بجٹ کے نام پر آئی ایم ایف کا مسودہ پڑھ کرسنایاگیا‘ طارق سلیم
اشاعت کی تاریخ: 12th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد(نمائندہ جسارت )امیر جماعت اسلامی پنجاب ڈاکٹر طارق سلیم نے وفاقی بجٹ پر اپنے ردعمل دیتے ہو ئے کہا ہے کہ وفاقی وزیر خزانہ نے بجٹ کے نام پر آئی ایم ایف کا دیا گیا مسودہ قوم کو پڑھ کر سنا دیا ہے ،جبکہ وفاقی بجٹ میں غر یب ،متوسط اور کاروباری طبقے پر280 ارب روپے سے زائد ٹیکسوں کا پہاڑ لاد دیا گیا ہے ، اتنے برے معاشی حالات میں بھی مراعات یافتہ طبقے ارکان پارلیمنٹ اسپیکر اور چیئرمین سینیٹ نے اپنی تنخواہ 6 گنا بڑھا لی ہے جبکہ سرکاری ملازمین اور پنشن کی تنخواہوں میں اضافہ اُونٹ کے منہ میں زیرے کے مترادف ہے۔ انہوں نے کہا پیٹرولیم لیوی100 روپے سے تجاوز کر گئی ہے، چودہ ہزار ارب سے زائد کے ٹیکس ہدف کو حاصل کرنے کی کوشش
سے معیشت مزید کمزور ہو جا ئے گی،65 ہزارارب سے زائد کا خسارے کا بجٹ اعداد و شمار کے ہیر پھیر کے سوا کچھ نہیں،آٹھ ہزار پانچ سو ارب روپے سے زائد سود کی ادائیگی اور قرضوں سے نجات کا کوئی قابل عمل طریقہ بجٹ میں موجود نہیں ہے، ٹیکس نیٹ میں اضافہ کرنے کے بجائے پرانے فائلرز پر ہی ٹیکس کے بوجھ میں اضافہ کیا جا رہا ہے بینکنگ ٹرانزیکشن پر ٹیکس کی اسکیم ماضی میں ناکام ہو چکی ہے دنیا بھر میں پیٹرولیم مصنوعات کی قیمتو ں میں ریکارڈ کم آئی ہے جبکہ ہمارے ملک میں عالمی مارکیٹ میں پیٹرولیم خام تیل کی قیمتوں میں نمایاں کمی کا فائدہ عوام تک منتقل نہیں کیا جا رہا ہے جبکہ کارڈ کے بغیر پیٹرول ڈلوانے پر 2 تا 3 روپے فی لیٹر اضافی رقم کی شرط ختم کی جائے ایسے اقدام عوام دشمنی کے مترادف ہیں،ڈاکٹر طارق سلیم نے کہا بجلی کی بنیادی قیمت کو کم اور 13 قسم کے ٹیکسز کے خاتمے کے بغیر معیشت کی ترقی ممکن نہیںاس لیے ملک میں آئی پی پیز کے ساتھ ختم کیے گئے معاہدوں کے ثمرات عوام تک منتقل کیے جا ئیں اور بجلی کی قیمتیں مزید کم کی جا ئیں ، انھوں نے کہا ملک میں مو جو د سات کروڑ سے زائد مزدوروں کے لئے تعلیم ،علاج اور چھت کی فراہمی کو یقینی بنایا جا ئے ،سات کروڑ مزدور سوشل سیکیورٹی اور سماجی تحفظ کے دیگر پرو گراموں EOBI،ورکر ویلفیئر فنڈ سے محروم ہیں ، حکومت مزدورں کی اس محرومی کا فوری طور پر ازالہ کر ے اورپاکستان میں اربوں روپے کی ٹیکس چوری ختم کی جا ئے۔
ذریعہ
ذریعہ: Jasarat News
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ