صدر مملکت آصف علی زرداری سے آزاد جموں و کشمیر اسمبلی کے وفد کی ملاقات، خطے کی ترقی اور عوامی مسائل پر تفصیلی گفتگو
اشاعت کی تاریخ: 12th, June 2025 GMT
اسلام آباد (نیوز ڈیسک)صدر مملکت آصف علی زرداری سے آزاد جموں و کشمیر قانون ساز اسمبلی کے ارکان کے ایک وفد نے ایوانِ صدر میں ملاقات کی، جس میں آزاد کشمیر کی موجودہ صورتحال، عوامی مسائل اور ترقیاتی ضروریات پر تفصیلی تبادلہ خیال کیا گیا۔
وفد نے صدر مملکت کو آزاد جموں و کشمیر میں درپیش چیلنجز، بنیادی سہولیات کی فراہمی، عوامی فلاح و بہبود اور ترقیاتی منصوبوں میں درپیش رکاوٹوں سے آگاہ کیا۔ ارکان نے صدر مملکت کو خطے کے دور دراز علاقوں میں بنیادی ڈھانچے، تعلیم، صحت، روزگار اور مواصلات کے شعبوں میں بہتری کی ضرورت سے بھی آگاہ کیا۔
صدر آصف علی زرداری نے وفد سے گفتگو کرتے ہوئے کہا کہ آزاد جموں و کشمیر کی ترقی اور وہاں کے عوام کی خوشحالی وفاق کی ترجیحات میں شامل ہے۔ انہوں نے زور دیا کہ وفاقی حکومت آزاد کشمیر کے عوام کی فلاح و بہبود اور ان کے دیرینہ مسائل کے حل کے لیے ہر ممکن تعاون فراہم کرے گی۔
صدر مملکت نے اس بات پر زور دیا کہ آزاد کشمیر کے عوام نے ہمیشہ پاکستان سے محبت اور وابستگی کا ثبوت دیا ہے اور ان کی خدمت کرنا ریاست کی ذمے داری ہے۔ انہوں نے متعلقہ اداروں پر زور دیا کہ وہ آزاد جموں و کشمیر میں جاری ترقیاتی منصوبوں کو بروقت مکمل کریں اور عوامی خدمات کی فراہمی کو ترجیح دیں۔
ملاقات خوشگوار ماحول میں اختتام پذیر ہوئی، اور وفد نے صدر مملکت کا شکریہ ادا کرتے ہوئے امید ظاہر کی کہ آزاد جموں و کشمیر کے مسائل کے حل کے لیے ان کی کوششیں ثمر آور ثابت ہوں گی۔
Post Views: 4.
ذریعہ
ذریعہ: Daily Mumtaz
کلیدی لفظ: صدر مملکت
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ