ٹیلنٹ ہنٹ پروگرام کا آغاز بلوچستان سے کررہے ہیں، رانا مشہود احمد خان
اشاعت کی تاریخ: 12th, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 12 جون2025ء) وزیر اعظم یوتھ پروگرام کے چیئرمین رانا مشہود احمد خان نے کہا ہے کہ پاکستان نے مختلف کھیلوں میں جھنڈے گاڑے ہیں،پی ایس ایل 10 کی ٹرافی اب دنیا بھر میں جارہی ہے،پوری دنیا میں پی ایس ایل کو سراہا گیا،اب ٹیلنٹ ہنٹ پروگرام کا آغاز بلوچستان سے کررہے ہیں،کرکٹ کے علاوہ دیگر کھیلوں کا بھی ٹیلنٹ ہنٹ پروگرام شروع کرینگے۔
ان خیالات کا اظہار انہوں نے جمعرات کو وزیر اعظم کرکٹ ٹیلنٹ ہنٹ پروگرام کی لاہور قلندر کے ساتھ دستخط کی تقریب کے موقع پر کیا ۔ اس دوران کرکٹر شاہین شاہ آفریدی اور لاہور قلندر کے عاطف رانا کے ہمراہ پریس کانفرنس کرتے ہوئے رانا مشہود احمد خان نے کہا کہ وزیر اعظم کا فوکس پاکستان کے نوجوان ہیں اور نوجوانوں کی صلاحیتوں کو سامنے لانے کے لئے حکومت دن رات کام کر رہی ہے ۔(جاری ہے)
انہوں نے کہا کہ لاہور قلندرز نے سب سے بڑا ٹیلنٹ ہنٹ پروگرام شروع کیا، اس پروگرام کے تحت پورے پاکستان کے نوجوانوں کو موقع فراہم کیا جائے گا کہ وہ اپنی صلاحیتوں کا لوہا منوائیں ۔ رانا مشہود نے کہا کہ ٹیلنٹ ہنٹ پروگرام کا آغاز27 جون سے بلوچستان سے کیا جائے گا اور 30 جون تک بلوچستان کے نوجوانوں کو کھیلوں کے میدان میں آگے آنے کا موقع فراہم کیا جائے گا ۔ انہوں نے کہا کہ بلوچستان کے بعد 2 جولائی سے 18 جولائی تک سندھ ، 21 جولائی سے 11 اگست تک پنجاب ، خیبر پختونخوامیں 29 اگست اور کشمیر میں یکم ستمبر سے 14 ستمبر تک اس پروگرام کے تحت نوجوان کھلاڑیوں کو موقع فراہم کیا جائے گا ۔ انہوں نے کہا کہ ٹیلنٹ ہنٹ پروگرام کے تحت منتخب کھلاڑیوں کو پلئیر ڈیولپمنٹ پروگرام میں شامل کیا جائے گا ۔ رانا مشہود نے کہا کہ کرکٹ کے علاوہ دیگر کھیلوں کا بھی ٹیلنٹ ہنٹ پروگرام شروع کرینگے، ٹیلنٹ ہنٹ پروگرام 3 کروڑ سے زیادہ کا پراجیکٹ ہے،پلئیر ڈیولپمنٹ پر حکومت الگ سے فنڈنگ کریگی ،تمام سپرسٹارز ٹیلنٹ ہنٹ وینیوز پر موجود ہونگے۔ رانا مشہود نے کہا کہ پی ایس ایل ٹرافی اب یوکے اور امریکہ جارہی ہے، ہم دنیا کو بتانا چاہتے ہیں کہ ہم ایک پر امن قوم ہیں اور امن کو ہی پسند کرتے ہیں ۔ انہوں نے کہا کہ ای سپورٹس فیڈریشن جلد کام شروع کر دے گی ، مستقبل قریب میں 25 شہروں میں کھیلوں کے ٹرائل شروع کیے جائیں گے تاکہ پاکستان کے ہر شہر سے ٹیلنٹ کو آگے لایا جاسکے ۔ انہوں نے کہا کہ سیف گیمز اور ارشد ندیم اکیڈمی کا بجٹ رکھا گیا ہے،11 سپورٹس اکیڈمیز اس سال متحرک ہوجائیں گی ۔ اس موقع پی ایس ایل کی فرنچائز لاہور قلندر کے اونر رانا عاطف نے کہا کہ شاہین آفریدی نے 4 میں سے 3 سیزن میں ٹرافیاں جیتیں جو ہمارے لئے ایک اعزاز کی بات ہے ۔ انہوں نے کہا کہ پی ایس ایل کا میچ امریکی ناظم الامور نے لاہور آ کر ہماری درخواست پر دیکھا اور انہوں نے اس کو سراہا۔انہوں نے کہا کہ پی ایس ایل کے کامیاب انعقاد پر پاک فوج کو کریڈٹ جاتا ہے ، سیکورٹی کے مناسب انتظامات کے باعث ایونٹ اختتام پزیر ہوا۔ اس موقع پر لاہور قلندر کے کپتان شاہین شاہ آفریدی نے کہا کہ وزیر اعظم پاکستان کی جانب سے شروع کیا جانے والا ٹیلنٹ ہنٹ پروگرام اچھا اقدام ہے جس سے حقیقی معنوں میں ٹیلنٹ آگے آئے گا ، گذشتہ 10 سال سے لاہور قلندرز نے یہ پروگرام شروع کیا ہوا ہےتاہم حکومت کی شمولیت سے اس پروگرام کو مزید تقویت ملے گی ۔ شاہین شاہ آفریدی نے کہا کہ ہر اچھے اقدام کو سپورٹ کرنا چاہیے اور کرکٹ کے علاوہ دیگر کھیلوں کو اجاگر کرنا چاہیے۔انہوں نے کہا کہ وزیر اعظم یوتھ پروگرام اور لاہور قلندرز کے درمیان معاہدے سے پاکستان کو اچھے کھلاڑی ملنے کی امید ہے۔.ذریعہ: UrduPoint
کلیدی لفظ: تلاش کیجئے ٹیلنٹ ہنٹ پروگرام انہوں نے کہا کہ لاہور قلندر کے پروگرام شروع کیا جائے گا رانا مشہود پروگرام کے پی ایس ایل
پڑھیں:
عوام سے کوئی ایسا وعدہ نہیں کریں گے جو پورا نہ ہو، وزیراعلیٰ بلوچستان
وزیراعلیٰ بلوچستان میر سرفراز بگٹی نے کہا ہے کہ عوام کے اعتماد پر پورا اترنے کی ہر ممکن کوشش کررہے ہیں، کوئی ایسا وعدہ نہیں کریں گے جو پورا نہ ہو۔
ایکسپریس نیوز کے مطابق بلوچستان کے دور دراز اور پسماندہ علاقے سنجاوی میں اتوار کو اجتماع سے خطاب کرتے ہوئے واضح کیا ہے کہ بلوچستان کے ہر کونے میں جانے کو تیار ہوں، وسائل کی کمی ہو تو پیدل بھی عوام تک پہنچوں گا.
انہوں نے کہا کہ صوبے کے وسائل اور مسائل سب کے سامنے ہیں مگر صوبائی حکومت کی اولین ترجیح وسائل کے شفاف اور درست استعمال کو یقینی بنانا ہے, جو وعدہ کیا وہ پورا کیا ہے، کوئی ایسا وعدہ نہیں کریں گے جو پورا نہ ہو۔
انہوں نے کہا کہ عوام کے اعتماد پر پورا اترنے کی ہر ممکن کوشش کریں گے۔ وزیراعلیٰ نے سنجاوی کو ترقی کے نقشے پر نمایاں کرنے کیلئے فوری طور پر کئی بڑے اعلانات کیے جو علاقے کی صحت، تعلیم، انفراسٹرکچر اور سیکیورٹی کو انقلابی تبدیلی دیں گے۔
انہوں نے تحصیل ہیڈکوارٹر اسپتال سنجاوی کو 20 بستروں پر مشتمل مثالی طبی ادارے میں تبدیل کرنے کا اعلان کیا اور کہا کہ اسپتال کو بیکڑ کی طرز پر پبلک پرائیویٹ پارٹنرشپ کے تحت فعال بنایا جائے گا۔
اس موقع پر اسپتال کا دورہ کرتے ہوئے انہوں نے ڈاکٹرز اور عملے سے ملاقات کی اور مریضوں کی فوری سہولیات کیلئے ہدایات جاری کیں تعلیم کے شعبے میں سنجاوی کے بوائز اور گرلز کالجز کیلئے علیحدہ عمارتوں کی تعمیر اور دو بسوں کی فراہمی کا فیصلہ کیا گیا۔
وزیراعلیٰ نے کیڈٹ کالج زیارت میں سنجاوی کے طلبہ کیلئے دو نئے بلاکس اور چار بسوں کی فراہمی کا بھی اعلان کیا۔
انہوں نے بتایا کہ زیارت کے 14 غیر فعال اسکول موسم سرما کی تعطیلات کے بعد مکمل طور پر فعال ہوں گے جبکہ محکمہ تعلیم میں بھرتیاں سو فیصد میرٹ پر کی جا رہی ہیں۔
وزیراعلیٰ نے کہا کہ میرٹ کی خلاف ورزی کی نشاندہی کی جائے تو فوری کارروائی یقینی بنائی جائے گی ۔
سیکیورٹی اور انفراسٹرکچر کے حوالے سے وزیراعلیٰ نے عوامی مطالبے پر سنجاوی میں چار نئے پولیس اسٹیشنز قائم کرنے، بائی پاس اور نشاندہی کردہ 15 کلومیٹر نئی سڑک کی تعمیر کا اعلان کیا۔
انہوں نے افسران و اہلکاروں کیلئے نیا انتظامی کمپلیکس تعمیر کرنے کا بھی وعدہ کیا، لیویز کو پولیس میں ضم کرنے کے فیصلے کو بظاہر غیر مقبول مگر وقت کی ضرورت قرار دیتے ہوئے کہا کہ یہ دیرپا امن کیلئے ضروری ہے لینڈ سیٹلمنٹ کے عمل کا آغاز کرتے ہوئے۔
وزیراعلیٰ نے کہا کہ سنجاوی کیلئے یہ عمل فوری شروع ہوگا جبکہ بلوچستان بھر میں انتظامی حدود کا ازسرنو تعین کیا جا رہا ہے، زیارت میں نئے ضلع کے قیام پر اسٹیک ہولڈرز کی مشاورت سے سنجیدہ غور جاری ہے ۔
اجتماع سے قبل وزیراعلیٰ نے استحکام پاکستان فٹ بال ٹورنامنٹ کے فائنل میچ میں شرکت کی اور کھلاڑیوں میں انعامات تقسیم کیے۔ انہوں نے نوجوانوں کی صلاحیتوں کو سراہتے ہوئے کھیلوں کے فروغ کیلئے مزید اقدامات کا وعدہ کیا۔
دورے کے دوران صوبائی وزیر حاجی نور محمد خان ڈمر، پارلیمانی سیکریٹری ولی محمد نورزئی، سردار کوہیار خان ڈومکی اور میر اصغر رند سمیت اعلیٰ حکام موجود تھے۔
وزیراعلیٰ ہیلی کاپٹر کے ذریعے سنجاوی پہنچے جہاں ڈپٹی کمشنر محمد ریاض خان داوڑ نے پرتپاک استقبال کیا عوام نے وزیراعلیٰ کے اعلانات پر زوردار نعرے بازی کی اور انہیں خراج تحسین پیش کیا۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟