بڑا دھرنا دیں گے انہوں نے کہا کہ ہم اب تک پرامن طور اپنے مطالبات پر احتجاج کرتے آئے ہیں لیکن اتنا عرصہ گزرجانے کے بعد بھی ہمارا گروپ انشورنس و بنونیل فنڈ کی ادائیگی نہیں کی جارہی ہے جب کے ان فنڈز کی ادائیگی کے لیے حکومت سندھ کو کسی قسم کے بجٹ کی ضرورت نہیں ہے کیونکہ ہر ماہ ملازمین کی تنخواہوں سے کڑوروں روپیہ حکومت سندھ کے خزانے میں آتا ہے۔انہوں نے حکومت سندھ سے مطالبہ کیا کہ گورنمنٹ ریٹایرڈ ملازمین کے بینویل فنڈ ادائیگی فوری طور پر کی جائے
.
ذریعہ
ذریعہ: Jasarat News
کلیدی لفظ: ریٹائرڈ ملازمین کے صدر
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی