جنوبی افریقہ میں شدید برفباری، 12 افراد ہلاک
اشاعت کی تاریخ: 11th, June 2025 GMT
جنوبی افریقہ میں برف باری کے باعث کم از کم 12 افراد ہلاک ہونے کی اطلاع ہے جبکہ 5 لاکھ گھروں کی بجلی بھی منقطع ہے۔
یہ بھی پڑھیں: کرہ ارض کے 15 گرم ترین مقامات میں پاکستان کے کتنے شہر شامل؟
غیر ملکی میڈیا کے مطابق ریاست مشرقی کیپ میں اسکول کے بچوں کو لے کر جانے والی بس سیلابی ریلے میں بہہ گئی اور اب تک 3 بچوں کو زندہ نکالا جا چکا ہے لیکن یہ ابھی واضح نہیں کہ بس میں کتنے بچے سوار تھے۔
علاوہ ازیں صوبے کے او آر ٹمبو ضلعے میں 7 افراد سیلابی پانی میں بہہ کر ہلاک ہوگئے جن کی لاشیں مل چکی ہیں۔
جنوبی افریقہ کو حالیہ دنوں میں شدید برف باری، بارشوں اور تیز ہواؤں کا سامنا رہا ہے جن کے باعث ایک اور سڑک حادثے میں 5 افراد ہلاک ہو چکے ہیں اس طرح اب تک ہلاک ہونے والوں کی تعداد 12 ہوچکی ہے۔
5 افراد اس وقت ہلاک ہوئے جب ایک منی بس مشرقی لندن کے ساحلی شہر کے قریب الٹ گئی۔ ڈرائیور نے ایک گرے ہوئے درخت سے بچنے کی کوشش میں گاڑی پر کنٹرول کھو دیا تھا۔ اس حادثے میں دو افراد زخمی بھی ہوئے تھے۔
تقریباً 5 لاکھ گھروں کو بجلی کی فراہمی بھی منقطع ہو چکی ہے۔
مزید پڑھیے: موسمیاتی بحران: 2025 گلیشیئرز کے تحفظ کا سال قرار
مشرقی کیپ ان برفانی حالات سے سب سے زیادہ متاثر ہوا ہے اور اس کے ساتھ ساتھ کوزالو نیٹل صوبہ بھی شدید متاثر ہے۔
خراب موسم کے باعث ان دونوں صوبوں میں کچھ بڑی سڑکیں بند کر دی گئی ہیں تاکہ مزید جانی نقصان سے بچا جا سکے۔
شدید برف باری کی وجہ سے سڑکوں پر بڑی گاڑیاں پھنس گئی ہیں جس سے ٹریفک میں شدید رکاوٹ پیدا ہو گئی ہے۔ برف کی تہہ کو ہٹانے کی کوشش کی جا رہی ہے جس کی موٹائی 12 انچ سے زیادہ تک پہنچنے کا خدشہ ہے۔
سمندر میں تیز ہواؤں اور اونچی لہروں کے باعث بھی بحری جہازوں کو نقل و حرکت کو مشکل کا سامنا ہے۔
مزید پڑھیں: گلگت بلتستان کے پہاڑی علاقے بھی موسمیاتی تبدیلی کے نرغے میں
واضح رہے کہ جنوبی افریقہ میں سردیوں کا موسم ہے جس کے دوران جون، جولائی اور اگست کے مہینوں میں مسلسل برفباری کا سامنا رہتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی افریقہ جنوبی افریقہ میں برفباری جنوبی افریقہ میں ہلاکتیں.ذریعہ: WE News
کلیدی لفظ: جنوبی افریقہ جنوبی افریقہ میں برفباری جنوبی افریقہ میں ہلاکتیں جنوبی افریقہ میں کے باعث
پڑھیں:
ہاؤس فل ہونے کا امکان، پاکستان اور جنوبی افریقہ کی ٹیمیں 17 سال بعد آج اقبال اسٹیڈیم کی رونقیں بحال کرنے کے لیے تیار
پاکستان کے دل پنجاب کا تاریخی اقبال اسٹیڈیم فیصل آباد 17 سال بعد ایک بار پھر بین الاقوامی کرکٹ کی میزبانی کے لیے تیار ہے، جہاں آج پاکستان اور جنوبی افریقہ کے درمیان 3 میچوں کی ون ڈے سیریز کا پہلا میچ کھیلا جائے گا۔
یہ میدان آخری بار 2008 میں اُس وقت بین الاقوامی مقابلے کا میزبان بنا تھا جب پاکستان اور بنگلہ دیش کے درمیان ایک روزہ میچ یہاں منعقد ہوا۔ 2009 میں لاہور میں سری لنکن ٹیم پر دہشتگرد حملے کے بعد پاکستان 6 سال تک عالمی کرکٹ سے محروم رہا، جس کے باعث قومی ٹیم کو اپنی ’ہوم سیریز‘ متحدہ عرب امارات میں کھیلنا پڑی۔
مزید پڑھیں: فیصل آباد کو 17 سال بعد میزبانی مل گئی، بنگلہ دیش کے خلاف ٹی20 سیریز کا شیڈول جاری
گزشتہ چند برس میں اسٹیڈیم کی تزئین و آرائش اور جدید سہولیات کی فراہمی کے بعد فیصل آباد کو دوبارہ بین الاقوامی کرکٹ کے نقشے پر شامل کیا گیا ہے۔
پاکستان کے نومنتخب ون ڈے کپتان شاہین شاہ آفریدی نے پری میچ پریس کانفرنس میں فیصل آباد میں میچ کے انعقاد کو شہر کے شائقین کے لیے ایک تاریخی لمحہ قرار دیا۔
ان کا کہنا تھا یہ میرے لیے اعزاز ہے کہ میں فیصل آباد جیسے جوشیلے کرکٹ شائقین کے سامنے قومی ٹیم کی قیادت کروں۔ ہم پوری قوت کے ساتھ میدان میں اتریں گے۔
Pakistan captain @iShaheenAfridi‘s pre-series press conference in Faisalabad | Pakistan vs South Africa ODI series 2025#PAKvSA | #GreenPeYaqeen pic.twitter.com/jUSWuzaOZg
— PCB Media (@TheRealPCBMedia) November 3, 2025
شاہین شاہ کے ہمراہ حارث رؤف اور نسیم شاہ پر مشتمل تیز رفتار بولنگ اٹیک جنوبی افریقہ کے بلے بازوں کے لیے بڑا چیلنج ثابت ہو سکتا ہے، جبکہ بیٹنگ لائن میں بابر اعظم، فخر زمان اور محمد رضوان ٹیم کو مضبوطی فراہم کریں گے۔
مزید پڑھیں: بابراعظم کی فارم واپس آنے سے ڈریسنگ روم کا اعتماد بحال ہورہا ہے، شاہین شاہ آفریدی
دوسری جانب جنوبی افریقہ کی ٹیم اپنے مستقل کپتان ٹیمبا باووما سمیت 7 اہم کھلاڑیوں کے بغیر میدان میں اترے گی، جنہیں آرام دیا گیا ہے۔ قیادت نوجوان میتھیو بریٹزکے کے سپرد کی گئی ہے، جنہوں نے رواں سال لاہور میں نیوزی لینڈ کے خلاف اپنے ڈیبیو پر 150 رنز کی ریکارڈ ساز اننگز کھیلی تھی۔
بریٹزکے کا کہنا تھا کہ یہ ایک موقع ہے کہ نوجوان کھلاڑی آگے بڑھ کر اپنی صلاحیتیں منوائیں۔ پاکستان ایک مضبوط ٹیم ہے، مگر ہم اپنی پوری کوشش کریں گے۔
South Africa captain Matthew Breetzke’s press conference | Pakistan vs South Africa ODI Series 2025#PAKvSA | #GreenPeYaqeen pic.twitter.com/crTAYM7dIE
— PCB Media (@TheRealPCBMedia) November 3, 2025
جنوبی افریقہ کے تجربہ کار اوپنر کُوئنٹن ڈی کاک بھی ریٹائرمنٹ واپس لے کر ایک روزہ کرکٹ میں واپسی کر رہے ہیں، جس سے ٹیم کو بیٹنگ میں تقویت ملنے کی امید ہے۔
مزید پڑھیں: فیصل آباد میں 17 سال بعد انٹرنیشنل کرکٹ کی واپسی، پاکستان اور جنوبی افریقہ کی ٹیمیں پہنچ گئیں
سیریز کے بقیہ دونوں میچ بھی فیصل آباد میں جمعرات اور ہفتے کو کھیلے جائیں گے۔ ماضی میں اسی میدان پر دونوں ٹیمیں 3 ون ڈے میچز کھیل چکی ہیں جن میں پاکستان نے 2 (1994، 2007) اور جنوبی افریقہ نے ایک (2003) میں کامیابی حاصل کی۔
???? ???????????????????????????????????? ???????????????? ????
Traffic plan for the Pakistan ???? South Africa ODI series!
➡️ Please remember your new gate number for a smooth entry to Iqbal Stadium, Faisalabad ????️#PAKvSA | #GreenPeYaqeen pic.twitter.com/O8dQyxcZJT
— Pakistan Cricket (@TheRealPCB) November 3, 2025
کرکٹ ماہرین کے مطابق، شائقین کی بڑی تعداد کے پیش نظر اقبال اسٹیڈیم آج ’ہاؤس فل‘ ہوگا، اور 17 سال بعد فیصل آباد ایک بار پھر کرکٹ کے جشن سے جگمگاتا نظر آئے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقبال اسٹیڈیم بابر اعظم، فخر زمان بریٹز پاکستان ٹیمبا باووما جنوبی افریقہ شاہین شاہ آفریدی فیصل آباد
اینٹی اسموگ گنز کے استعمال سے لاہور میں پانی کی قلت کا خطرہ