میرپورخاص، شدید بارش، چھت گرنے سے 6 افراد زخمی، ایک نوجوان ہلاک
اشاعت کی تاریخ: 9th, September 2025 GMT
میرپورخاص:
میرپورخاص میں گزشتہ دو روز سے جاری بارش نے تباہی مچا دی، شہر کے نشیبی علاقے زیر آب آ گئے جبکہ مختلف حادثات میں ایک نوجوان جاں بحق اور چھ افراد زخمی ہو گئے۔
تفصیلات کے مطابق کھان پولیس کی حدود میں واقع گاؤں بوڑو خاصخیلی میں بارش کے باعث ایک مکان کی چھت گر گئی، جس کے نتیجے میں چار معصوم بچوں سمیت چھ افراد شدید زخمی ہو گئے۔
زخمیوں کو فوری طور پر سول اسپتال میرپورخاص منتقل کیا گیا جہاں ان کی حالت خطرے سے باہر بتائی جا رہی ہے۔
ادھر علاقے میں 30 سالہ نوجوان علی نواز برساتی پانی میں ڈوب کر جان کی بازی ہار گیا۔ مقامی افراد کے مطابق نوجوان کا تعلق بھی گاؤں بوڑو خاصخیلی سے تھا۔
کل شام 4 بجے سے شروع ہونے والی مسلسل بارش کے باعث میرپورخاص کے متعدد نشیبی علاقے زیر آب آ گئے ہیں جبکہ مرکزی سڑکوں اور گلیوں میں پانی جمع ہو چکا ہے، جس سے ٹریفک کی روانی شدید متاثر ہوئی ہے۔
پانی کی نکاسی نہ ہونے کے باعث اسکول جانے والے بچوں، مریضوں اور بزرگوں کو شدید مشکلات کا سامنا کرنا پڑ رہا ہے۔
.
ذریعہ
ذریعہ: Express News
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم