وطنِ عزیز میں نظامِ مصطفیٰ ﷺ کی جدوجہد
اشاعت کی تاریخ: 11th, June 2025 GMT
(گزشتہ سے پیوستہ)
نیلا بٹ سے جو جہاد شروع ہوا تھا جس میں سردار عبد القیوم خان تھے، سردار ابراہیم تھے، مولانا غلام حیدر صاحب تھے، سردار سکندر حیات تھے، سردار اسلم تھے، اور بڑے بڑے لوگ تھے۔ کیا یہ جہاد صرف آزادی کے لیے تھا، یا نفاذِ اسلام بھی اس کا حصہ تھا؟ اس وقت دو باتیں کہی گئی تھیں، ایک اسلام کے نفاذ کی بات تھی اور دوسری پاکستان کے ساتھ الحاق کا وعدہ کیا گیا تھا۔
پاکستان کے قیام سے یہ باتیں شروع ہوئیں لیکن ایسا ہو نہیں سکا، اس میں کیا رکاوٹیں پیش آئیں؟ مثلاً سب سے بڑی رکاوٹ جس کا ابھی ایک بزرگ ذکر فرما رہے تھے کہ مولویوں پر یہ الزام ہے کہ یہ اکٹھے نہیں ہوتے۔ میں یہ عرض کرنا چاہوں گا کہ یہ ایک بڑا جھوٹ ہے خاص طور پر پاکستان میں نفاذِ اسلام کی دستوری و قانونی جدوجہد کے حوالے سے کیونکہ تمام مکاتبِ فکر کا اس پر اتفاق ہے۔ میرا سوال ہے کہ کیا قراردادِ مقاصد کسی ایک مکتبِ فکر نے منظور کی تھی؟ اکتیس علماء کرام کے بائیس نکات مرتب کرنے میں تمام مکاتب فکر کے علماء شامل تھے جن میں حضرت مولانا سلیمان ندوی تھے، حضرت مولانا شمس الحق افغانی تھے، حضرت مولانا داؤد غزنوی تھے، حضرت مولانا عبد الحامد بدایونی تھے، مولانا ابوالاعلیٰ مودودی تھے، حافظ کفایت حسین تھے، مفتی جعفر حسین تھے، پیر صاحب آف مانکی شریف تھے، پیر صاحب آف سرہندی مجددی ، پیر ہاشم صاحب تھے رحمہم اللہ تعالیٰ۔ کسی مکتبِ فکر کی قیادت پیچھے نہیں تھی۔
اور وہ بائیس نکات آج بھی قائم ہیں، آج تک چاروں پانچوں مکاتب فکر میں سے کسی ایک نے بھی اس سے اختلاف نہیں کیا۔ ملی مجلسِ شرعی پاکستان ایک مشترکہ فورم ہے جس میں تمام مکاتبِ فکر کے علماء ہیں، حضرت مولانا مفتی محمد خان قادری ؒ اور مولانا ڈاکٹر سرفراز نعیمی شہیدؒ اس کے بانیان میں سے تھے، اس وقت اس کی صدارت میرے ذمے ہے، چند سال پہلے پورے ملک کے تمام مکاتب فکر کی قیادتیں اکٹھی ہوئیں اور انہوں نے اعلان کیا کہ ہم آج بھی ان بائیس نکات پر متفق ہیں۔
اسی طرح تحریکِ ختمِ نبوت کی تین بڑی تحریکیں ہیں، ۱۹۵۳ء میں، ۱۹۷۴ء میں، ۱۹۸۴ء میں۔ مسلمانوں کا مطالبہ تھا کہ قادیانیوں کو غیر مسلم اقلیت قرار دیا جائے، اس میں بھی تمام مکاتبِ فکر اکٹھے تھے۔ باہمی اختلافات اپنی جگہ ہیں لیکن قومی و ملی معاملات کے ہر موقع اور ضرورت پر ہم اکٹھے ہوتے ہیں اور اتفاق کا اظہار کرتے ہیں مگر یہ جھوٹ ہمارا پیچھا نہیں چھوڑ رہا کہ مولوی اکٹھے نہیں ہیں۔ کیا ہم سود کے مسئلے پر اکٹھے نہیں ہیں، کراچی کا کنونشن آپ کو یاد ہو گا۔ کیا فلسطین کے مسئلے پر اسلام آباد میں سب نے اکٹھے ہو کر اتفاقی موقف نہیں دیا۔ الحمد للہ ہمارے ہاں گوجرانوالہ میں مقامی سطح پر بھی یہ ماحول ہے کہ ہم ہر موقع پر اکٹھے ہوتے ہیں اور یکجہتی کا اظہار کرتے ہیں۔
پھر اسلام کے نفاذ میں کیا رکاوٹ ہے؟ اس پر عرض ہے کہ اس کے راستے میں سب سے بڑی رکاوٹ تو ہماری اسٹیبلشمنٹ ہے جو اسلامی نظام کے ماحول میں نہیں جانا چاہتی۔ اس کے بعد میں سابق چیف جسٹس افتخار محمد چوہدری صاحب کے ریمارکس کا ذکر کروں گا جو انہوں نے ایک کیس میں دیے تھے کہ ہمارے ملک کا سب سے بڑا مسئلہ کرپشن ہے جس کا واحد حل گڈ گورننس ہے اور اس گڈ گورننس کے لیے ہمیں حضرت عمرؓ کے دروازے پر جانا ہو گا۔ میں نے اس پر لکھا تھا کہ جناب آپ کی تینوں باتیں ٹھیک ہیں لیکن میرے دو سوال ہیں:
(۱) کیا ہماری اسٹیبلشمنٹ حضرت عمرؓ کی گڈگورننس کے ماحول میں جانے کے لیے تیار ہے؟
(۲) اور حضرت عمرؓ کی گڈ گورننس کی تعلیم ہمیں کہاں سے ملے گی، کیونکہ ہم تو کسی کالج اور یونیورسٹی میں حضرت عمرؓ کی گڈ گورننس پڑھانے کے لیے بھی تیار نہیں ہیں۔
اس کے ساتھ ایک اور رکاوٹ کا ذکر کرنا چاہوں گا کہ یہ جو بین الاقوامی معاہدات ہم نے کر رکھے ہیں، اقوام متحدہ کا منشور ہے، جنیوا ہیومن رائٹس کمیشن ہے، اور یورپی یونین کے مطابق ستائیس معاہدات ہیں جن پر ہمارے لیے پابندی کرنا لازمی ہے۔ اور ہماری اسٹیبلشمنٹ کا حال یہ ہے وہ درمیان میں سینڈوچ بنی ہوئی ہے۔ اوپر سے آئی ایم ایف، ورلڈ بینک، یورپی یونین، یونائیٹڈ نیشنز کا دباؤ آتا ہے تو کہتے ہیں کہ ہم معاہدات پر عملدرآمد کروائیں گے۔ ادھر سے عوامی دباؤ آتا ہے تو رک جاتے ہیں اور تسلی دیتے ہیں کہ ہم نہیں کر رہے۔ ہم اس مخمصے میں پھنسے ہوئے ہیں کہ ہم نے قرآن و سنت کی بات ماننی ہے یا بین الاقوامی معاہدات کی بات ماننی ہے۔ مثال کے طور پر ہم سے کہا گیا کہ مرد اور عورت میں مساوات ہے لیکن تمہارے ہاں امتیازی قوانین نافذ ہیں، انہیں ختم کرو۔
برطانیہ میں ایک فورم میں اس پر بحث ہو رہی تھی کہ مرد اور عورت میں مکمل مساوات ہونی چاہیے، میں بھی اس میں شریک تھا تو میں نے کہا کہ یہ بتائیں کہ
(۱) کیا مرد اور عورت کی ساخت ایک ہے؟
(۲) کیا دونوں کے قدرتی فرائض ایک جیسے ہیں، بچہ عورت نے پیدا کرنا ہے یا دونوں کر سکتے ہیں، اور دودھ کس نے پلانا ہے؟
(۳) اور کیا دونوں کی نفسیات ایک جیسی ہے؟
میں نے عرض کیا کہ جب دونوں میں یہ فرق موجود ہیں تو پھر قانون میں فرق کیوں نہیں ہوگا، یہ فرق مٹا دو تو قوانین کا فرق بھی ختم ہو جائے گا۔ بہرحال ہم سے مطالبہ ہوا کہ مرد کو طلاق کا حق حاصل ہے اس لیے عورت کو بھی یہ حق دو۔ یہ ۱۹۶۲ء کی بات ہے، ایوب خان مرحوم نے عائلی قوانین نافذ کیے تو اس بین الاقوامی مطالبے کو شریعت کے ساتھ اس طرح ایڈجسٹ کیا کہ نکاح نامہ میں یہ سوال لکھ دیا گیا کہ کیا خاوند نے بیوی کو طلاق کا حق تفویض کر دیا ہے؟ اور یہ بات شرعاً درست ہے کہ اگر خاوند طلاق دینے کا یہ حق اپنی بیوی کو تفویض کر دے تو وہ بھی طلاق لے سکتی ہے۔ یہ کر کے ہم نے ان سے کہہ دیا کہ جی پاکستانی عورت کو اب طلاق کا حق حاصل ہے۔
جبکہ اس کے بعد سے اب تک کی صورتحال یہ ہے کہ آپ کسی بھی نکاح میں بیٹھ کر دیکھ لیں کہ لوگوں کو اس کے بارے میں آگاہی نہیں ہوتی۔ میں ایک شادی میں شریک تھا ، نکاح خواں فارم پر کر رہا تھا، میں نے اس سے پوچھا کہ یہ کیا لکھا ہوا ہے؟ اس نے بتایا کہ لکھا ہے کہ کیا خاوند نے بیوی کو طلاق کا حق تفویض کر دیا ہے؟ میں نے کہا، تم کیا لکھنے لگے ہو؟ کہنے لگا، کراس لگا دوں گا۔ میں نے پوچھا ، کیا یہ سوال تم سے ہے؟ یہ سوال تو خاوند سے ہے جس نے اپنی بیوی کو اختیار دینا ہے یا نہیں دینا ہے۔ کہنے لگا، ہم تو ایسے ہی کرتے ہیں جی۔
آج سے پچیس سال پہلے جب اقوام متحدہ نے گولڈن جوبلی منائی تھی اور پچاس سالہ تقریبات منعقد ہوئی تھیں تو اس وقت او آئی سی (اسلامی تعاون تنظیم) کے صدرملائیشیا کے سابق وزیر اعظم مہاتیر محمد تھے۔ میں نے بین الاقوامی سطح پر مغرب کی آنکھوں میں آنکھیں ڈال کر بات کرنے والے تین لیڈر دیکھے ہیں: مہاتیر محمد، ذوالفقار علی بھٹو، اور اب کسی حد تک رجب طیب اردگان۔ بہرحال مہاتیر محمد نے اقوام متحدہ کی گولڈن جوبلی کے موقع پر او آئی سی میں یہ تجویز دی تھی کہ ہم اقوام متحدہ کی تقاریب کا بائیکاٹ کرتے ہیں اور ان کے سامنے دو مطالبات رکھتے ہیں : ایک یہ کہ بین الاقوامی معاہدات جو ہم نے کر رکھے ہیں ان میں ہمارے عقیدے اور شریعت کے خلاف بہت سی باتیں ہیں، ہمارے ساتھ بیٹھ کر ان پر نظرثانی کرو۔
(جاری ہے )
ذریعہ: Daily Ausaf
کلیدی لفظ: بین الاقوامی حضرت مولانا اقوام متحدہ تمام مکاتب طلاق کا حق گڈ گورننس کرتے ہیں بیوی کو ہیں اور کی بات کے لیے میں یہ
پڑھیں:
ڈریپ کو ایک بین الاقوامی معیار کی ریگولیٹری اتھارٹی بنانے کیلئے پر پرعزم ہیں،وزیر صحت مصطفی کمال
ڈریپ کو ایک بین الاقوامی معیار کی ریگولیٹری اتھارٹی بنانے کیلئے پر پرعزم ہیں،وزیر صحت مصطفی کمال WhatsAppFacebookTwitter 0 18 September, 2025 سب نیوز
اسلام آباد (سب نیوز)وفاقی وزیر صحت مصطفی کمال کی زیرِ صدارت ڈرگ ریگولیٹری اتھارٹی آف پاکستان کا اجلاس ہوا،اجلاس میں وفاقی سیکرٹری صحت، چیف ایگزیکٹیو آفیسر ڈریپ سمیت دیگر اعلی حکام نے شرکت کی ،اجلاس میں وفاقی وزیر صحت کو سنٹرل ڈرگز لیبارٹری کی اپگریڈیشن سے پیش رفت بارے بریفننگ دی گئی ۔
وزیر صحت نے کہا کہ ایکریڈیشن کے حصول سے ملک میں ادویات کے معیار کی جانچ کے نظام کو جدید تقاضوں سے ہم آہنگ بنانا ہے تاکہ قومی سطح پر ادویات کی حفاظت اور موثریت کو یقینی بنایا جا سکے۔ اجلاس میں ڈریپ کی جانب سے ڈبلیو ایچ او کے میچورٹی لیول 3کے حصول کے لیے جاری پیش رفت کا بھی جائزہ لیا گیا۔
مصطفی کمال نے کہا کہ ڈریپ کو ڈبلیو ایچ او میچورٹی لیول 3تک لانے کا عمل تیز کیا جائے ،ڈریپ کو جلد از جلد ڈبلیو ایچ او میچورٹی لیول 3 کے معیار تک پہنچایا جائے تاکہ پاکستان میں ادویات کی رجسٹریشن، نگرانی اور معیار کی جانچ کا نظام بین الاقوامی معیارات کے مطابق ہو ، ڈریپ کی ادارہ جاتی صلاحیتوں میں اضافہ نہ صرف ملکی سطح پر صحت کے نظام کو مضبوط بنائے گا مصطفی کمال بلکہ عالمی سطح پر اعتماد سازی اور بین الاقوامی شراکت داریوں کے فروغ میں بھی اہم کردار ادا کرے گا مصطفی کمال ڈریپ کو ایک بین الاقوامی معیار کی ریگولیٹری اتھارٹی بنانے کیلئے پر پرعزم ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشفاف اور فوری تحقیقات کیلئے ایف آئی اے و نادرا کے درمیان ڈیٹا شیئرنگ پر اتفاق شفاف اور فوری تحقیقات کیلئے ایف آئی اے و نادرا کے درمیان ڈیٹا شیئرنگ پر اتفاق اسلام آباد ہائیکورٹ، توشہ خانہ 2میں بریت کیس فوری سننے کیلئے درخواست سماعت کیلئے مقرر بانی پی ٹی آئی عمران خان کا ایکس اکاونٹ کون ہینڈل کر رہا ہے؟، تحقیقات جاری سی ڈی اے بورڈ کا 16واں اجلاس،قبر کھدائی اور میت بس کے چارجز معاف کرنے کے فیصلہ کی منظوری ایشیا ء کپ: سپر فور مرحلے میں پاکستان کا بھارت سے مقابلہ کب اور کہاں ہوگا؟ سعودی، پاکستانی سٹریٹجک معاہدے کی اہمیت، عرب صحافت کی نظر میںCopyright © 2025, All Rights Reserved
رابطہ کریں ہماری ٹیم
نیپال میں ’جنریشن زی‘ سڑکوں پر کیوں نکلی؟